આજે ભારતીય શેરબજાર માટે બે મુખ્ય પરિબળો ભૂમિકા ભજવી રહ્યા છે. ભારતીય બજાર યુએસ અને એશિયન બજારોમાં તીવ્ર ઘટાડો થયો અને બીજુ કે બિહારમાં વિધાનસભાની ચૂંટણીનું આજે પરિણામ છે. જેને ધ્યાનમાં રાખીને ભારતીય શેરબજાર આજે ઘટાડા સાથે ખૂલ્યા છે.સવારે 9.33 કલાકે સેન્સેક્સ અને નિફ્ટી બંને લાલ નિશાનમાં ખૂલ્યા. સેન્સેક્સ 66.17 પોઇન્ટના ઘટાડા સાથે 84,412.50 અંકે ખૂલ્યો. જ્યારે નિફ્ટી 16.15 પોઇન્ટના ઘટાડા સાથે 25,863.00 અંકે ખૂલ્યો. બિહાર ચૂંટણી પરિણામો અંગે સ્પષ્ટ ચિત્ર બહાર ન આવે ત્યાં સુધી રોકાણકારો સાવધ જોવા મળ્યા.
વૈશ્વિક બજારોની શું છે સ્થિતિ ?
વોલ સ્ટ્રીટની નબળાઈને પગલે એશિયન બજારોમાં ઘટાડો થયો. ફેડરલ રિઝર્વ દ્વારા વ્યાજ દરમાં ઘટાડા અંગે ટેકનોલોજી શેરોમાં નવા દબાણ અને અનિશ્ચિતતાનો સામનો કરવો પડ્યો. જાપાનનો નિક્કી 225 ઇન્ડેક્સ 1.5 ટકા ઘટ્યો. દક્ષિણ કોરિયાનો KOSPI 2.03 ટકા ઘટ્યો અને હોંગકોંગનો હેંગ સેંગ 1.23 ટકા ઘટ્યો.
