ઈરાન-ઈઝરાયલ-અમેરિકા યુદ્ધને કારણે ક્રૂડ ઓઈલના ભાવ આસમાને પહોંચી રહ્યા છે. સાડા ત્રણ વર્ષમાં પહેલી વાર, ક્રૂડ ઓઈલના ભાવ પ્રતિ બેરલ $100 ને વટાવી ગયા છે. શિકાગો મર્કેન્ટાઈલ એક્સચેન્જ પર ક્રૂડ ઓઈલના ભાવ 16.5 ટકા વધીને $107.97 પ્રતિ બેરલ પર પહોંચ્યા. ત્યારે ગુજરાતમાં પેટ્રોલ ડીઝલના ભાવમાં 9 માર્ચે શું ફેરફાર આવ્યો છે તે જાણીએ.
16.90 ટકાનો કાચા તેલમાં વધારો
અગાઉ શુક્રવારે, તે $92.69 પ્રતિ બેરલ પર બંધ થયા હતા. યુએસ સ્વીટ ક્રૂડ ઓઈલ $106.22 પ્રતિ બેરલ પર વેચી રહ્યું છે, જે શુક્રવારના બંધ ભાવ કરતા 16.90 ટકાનો વધારો છે. નોંધનીય છે કે યુએસ ક્રૂડ ફ્યુચર્સ છેલ્લે 30 જૂન, 2022 ના રોજ $100 ને વટાવી ગયા હતા, જ્યારે તે $105.76 પર પહોંચ્યા હતા. ગયા અઠવાડિયામાં યુએસ ક્રૂડ ઓઈલના ભાવમાં 36 ટકાનો વધારો થયો છે, જ્યારે બ્રેન્ટ ક્રૂડના ભાવમાં 28 ટકાનો વધારો જોવા મળ્યો છે. યુદ્ધે ક્રૂડ ઓઈલના ઉત્પાદનને અસર કરી છે, તેની અસર ક્રૂડ ઓઈલના ભાવ પર પણ પડી છે. ઈરાક, કુવૈત અને યુએઈએ તેમના તેલ ઉત્પાદનમાં ઘટાડો કર્યો છે. દરમિયાન, હોર્મુઝ સ્ટ્રેટ દ્વારા ક્રૂડ ઓઇલના શિપમેન્ટ પર પ્રતિકૂળ અસર પડી છે. હોર્મુઝ સ્ટ્રેટ વિશ્વના 20 ટકા તેલનો પુરવઠો પૂરો પાડે છે.
દેશના મોટા શહેરોમાં શું છે પેટ્રોલ ડીઝલની કિંમત ?
- દિલ્હીમાં પેટ્રોલનો ભાવ 94.77 રૂપિયા અને ડીઝલનો ભાવ 87.67 રૂપિયા પ્રતિ લિટર છે.
- મુંબઈમાં પેટ્રોલનો ભાવ 103.54 રૂપિયા અને ડીઝલનો ભાવ 90.03 રૂપિયા પ્રતિ લિટર છે.
- કોલકાતામાં પેટ્રોલનો ભાવ 105.45 રૂપિયા અને ડીઝલનો ભાવ 92.02 રૂપિયા પ્રતિ લિટર છે.
- ચેન્નાઈમાં પેટ્રોલનો ભાવ 100.84 રૂપિયા અને ડીઝલનો ભાવ 92.39 રૂપિયા પ્રતિ લિટર છે.
ગુજરાતના મોટા શહેરોમાં શું છે ભાવ? (ગુડ રિટર્ન અનુસાર)
| શહેર | પેટ્રોલ (રૂ.) | ડીઝલ (રૂ.) |
| અમદાવાદ | 94.44 | 90.11 |
| ભાવનગર | 96.10 | 91.77 |
| ગાંધીનગર | 94.95 | 90.27 |
| રાજકોટ | 94.24 | 89.94 |
| વડોદરા | 94.11 | 89.78 |
સુરત
| 94.62 | 90.31 |
એસએમએસ દ્વારા જાણો પેટ્રોલ અને ડીઝલના ભાવ
ઈન્ડિયન ઓઈલ: RSP અને તમારા શહેરનો પિનકોડ 9224992249 નંબર પર SMS કરો.
ભારત પેટ્રોલિયમ: RSP અને તમારા શહેરનો પિનકોડ 9223112222 પર SMS કરો.
હિન્દુસ્તાન પેટ્રોલિયમ: 9222201122 નંબર પર તમારા શહેરનો HPP કિંમત અને પિનકોડ SMS કરો
શું ભારતમાં પેટ્રોલ અને ડીઝલના ભાવમાં વધારો થશે?
ભારત સરકારના સૂત્રો કહે છે કે હાલમાં પેટ્રોલ અને ડીઝલના ભાવમાં કોઈ વધારો થશે નહીં. જોકે, LPGના ભાવમાં વધારા બાદ પેટ્રોલ અને ડીઝલના ભાવ અંગે ચર્ચાઓ શરૂ થઈ ગઈ છે. જો ક્રૂડ ઓઇલના ભાવમાં વધારો ચાલુ રહેશે, તો તેની સ્થાનિક તેલના ભાવ પર અસર પડી શકે છે. ગલ્ફ દેશોમાંથી સપ્લાય ખોરવાયા બાદ ભારતે રશિયા તરફ વળ્યા છે. કેટલાક અહેવાલોમાં દાવો કરવામાં આવ્યો છે કે આ વખતે રશિયા ડિસ્કાઉન્ટ પર તેલ પૂરું પાડશે નહીં.
