આર્ટિફિશિયલ ઇન્ટેલિજન્સ (AI) એ શેરબજારોમાં હલચલ મચાવી દીધી છે. અમેરિકાથી લઈને એશિયન બજારો અને હવે ભારતીય શેરબજારમાં પણ ભારે ઘટાડો જોવા મળ્યો છે. સેન્સેક્સ અને નિફ્ટીમાં વેચાણનો દબદબો રહ્યો, કારણ કે IT શેરોમાં તીવ્ર ઘટાડો જોવા મળ્યો. TCS, Infosys, Tech Mahindra અને Wipro જેવા શેરમાં 6 ટકા સુધીનો ઘટાડો થયો. દરમિયાન, યુએસ બજારમાં IT શેરોના ઇન્ડેક્સ, Nasdaq, 2 ટકાથી વધુ ઘટ્યો.
શેરબજારમાં કડાકો
બપોરે 3.30 કલાકે સેન્સેક્સ અને નિફ્ટી બંને લાલ નિશાનમાં બંધ થયા છે. સેન્સેક્સ 1048 પોઇન્ટના ઘટાડા સાથે 82,593 અંકે બંધ થયો. જ્યારે નિફ્ટી 339.20 પોઇન્ટના ઘટાડા સાથે 25,468.00 અંકે બંધ થયો.
IT સેક્ટરમાં દબાણ
સેન્સેક્સના 30 માંથી 29 શેર ઘટ્યા. IT સેક્ટર સૌથી વધુ દબાણ હેઠળ હતું. ઇન્ફોસિસ, TCS, HCL ટેક અને ટેક મહિન્દ્રાના શેરમાં ઘટાડાએ બજારને વધુ નબળું પાડ્યું. હિન્દુસ્તાન યુનિલિવર, ટ્રેન્ટ, મહિન્દ્રા અને મહિન્દ્રા, અદાણી પોર્ટ્સ, ટાટા સ્ટીલ, NTPC, ટાઇટન કંપની, લાર્સન અને ટુબ્રો, બજાજ ફિનસર્વ, ઇન્ટરગ્લોબ એવિએશન અને પાવર ગ્રીડ કોર્પોરેશન ઓફ ઇન્ડિયા જેવા મુખ્ય શેરો પણ દબાણ હેઠળ રહ્યા.
જોકે આ ઘટાડાવાળા વાતાવરણમાં બજાજ ફાઇનાન્સે મજબૂતી દર્શાવી. તેનો શેર આશરે 1.37 ટકા વધ્યો, જેના કારણે તે ગ્રીનમાં ટ્રેડ થતો એકમાત્ર સેન્સેક્સ સ્ટોક બન્યો.
ક્ષેત્રીય કામગીરીની વાત કરીએ તો, IT સેક્ટર સૌથી વધુ પ્રભાવિત થયું. નિફ્ટી IT ઇન્ડેક્સમાં આશરે ૫ ટકાનો તીવ્ર ઘટાડો નોંધાયો. ઇન્ફોસિસમાં ૫.૬ ટકાનો ઘટાડો થયો, જ્યારે TCS, HCL ટેક, LTIMindtree, Coforge અને Wipro પણ દબાણ હેઠળ રહ્યા.
મેટલ્સ સેક્ટરમાં પણ 2 ટકાનો ઘટાડો થયો, જ્યારે મીડિયા ઇન્ડેક્સમાં 1 ટકાનો ઘટાડો થયો અને FMCG સેક્ટરમાં લગભગ0.8 ટકાનો ઘટાડો થયો.
