તાજેતરના સમયમાં સોના અને ચાંદીના ભાવમાં નોંધપાત્ર ઉછાળો જોવા મળ્યો છે. સોનું અને ચાંદીની કિંમતો આસમાને પહોંચી રહ્યા છે. આંકડા દર્શાવે છે કે છેલ્લા પાંચ વર્ષમાં જ તેમાં 265 ટકાથી વધુનો વધારો થયો છે. ચીન, પોલેન્ડ, તુર્કીથી લઈને ભારત સુધીના દેશોએ તેમના સોનાના ભંડારમાં વધારો કર્યો છે. સોનાની ખરીદીમાં મધ્યસ્થ બેંકો મોખરે રહી છે, જ્યારે ફિલિપાઇન્સ અને શ્રીલંકા સહિત ઘણા દેશોએ તેમના સોનાના ભંડારમાં ઘટાડો કર્યો છે. ચાલો જાણીએ કે સોનાની ખરીદી અને વેચાણમાં કયા દેશો આગળ છે અને તેમાં ભારત ક્યાં ક્રમે છે.
કયા દેશે સૌથી વધુ સોનું ખરીદ્યું?
વર્લ્ડ ઓફ સ્ટેટિસ્ટિક્સ રિપોર્ટ મુજબ છેલ્લા પાંચ વર્ષમાં 2020 થી 2025 સુધી ચીન સોનાના ખરીદીમાં નંબર વન છે. છેલ્લા પાંચ વર્ષમાં ચીને 357.1 ટન સોનું ખરીદ્યું છે. જોકે નિષ્ણાંતો માને છે કે આ આંકડો વધુ હોઈ શકે છે. ચીન પછી પોલેન્ડ સોનાની ખરીદીમાં બીજા ક્રમે છે જેણે છેલ્લા પાંચ વર્ષમાં 314.6 ટન સોનું ખરીદ્યું છે. તુર્કી ત્રીજા ક્રમે આવે છે, જેણે 251.8 ટન સોનું ખરીદ્યું છે.
