ટેરિફ પર સુપ્રીમ કોર્ટમાં પરાજિત થયેલા ડોનાલ્ડ ટ્રમ્પે વિશ્વભરના દેશોને નવી ધમકીઓ આપી છે, જેનાથી વૈશ્વિક તણાવ વધી રહ્યો છે. શેરબજારોમાં પણ ઉથલપાથલ છે.ત્યારે ભારતીય શેરબજારની શરૂઆત લાલ નિશાનમાં થઇ. સવારે 9.30 કલાકે સેન્સેક્સ 626.41 પોઇન્ટના ઘટાડા સાથે 82,668.25 અંકે ખૂલ્યો. જ્યારે નિફ્ટી 178.50 પોઇન્ટના ઘટાડા સાથે 25,534.50 અંકે ખૂલ્યો.
ટેક શેર્સમાં કડાકો
એશિયન બજારોમાંથી ભારત માટે મિશ્ર વૈશ્વિક સંકેતો મળી રહ્યા હતા અને જ્યારે સેન્સેક્સ-નિફ્ટી ખુલ્યો ત્યારે BSE સેન્સેક્સ ખુલતાની સાથે જ 500 પોઈન્ટથી વધુ ગબડ્યો. આ ઉપરાંત, NSE નિફ્ટી ઘટ્યો અને 25,600 ની નીચે ટ્રેડ થતો જોવા મળ્યો. બજારમાં ઘટાડાથી સૌથી વધુ અસરગ્રસ્ત શેરોની વાત કરીએ તો, ટેક શેરોમાં કડાકો જોવા મળ્યો, જેમાં ઇન્ફોસિસ, TCS, HCL અને ટેક મહિન્દ્રા જેવા શેરોમાં કડાકો જોવા મળ્યો.