એક તરફ જ્યારે બુધવારે સોનાના ભાવમાં વધારો થયો હતો. બજારમાં મજબૂત માંગ અને યુએસ ફેડરલ રિઝર્વ દ્વારા આવતા મહિને વ્યાજ દરમાં ઘટાડાની અપેક્ષા વચ્ચે સોના અને ચાંદીના ભાવમાં વધારો થયો હતો ત્યારે આજે એટલે કે ગુરુવારે સોનાના ભાવમાં થોડી રાહત મળી છે. આજે સોનાના ભાવની વાત કરીએ તો, હાલમાં લગ્ન સિઝન ચાલી રહી છે તેવામાં સોના ચાંદીની માગ વધે તે સ્વાભાવિક છે. ત્યારે જો તમે પણ સોનું ખરીદવા માગતા હોવ તો આજે સોનાનો કેટલો ભાવ છે તે ચકાસો.
આજે સોનાનો ભાવ
ગુરુવારે 10 ગ્રામ 24 કેરેટ સોનાનો ભાવ ₹1,27,750 હતો, જે ગઈકાલની સરખામણીમાં ₹160 નો ઘટાડો દર્શાવે છે. આજે 22 કેરેટ 10 ગ્રામ સોનાનો ભાવ ₹1,17,100 પ્રતિ ગ્રામ છે, જે બુધવારની સરખામણીમાં ₹150 નો ઘટાડો દર્શાવે છે. તેવી જ રીતે 18 કેરેટ 10 ગ્રામ સોનાનો ભાવ ₹120 ઘટીને ₹95,810 પ્રતિ ગ્રામ થયો છે.
