ભારત સરકારે નાની બચત યોજનાઓ પર રહેલા વ્યાજદરોમાં કોઈ પણ પ્રકારનો ફેરફાર ના કરવાનો નિર્ણય લીધો છે, એટલે કે અત્યાર સુધી જે વ્યાજદાર રોકાણકારોને મળતા હતા, એટલા જ વ્યાજદર આ યોજનાઓમાં લાગુ રહેશે. આ યોજનાઓનો ઉદ્દેશ્ય લોકોને બચત માટે પ્રોત્સાહિત કરવાનો છે. આ યોજનાઓ ખાસ કરીને નાના રોકાણકારો, વરિષ્ઠ નાગરિકો, મહિલાઓ અને ગ્રામીણ વિસ્તારના લોકોને ધ્યાનમાં રાખીને બનાવવામાં આવી છે.
નાણા મંત્રાલયે કરી જાહેરાત
આ યોજનાઓમાં રોકાણ કરવા પર સરકાર એક નક્કી કરેલું વ્યાજદર રોકાણકારને આપે છે. જે ત્રિમાસિક આધાર પર નક્કી કરવામાં આવે છે. ભારત સરકારે વર્ષ 2025-26ની બીજા ક્વાર્ટર (જુલાઈ-સપ્ટેમ્બર 2025) માટે નાની બચત યોજનાઓના વ્યાજદરોમાં કોઈ ફેરફાર કર્યો નથી. આ યોજનાઓમાં પબ્લિક પ્રોવિડન્ડ ફંડ, સુકન્યા સમૃદ્ધિ યોજના, સીનિયર સિટિઝન સેવિંગ્સ સ્કીમ, નેશનલ સેવિંગ્સ સર્ટિફિકેટ અને પોસ્ટ ઓફિસ ફિકસ્ડ ડિપોઝિટ જેવી યોજનાઓ સામેલ છે. આ નિર્ણય નાણા મંત્રાલય દ્વારા 30 જૂન 2025એ લેવામાં આવ્યો છે.
શું છે વિવિધ યોજનાઓ પર વ્યાજદર?
- પબ્લિક પ્રોવિડન્ડ ફંડ (PPF)- 7.1% વ્યાજદર
- સુકન્યા સમૃદ્ધિ યોજના (SSY)- 8.2% વ્યાજદર
- સીનિયર સિટિઝન સેવિંગ્સ સ્કીમ (SCSS)- 8.2 % વ્યાજદર
- નેશનલ સેવિંગ્સ સર્ટિફિકેટ (NSC)- 7.7 % વ્યાજદર
- પોસ્ટ ઓફિસ ફિકસ્ડ ડિપોઝિટ (FD)- 6.9%થી 7.5% વ્યાજદર
- કિસાન વિકાસ પત્ર (KVP)- 7.5% વ્યાજદર
- મહિલા સન્માન બચત પત્ર - 7.5% વ્યાજદર