સોના ચાંદીના ભાવમાં વધ ઘટ થયા કરે છે. તેમાં પણ ચાંદીના ભાવ તો 2.5 લાખને પાર પહોંચ્યા છે. સોનું પણ દોઢ લાખની નજીક છે. તેવામાં રાહતની વાત એ છે કે ચાંદીના ભાવ હાલ જબરદસ્ત ઘટાડો થયો છે. એમસીએક્સ અનુસાર અત્યારે ચાંદીના ભાવમાં 21500 રૂપિયાનો ઘટાડો થયો છે.
ચાંદીના ભાવમાં ઘટાડો
આજે દિવસની શરૂઆત થતા જ ચાંદીએ ઇતિહાસ રચ્યો અને બપોર થતા થતા તો ચાંદી ધડામ થઇ ગઇ. MCX પર ચાંદીના માર્ચના વાયદાના ભાવે સવારે ₹254,174 પ્રતિ કિલોનો રેકોર્ડ તોડ્યો, ત્યારે એવું લાગતું હતું કે આ ચાંદી માટે 2025નું છેલ્લું ટ્રેડિંગ સત્ર હશે. જોકે બજારમાં નફા-બુકિંગની લહેર ફેલાઈ જતાં ભાવ પલટાઈ ગયો અને ₹232,663 પર આવી ગયો એટલે કે ટૂંકા સમયમાં ચાંદીના ભાવમાં આશરે ₹21,500નો ઘટાડો થયો. નિષ્ણાતોના મતે આ ઘટાડો અચાનક નથી, પરંતુ તીવ્ર વધારા પછીની સામાન્ય પ્રતિક્રિયા છે. ઘણા વેપારીઓએ નફો મેળવવા માટે ચાંદી વેચવાનું શરૂ કર્યું, જેનાથી બજારમાં ઘટાડાનો વેગ આવ્યો.
