30 ઓક્ટોબર ગુરુવારના રોજ સોના અને ચાંદીના ભાવમાં ભારે ઘટાડો થયો હતો. ઈન્ડિયન બુલિયન એન્ડ જ્વેલર્સ એસોસિએશન (IBJA) ના જણાવ્યા અનુસાર માત્ર એક જ દિવસમાં 10 ગ્રામ સોનાનો ભાવ 1375 રૂપિયા ઘટીને 1,19,253 રૂપિયા થઇ ગયો છે. તેના આગલા દિવસે બુધવારે સોનાનો ભાવ 10 ગ્રામ દીઠ ₹1,20,628 હતો.

ચાંદીના ભાવમાં પણ ઘટાડો 

ચાંદીના ભાવ પણ 29 ઓક્ટોબરના રોજ પ્રતિ કિલોગ્રામ ₹1,46,633 રૂપિયા ઘટીને 1,45,600 રૂપિયા થઈ ગયા છે. આનાથી ગ્રાહકોને નોંધપાત્ર રાહત મળી છે. આ મહિનાની શરૂઆતમાં 17 ઓક્ટોબરના રોજ સોનું 1,30,874 રૂપિયા અને ચાંદી 1,71,275 રૂપિયાના સર્વકાલીન ઉચ્ચતમ સ્તર પર પહોંચી ગયા હતા. માત્ર 13 દિવસમાં સોનું 10,246 રૂપિયા ઘટ્યુ જ્યારે ચાંદી 25675 રૂપિયા ઘટી.

સોનાના ભાવ કેમ ઘટ્યા છે?

  • ધનતેરસ અને દિવાળી જેવા તહેવારો પછી સોના અને ચાંદીની માંગમાં ઘટાડો થયો છે. ખરીદીમાં આ મંદીની સોના અને ચાંદીના ભાવ પર અસર પડી છે.
  • વિક્રમજનક ભાવ વધારા પછી હવે નફા-બુકિંગ ચાલુ છે. રિલેટિવ સ્ટ્રેન્થ ઇન્ડેક્સ (RSI) જેવા ટેકનિકલ સૂચકાંકો સૂચવે છે કે ભાવ વધુ પડતી ખરીદીના ક્ષેત્રમાં પહોંચી ગયા છે, જેના કારણે ટ્રેન્ડ ફોલોઅર્સ અને ડીલરો વેચાણ કરવા પ્રેરાયા છે.
  • વૈશ્વિક તણાવ પણ ઓછો થયો છે જેના કારણે સોનાની માંગમાં ઘટાડો થયો છે. સોનાને સામાન્ય રીતે સલામત રોકાણ માનવામાં આવે છે કારણ કે આર્થિક કટોકટી દરમિયાન પણ તેનું મૂલ્ય અકબંધ રહે છે.

આ વર્ષે ભાવમાં કેટલો વધારો થયો છે?

  • આ વર્ષે અત્યાર સુધીમાં સોનાના ભાવમાં ₹43,091 નો વધારો થયો છે.
  •  31 ડિસેમ્બર, 2024 ના રોજ 24 કેરેટ સોનાના 10 ગ્રામનો ભાવ ₹76,162 હતો, જે હવે ₹1,19,253 પ્રતિ 10 ગ્રામ થયો છે.
  • આ વર્ષે ચાંદીના ભાવ કેટલા વધ્યા?
  • આ સમયગાળા દરમિયાન ચાંદીના ભાવમાં પણ ₹59,583 નો વધારો થયો છે.
  • 31 ડિસેમ્બર 2024 ના રોજ એક કિલો ચાંદીનો ભાવ ₹86017 હતા જે હવે વધીને પ્રતિ કિલોગ્રામ ₹1,45,600 થઇ ગયો છે.

સોનું ખરીદતી વખતે શું રાખશો ધ્યાન ?

સોનું ખરીદતી વખતે હંમેશા બ્યુરો ઓફ ઇન્ડિયન સ્ટાન્ડર્ડ્સ (BIS) ના હોલમાર્ક સાથે સોનું ખરીદો. આ એક આલ્ફાન્યૂમેરિક નંબર છે જે સોનાની શુદ્ધતા નક્કી કરે છે. ઉપરાંત, હંમેશા કિંમતને ક્રોસ-ચેક કરો. આજના સોનાના ભાવ પ્રતિ ગ્રામ અથવા કેરેટ દ્વારા 10 ગ્રામ જોવા માટે ઇન્ડિયા બુલિયન એન્ડ જ્વેલર્સ એસોસિએશન જેવી વિવિધ વેબસાઇટ્સની મુલાકાત લો.