Budget 2026 Live Updates : કેન્દ્રીય બજેટ 2026માં ભારતે બાંગ્લાદેશ-માલદીવની આર્થિક સહાયતા ઘટાડી, શ્રીલંકાની આર્થિક સહાયતામાં વધારો કર્યો

ભારતે બાંગ્લાદેશ-માલદીવની આર્થિક સહાયતા ઘટાડી

આજે રજૂ કરવામાં આવેલા કેન્દ્રીય બજેટ 2026માં ભારતે બાંગ્લાદેશ અને માલદિવની આર્થિક સહાયતામાં ઘટાડો કર્યો  છે. ભારતે બાંગ્લાદેશની આર્થિક સહાયતા 120 કરોડથી ઘટાડીને 60 કરોડ કરી દીધી છે. જ્યારે માલદિવની આર્થિક સહાયતામાં આઠ ટકાનો ઘટાડો કર્યો છે. નેપાળ, ભૂટાન, મોરિશિયસ અને શ્રીલંકાની આર્થિક સહાયતામાં વધારો કર્યો છે. ઇરાનના ચાબહાર પોર્ટ માટે કોઇ ફાળવણી નહીં.2024-25માં ચાબહાર પોર્ટ માટે 400 કરોડ ફાળવ્યા હતા

જામ ખંભાળીયામાં 25 વર્ષના યુવકની નિર્મમ હત્યા

જામ ખંભાળીયામાં 25 વર્ષના યુવકની નિર્મમ હત્યા કરવામાં આવી છે. રામનગર ગામે ગુંદ મોરાવાળી વાડી વિસ્તારમાં હત્યા કરવામાં આવી છે. માથાના ભાગે તીક્ષ્ણ હથિયાર મારી મોતને ઘાટ ઉતાર્યો, પ્રેમ પ્રકરણમાં યુવકની હત્યા કર્યાની પ્રાથમિક માહિતી, હત્યામાં નજીકના કુટુંબીજનો સંડોવાયેલા હોવાની ચર્ચા

લાફો મારનાર શિક્ષિકાને કોર્ટે જેલની સજા ફટકારી

ગાંધીનગરની શાળામાં વિદ્યાર્થિનીને લાફો મારનાર શિક્ષિકાને કોર્ટે જેલની સજા ફટકારી છે. શિક્ષિકાને જેલની સજા સહિત 50 હજાર રૂપિયાનો દંડ પણ ફટકારવામાં આવ્યો છે. વર્ષ 2020માં નવમા ધોરણમાં ભણતી વિદ્યાર્થીનીને લેસન નહીં કરવા બદલ શિક્ષિકાએ લાફો માર્યો હતો. જેના કારણે વિદ્યાર્થિનીના કાનનો પડદો ફાટી ગયો હતો. વિદ્યાર્થિનીને સાંભળવાની શક્તિ પર ગંભીર અસર થઈ હતી. ગાંધીનગરની ત્રીજી એડિશ્નલ ચીફ જ્યુડિશિયલ કોર્ટે શિક્ષિકાને ત્રણ વર્ષ અને ત્રણ મહિનાની જેલની સજા સહિત 20 હજાર રૂપિયાનો દંડ ફટકાર્યો છે. દંડની રકમ વિદ્યાર્થિનીને વળતર પેટે ચૂકવવા આદેશ કરવામાં આવ્યો છે. 

વિદેશમાં અભ્યાસ અને સારવાર માટે પૈસા મોકલવાનો ખર્ચ સસ્તો થયો

બજેટ દરખાસ્ત મુજબ, શિક્ષણ અથવા તબીબી સારવાર માટે ₹1 મિલિયનથી વધુના રેમિટન્સ પર હવે પાંચ ટકાને બદલે બે ટકા TCS લાગશે. LRS હેઠળ, સગીરો સહિત તમામ નિવાસી વ્યક્તિઓને દર નાણાકીય વર્ષમાં $250,000 સુધી વિદેશ મોકલવાની છૂટ છે.

