સરકારે સોના અને ચાંદીના ઈમ્પોર્ટ ભાવમાં ઘટાડો કર્યો છે. આનાથી કસ્ટમ ડ્યુટી નક્કી કરવા માટે ઉપયોગમાં લેવાતી થ્રેશોલ્ડ કિંમત ઓછી થઈ છે અને ઈમ્પોર્ટ પર લાગતો ટેક્સનો બોજ પણ ઘટી ગયો છે, તેમ છતાં આંતરરાષ્ટ્રીય સ્તરે સોના અને ચાંદીના ભાવ તેમના ઉચ્ચ સ્તરની નજીક છે. સેન્ટ્રલ બોર્ડ ઓફ ઇન્ડાયરેક્ટ ટેક્સીસ એન્ડ કસ્ટમ્સ (CBIC) દ્વારા જાહેર કરાયેલા એક નોટિફિકેશન મુજબ ડ્યુટી ઘટાડો લાગુ કરવામાં આવ્યો છે. આ નિર્ણયને કારણે આગામી દિવસોમાં સોના અને ચાંદીના ભાવમાં ઘટાડો થઈ શકે છે.
સોના-ચાંદીના ભાવમાં કરાયો ઘટાડો
સોનાની બેઝ ઈમ્પોર્ટ કિંમત આશરે $50 ઘટાડીને $1,518 પ્રતિ 10 ગ્રામ કરવામાં આવ્યો છે. ચાંદીનો ભાવ $800થી વધુ ઘટાડીને $2,657 પ્રતિ કિલોગ્રામ કરવામાં આવ્યો છે. આ સુધારેલા ભાવો નિર્દિષ્ટ ટેરિફ કેટેગરી હેઠળ કોઈપણ સ્વરૂપમાં આયાત કરાયેલા સોના અને ચાંદી પર લાગુ થશે. જો વૈશ્વિક સ્તરે સોના અને ચાંદીના ભાવ ઘટશે તો ભારતમાં સોના અને ચાંદીના ભાવ ઘટશે.
દર 15 દિવસે સોના-ચાંદીના ભાવની સમીક્ષા કરાય છે
આ ડ્યુટી ઘટાડો ઉચ્ચ શુદ્ધતાવાળા સોનાના બાર અને સિક્કા, તેમજ ચાંદીના બુલિયન અને મેડલ પર લાગુ પડે છે. જો કે, તેમાં ઘરેણાં, કિંમતી ધાતુઓથી બનેલા અન્ય વસ્તુઓ અને પોસ્ટ, કુરિયર અથવા સામાન દ્વારા લાવવામાં આવતી આયાતનો સમાવેશ થતો નથી. ચાંદીના મૂળ આયાત ભાવ છેલ્લે 27 જાન્યુઆરીએ બદલાયા હતા, જ્યારે સોનાના ભાવ છેલ્લે 22 જાન્યુઆરીએ બદલાયા હતા. સરકાર સામાન્ય રીતે દર 15 દિવસે સોના અને ચાંદીના આયાત ભાવની સમીક્ષા કરે છે.
સરકારે કેમ લીધો નિર્ણય?
સોના અને ચાંદીના ભાવ રેકોર્ડ સ્તરની નજીક હોવાથી એવી અપેક્ષા રાખવામાં આવે છે કે જો વોલ્યુમ યથાવત રહેશે તો પણ આયાતનું કુલ મૂલ્ય ઝડપથી વધશે. આનાથી વેપાર ખાધ અંગે ચિંતા વધી શકે છે અને ડોલર સામે પહેલાથી જ નબળા પડેલા રૂપિયા પર વધુ દબાણ આવી શકે છે. આયાત ભાવમાં આ ઘટાડો એવા સમયે થયો છે જ્યારે વેપાર અને ઉદ્યોગ અધિકારીઓ પહેલાથી જ સતર્ક હતા. તેમણે ચેતવણી આપી હતી કે વધતા જોખમોને કારણે સરકાર આગામી અઠવાડિયામાં સોના અને ચાંદી પર આયાત જકાત વધારવાનું વિચારી શકે છે. જોકે, સરકારે બધી અપેક્ષાઓથી વિપરીત, ઘટાડો કરવાનો નિર્ણય લીધો છે.
2026માં આ ઈમ્પોર્ટ બિલમાં વધારો થશે
ભારત વિશ્વમાં સોનાનો બીજો સૌથી મોટો ગ્રાહક દેશ છે અને ચાંદીનું સૌથી મોટું બજાર છે. જોકે, દેશ તેની લગભગ બધી સોનાની જરૂરિયાતો આયાત દ્વારા પૂર્ણ કરે છે અને તેની ચાંદીની માગના 80 ટકાથી વધુ માટે વિદેશી દેશો પર આધાર રાખે છે. ગયા વર્ષે, ભારતે તેના કુલ વિદેશી હૂંડિયામણ અનામતનો લગભગ દસમો ભાગ સોના અને ચાંદીની આયાત પર ખર્ચ કર્યો હતો. આશા છે કે 2026માં આ ઈમ્પોર્ટ બિલમાં વધારો થશે, કારણ કે બંને કિંમતી ધાતુઓની કિંમત સસ વધી રહી છે.
આ પણ વાંચો : Stock Market Closing: શેરબજારમાં જબરદસ્ત દબાણ , સેન્સેક્સ અને નિફ્ટી બંને ફલેટ બંધ
