આંતરરાષ્ટ્રીય નાણાકીય ભંડોળના મેનેજિંગ ડિરેક્ટર ક્રિસ્ટાલિના જ્યોર્જિવાએ જણાવ્યું હતું કે ભારત વૈશ્વિક વિકાસના મુખ્ય એન્જિન તરીકે ઉભરી રહ્યું છે. 2025 IMF-વર્લ્ડ બેંક વાર્ષિક બેઠક પહેલા, IMF વડાએ જણાવ્યું હતું કે, મધ્યમ ગાળામાં વૈશ્વિક વૃદ્ધિ લગભગ 3 ટકા રહેવાનો અંદાજ છે. રોગચાળા પહેલા જે 3.7 ટકા હતી. તેમણે નોંધ્યું હતું કે છેલ્લા કેટલાક વર્ષોમાં વૈશ્વિક વૃદ્ધિ પેટર્ન બદલાઈ રહી છે, ખાસ કરીને ચીનનો વિકાસ દર સતત ઘટી રહ્યો છે.
ભારત વૈશ્વિક વિકાસનું મુખ્ય એન્જિન- જ્યોર્જિવા
વોશિંગ્ટન, ડી.સી.માં IMF અને વિશ્વ બેંકની વાર્ષિક બેઠકોમાં બોલતા, જ્યોર્જિવાએ ભારતને વૈશ્વિક વિકાસનું મુખ્ય એન્જિન ગણાવ્યું. જ્યોર્જિવાએ ભારતના આર્થિક સ્થિતિ સ્થાપકતા માટેના ચાર કારણો ટાંક્યા. તેમણે કહ્યું કે દેશની આર્થિક શક્તિ મજબૂત નીતિ અને મૂળભૂત સિદ્ધાંતો,મજબૂત ખાનગી ક્ષેત્રની કામગીરી, પ્રારંભિક સમયે ટેરિફની આશંકા કરતા ઓછો પ્રભાવ અને સહાયક નાણાકીય પરિસ્થિતિઓ દ્વારા મજબૂત બને છે. જો કે જ્યોર્જિવાએ નોંધ્યું હતું કે ટેરિફની સંપૂર્ણ અસર હજુ સામે આવવાની બાકી છે.
અમેરિકામાં ફુગાવાનો ભય
યુએસ વિશે વાત કરતાં, જ્યોર્જિવાએ કહ્યું કે માર્જિન ઘટવાથી ત્યાં કિંમતોમાં વધારો થઇ શકે છે. આનાથી નાણાકીય નીતિ અને વૃદ્ધિ પર અસર થવાની ધારણા છે. જ્યોર્જિવાએ એમ પણ કહ્યું કે વૈશ્વિક સ્થિતિસ્થાપકતા હજુ સુધી સંપૂર્ણ રીતે પરીક્ષણ કરવામાં આવી નથી. તેમણે ચેતવણી આપી હતી કે સોનાની વધતી માંગ અને સરળ નાણાકીય પરિસ્થિતિઓ નબળાઈઓને ઢાંકી શકે છે.
આઇએમએફ ચીફ અપીલ: વૈશ્વિક સ્તરે ખાનગી ક્ષેત્રની ઉત્પાદકતા વધારવા પર ધ્યાન કેન્દ્રિત કરો
જ્યોર્જિવાએ દેશોને ચેતવણી આપી હતી કે તેઓ સંસ્થાઓને મજબૂત બનાવવા, મિલકતના અધિકારોનું રક્ષણ કરવા અને નિષ્પક્ષ પ્રતિસ્પર્ધાને પ્રોત્સાહન આપનારા સુધારા દ્વારા ખાનગી ક્ષેત્રની ઉત્પાદકતા વધારવા પર ધ્યાન આપે. તેમણે એશિયન અર્થતંત્રોને લાંબા ગાળે જીડીપી વધારવા માટે આંતરિક વેપાર વધારવા પણ વિનંતી કરી.
