આજે ભારતીય સર્રાફા બજારમાં સોના અને ચાંદીના ભાવમાં ભારે ઘટાડો નોંધાયો છે. અમેરિકામાં મજબૂત રોજગારના આંકડા આવવાને કારણે અને ડોલર મજબૂત થવાને લીધે વૈશ્વિક સ્તરે નફાખોરી (પ્રોફિટ બુકિંગ) થઈ છે. આનાથી સ્થાનિક બજાર (MCX) પર બંનેની કિંમતો ઓછી થઈ છે.
સોના-ચાંદીમાં ઘટાડો!
ગઈકાલે એટલે કે શુક્રવારે ઇન્ડિયા બુલિયન એન્ડ જ્વેલર્સ એસોસિએશન (IBJA) અને MCXમાં સોનું અંદાજે 1600 થી 1850 રૂપિયા પ્રતિ 10 ગ્રામ સુધી તૂટીને બંધ થયું. ચાંદીનું ક્લોઝિંગ પણ પ્રતિ કિલોગ્રામ 4000-5800 રૂપિયા સુધીના ઘટાડા સાથે થયું. કારણ કે શનિવાર અને રવિવારે IBJA અને MCX વાયદા બજાર બંને બંધ રહે છે, તેથી કિંમતો ગઈકાલના નીચલા સ્તર પર જ બનેલી છે.
મોટા શહેરોમાં આજનો સોનાનો ભાવ (ગુડ રિટર્ન્સ અનુસાર)
| શહેર | 24 કેરેટ સોનાની કિંમત | 22 કેરેટ સોનાની કિંમત |
| દિલ્હી | 1,55,910 | 1,40,150 |
| મુંબઈ | 1,52,730 | 1,40,000 |
| કોલકાતા | 1,52,730 | 1,40,000 |
| ચેન્નઈ | 1,54,910 | 1,42,000 |
| અમદાવાદ | 1,55,810 | 1,40,050 |
| રાજકોટ | 1,55,810 | 1,40,050 |
ચાંદીની કિંમત
આજે ભારતમાં ચાંદીની સરેરાશ રિટેલ કિંમત 2,74,900 થી 2,79,900 રૂપિયા પ્રતિ કિલોગ્રામની વચ્ચે બનેલી છે. દિલ્હીમાં ચાંદીની કિંમત 10 ગ્રામ માટે 2749 રૂપિયા અને એક કિલોગ્રામની કિંમત 2,79,900 રૂપિયા છે. મુંબઈ અને કોલકાતામાં 10 ગ્રામ અને એક કિલો ચાંદીની કિંમત અનુક્રમે 2750 રૂપિયા અને 2,75,000 રૂપિયા છે. વળી, ચેન્નઈમાં કિંમતો થોડી વધારે એટલે કે પ્રતિ ગ્રામ 2800 રૂપિયા અને પ્રતિ કિલોગ્રામ 2,80,000 રૂપિયા છે.
કેમ ઘટી સોના-ચાંદીની કિંમત?
- મજબૂત અમેરિકી લેબર ડેટા: અમેરિકામાં મે દરમિયાન અંદાજ કરતાં ક્યાંય વધુ (1.72 લાખ) નવી નોકરીઓ વધી. આનાથી અમેરિકી અર્થતંત્ર મજબૂત દેખાઈ રહ્યું છે. એવામાં અમેરિકી ફેડરલ રિઝર્વ (US Fed) દ્વારા વ્યાજ દરોમાં ટૂંક સમયમાં કાપ મૂકવાની આશા નથી. ઊંચા વ્યાજ દરોની સંભાવનાઓ વચ્ચે રોકાણકારો સોનામાંથી પૈસા નીકાળી રહ્યા છે.
- આંતરરાષ્ટ્રીય સ્તરે વેચવાલી: વૈશ્વિક બજાર (Spot Market) માં સોનું 4450 ડોલર પ્રતિ ઔંસ અને ચાંદી 73 ડોલર પ્રતિ ઔંસની નીચે આવી ગઈ છે, જેના કારણે ભારતમાં કિંમતો ઘટી છે.
- મિડલ ઇસ્ટમાં શાંતિની આશાઓ: ઇઝરાયેલ અને લેબેનાન વચ્ચે યુદ્ધવિરામ (સીઝફાયર) ના સમાચારોથી પણ બજારમાં રોકાણકારો વચ્ચે ગભરાટ ઓછો થયો છે અને તેમનું વલણ સુરક્ષિત રોકાણ (Safe Heaven) તરફથી થોડું ઓછું થયું છે.
