ઇરાન સામે ઇઝરાયલ અને અમેરિકાના યુદ્ધનો આજે છઠ્ઠો દિવસ છે. અમેરિકા અને ઈરાન વચ્ચે યુદ્ધ વધુ તીવ્ર બન્યું છે, જેના કારણે હોર્મુઝ સ્ટ્રેટમાં શિપિંગ લાંબા સમય સુધી બંધ રહેવાની શક્યતા વધી ગઈ છે. હોર્મુઝ સ્ટ્રેટમાં ટેન્કર ટ્રાફિકમાં 92 ટકાનો ઘટાડો થયો છે. જેના કારણે આજે ક્રૂડ ઓઈલના ભાવમાં ફરી વધારો થયો છે. ત્યારે આ તમામની પેટ્રોલ ડીઝલ પર અસર વર્તાય છે. ત્યારે દેશના મોટા શહેરોમાં 5 માર્ચના રોજ શું ફેરફાર આવ્યો છે તે વિશે જાણીએ.
સતત પાંચમા દિવસે ક્રૂડ ઓઇલમાં વધારો
ગુરુવારે ક્રૂડ ઓઇલના ભાવમાં વધારો થયો હતો કારણ કે હોર્મુઝ સ્ટ્રેટ લાંબા સમય સુધી બંધ રહેવાને લઇને ચિંતા વધી હતી. કારણ કે યુએસ-ઈરાન સંઘર્ષે મધ્ય પૂર્વમાં આવશ્યક તેલ અને ગેસના પ્રવાહને અવરોધ્યો છે. જ્યારે ઉત્પાદન સુવિધાઓએ ઉત્પાદન મર્યાદિત કરી દીધુ છે. બ્રેન્ટ ક્રૂડ $1.67, અથવા 2.05% વધીને $83.07 પ્રતિ બેરલ પર ટ્રેડ થયું. યુએસ વેસ્ટ ટેક્સાસ ઇન્ટરમીડિયેટ ક્રૂડ $1.94, અથવા 2.60% વધીને $76.60 પર પહોંચ્યું.
હોર્મુઝ સ્ટ્રેટમાં ઓઇલ ટેન્કરો માટે સલામતીની યુએસ ખાતરીઓ નિષ્ફળ ગઈ. આ જ કારણ છે કે ક્રૂડ ઓઇલના ભાવ સતત પાંચમા દિવસે વધ્યા. વેપારીઓએ ઇરાન સામે યુએસ-ઇઝરાયલ યુદ્ધની વધતી અસરની અપેક્ષા રાખી હતી અને યુદ્ધ ચાલુ રાખવાની પ્રતિજ્ઞા લીધી હતી, જેના કારણે ઊર્જા બજારમાં ઉથલપાથલ થઈ હતી.
દેશના મોટા શહેરોમાં શું છે પેટ્રોલ ડીઝલની કિંમત ?
- દિલ્હીમાં પેટ્રોલનો ભાવ 94.77 રૂપિયા અને ડીઝલનો ભાવ 87.67 રૂપિયા પ્રતિ લિટર છે.
- મુંબઈમાં પેટ્રોલનો ભાવ 103.54 રૂપિયા અને ડીઝલનો ભાવ 90.03 રૂપિયા પ્રતિ લિટર છે.
- કોલકાતામાં પેટ્રોલનો ભાવ 105.45 રૂપિયા અને ડીઝલનો ભાવ 92.02 રૂપિયા પ્રતિ લિટર છે.
- ચેન્નાઈમાં પેટ્રોલનો ભાવ 100.84 રૂપિયા અને ડીઝલનો ભાવ 92.39 રૂપિયા પ્રતિ લિટર છે.
ગુજરાતના મોટા શહેરોમાં શું છે ભાવ? (ગુડ રિટર્ન અનુસાર)
| શહેર | પેટ્રોલ (રૂ.) | ડીઝલ (રૂ.) |
| અમદાવાદ | 94.47 | 90.14 |
ભાવનગર
| 96.10 | 91.77 |
| ગાંધીનગર | 94.95 | 90.63 |
| રાજકોટ | 94.46 | 90.16 |
| વડોદરા | 94.15 | 89.82 |
| સુરત | 94.32 | 90.01 |
એસએમએસ દ્વારા જાણો પેટ્રોલ અને ડીઝલના ભાવ
ઈન્ડિયન ઓઈલ: RSP અને તમારા શહેરનો પિનકોડ 9224992249 નંબર પર SMS કરો.
ભારત પેટ્રોલિયમ: RSP અને તમારા શહેરનો પિનકોડ 9223112222 પર SMS કરો.
હિન્દુસ્તાન પેટ્રોલિયમ: 9222201122 નંબર પર તમારા શહેરનો HPP કિંમત અને પિનકોડ SMS કરો