જસદણના સાણથલીમાં અકસ્માત

જસદણના સાણથલીમાં અકસ્માતની ઘટના સામે આવી છે. નશાખોર ટ્રક ચાલકે વૃદ્ધને અડફેટે લેતા મોત નિપજ્યું છે. રસ્તા પર ચાલતા જતા વૃદ્ધને ટક્કર મારી હતી. ગામ લોકોએ ટ્રક ચાલકને અડફેટે લીધો હતો. વૃદ્ધનું હોસ્પિટલમાં સારવાર દરમિયાન મોત નિપજ્યું હતું. પોલીસે ઘટના સ્થળે પહોંચીને વધુ તપાસ હાથ ધરી છે. 

અમદાવાદમાં કોંક્રીટનો વેપારી છેતરપિંડીનો ભોગ બન્યો

અમદાવાદમાં ઈસનપુરના કોંક્રિટના વેપારીએ ઓનલાઈન સર્ચ કરીને કંપનીનો સંપર્ક કર્યો હતો. આ દરમિયાન એક ગઠિયાએ તેમને સિમેન્ટની કોંક્રિટ મોકલવાના બહાને 66 હજાર રૂપિયા પડાવી લીધા હોવાનું સામે આવ્યું છે. વેપારીએ આ ઠગાઈ અંગે ફરિયાદ કરતાં નારોલ પોલીસે ગુનો નોંધી વધુ તપાસ હાથ ધરી છે. 

ટ્રમ્પના નિવેદન પર કોંગ્રેસના સાંસદ શશી થરૂરે શું કહ્યું

ભારત-અમેરિકા વેપાર સોદા અને વેનેઝુએલાના તેલ અંગેના અમેરિકન રાષ્ટ્રપતિ ટ્રમ્પના નિવેદન પર કોંગ્રેસના સાંસદ શશી થરૂરે કહ્યું,આ સોદો ઘણા લાંબા સમયથી અટકેલો છે. પરંતુ તેલના મોરચે, મારે કહેવું જ જોઇએ કે તેનાથી મને આશ્ચર્ય થતું નથી, કારણ કે તમે જાણો છો કે શું થયું કે વેનેઝુએલાના તેલ, ઈરાની તેલ અને રશિયન તેલ બધા પર પશ્ચિમી દેશો દ્વારા પ્રતિબંધ મૂકવામાં આવ્યો હતો, અને પરિણામે, દેશો અન્ય તેલ, અમેરિકન તેલ અને મધ્ય પૂર્વીય તેલનો મર્યાદિત પુરવઠો ખરીદી રહ્યા હતા... ભારત પશ્ચિમી દેશોની સંમતિ અને જાણકારીથી રશિયન તેલ ખરીદીને મર્યાદિત પુરવઠા પરનું દબાણ ઓછું કરવામાં સક્ષમ હતું. પરંતુ હવે જ્યારે રાષ્ટ્રપતિ ટ્રમ્પે આ પર કડક કાર્યવાહી કરી છે અને ભારત પર 50% ટેરિફ લાદ્યો છે, તો તે હવે શક્ય નથી. 

રાજકોટને શર્મસાર કરતી ઘટના

રાજકોટ શહેરમાં લાખાજી રોડ પર શહેરને શર્મશાર કરતી ઘટના સામે આવી છે. શહેરના ધમધમતા લાખજીરોડ પર એ યુવક જાહેરમા મહિલાની છેડતી કરી હતી. આ ઉપરાંત યુવકે યુવતી સાથે અશ્લિલ હરકતો પણ કરી હોવાનો આરોપ લગાવવામાં આવ્યો છે. છેડતી કર્યા બાદ આ યુવકે પોતાનો ગુનો કબૂલ કર્યો હતો. આ સમગ્ર મામલે A ડિવિઝન પોલીસ દ્વારા વધુ તપાસ હાથ ધરાઈ છે. 

T - 2O વિશ્વ કપમાં ભારત સામે પાકિસ્તાન નહીં રમે

T20 વર્લ્ડકપ 2026 7 ફેબ્રુઆરીથી શરૂ થવાનો છે. ભારત-પાકિસ્તાન મેચ 15 ફેબ્રુઆરીએ યોજાવાની છે. આ પહેલા કેટલાક ચોંકાવનારા સમાચાર સામે આવ્યા છે. પાકિસ્તાને T20 વર્લ્ડકપમાં ભાગ લેવા માટે તેની ટીમને મંજૂરી આપી દીધી છે, પરંતુ 15 ફેબ્રુઆરીએ ભારત સામેની મેચને બોયકોટ કરવાનો નિર્ણય લીધો છે.

લાંચ લેવાનો વીડિયો વાયરલ થતાં PSI એન.એન.ઝવેરી અંગે DCPને તપાસ સોંપાઈ

વડોદરા શહેરમાં એક PSI એન.એન. ઝવેરીનો કથિત રીતે લાંચની માગ અને લાંચ સ્વીકારતો વીડિયો વાયરલ થયો છે. આ વીડિયોને લઈને પોલીસ કમિશ્નરને તપાસના આદેશ આપ્યા છે. લાંચની તપાસ DCP ઝોન 1 જગદીશ ચાવડાને સોપાઈ છે. આ વીડિયો એક વર્ષ પહેલાનો હોવાનું સામે આવ્યું છે.

અમદાવાદ ક્રાઈમ બ્રાંચની મોટી કાર્યવાહી

ક્રાઈમ બ્રાંચના પીઆઈ જે કે મકવણાએ કહ્યું હતું કે, ઓનલાઇન એસ્કોર્ટ સર્વિસ ચલાવતા 120 સોશિયલ મીડિયા એકાઉન્ટ પર અમદાવાદ ક્રાઈમ બ્રાન્ચે કાર્યવાહી કરી છે. અલગ અલગ પ્લેટફોર્મ પરથી એસ્કોર્ટ સર્વિસ ચલાવવામાં આવતી હતી. જેમાં યુવતીઓના ફોટા અને મોર્ફ કરેલ ન્યૂડ ફોટાનો ઉપયોગ કરવામાં આવતો હતો.ક્રાઈમ બ્રાંચની સોશિયલ મીડિયા મોનીટરીંગ ટીમ છેલ્લા 3 મહિનામાં સોશિયલ મીડિયાના અલગ અલગ પ્લેટફોર્મ પર ચાલી રહેલા એક્સોર્ટ સર્વિસ અંગે તપાસ હાથ ધરી હતી.જેમા સામે આવ્યું હતું કે યુવતીના ખોટા ફોટો અને મોર્ફ કરેલા ન્યૂડ ફોટાનો ઉપયોગ કરીને ગ્રાહકોને આકર્ષી યુપીઆઈ આઇડીથી રૂપિયા પડાવવામા આવી રહ્યા છે.જે અંગેની માહિતી મળતા પોલીસે તપાસ શરૂ કરી કાર્યવાહી હાથ ધરી છે.

કેન્દ્રીય બજેટ એક સ્વપ્નદ્રષ્ટા બજેટ છે: કેન્દ્રીય મંત્રી જેપી નડ્ડા

કેન્દ્રીય મંત્રી જેપી નડ્ડાએ કહ્યું હતું કે,વડાપ્રધાન નરેન્દ્ર મોદીના નેતૃત્વમાં કેન્દ્રીય નાણાંમંત્રી નિર્મલા સીતારમણ દ્વારા રજૂ કરાયેલું કેન્દ્રીય બજેટ એક સ્વપ્નદ્રષ્ટા બજેટ છે જેનો ઉદ્દેશ્ય દેશના આર્થિક વિકાસની ગતિને નવી દિશા આપવાનો છે.જે કલ્યાણલક્ષી અને વિકસિત ભારતના લક્ષ્ય પ્રત્યે પ્રતિબદ્ધ છે.આ એક સર્વસમાવેશક અને વ્યાપક બજેટ છે જે ભારતને વિશ્વની સૌથી મોટી આર્થિક શક્તિઓમાંની એક તરીકે સ્થાપિત કરવામાં ફાળો આપશે.આ દેશની યુવા શક્તિ માટેનું બજેટ છે. હું આ ઐતિહાસિક આત્મનિર્ભર ભારત બજેટ માટે પીએમ મોદી, એફએમ નિર્મલા સીતારમણ અને તેમની સમગ્ર ટીમને હૃદયપૂર્વક અભિનંદન અને શુભકામનાઓ પાઠવું છું. દરેક નાગરિક માટે આરોગ્યસંભાળ સેવાઓ સુલભ બનાવવાની સરકારની પ્રતિબદ્ધતા એ હકીકત પરથી સ્પષ્ટ થાય છે કે છેલ્લા 12 વર્ષમાં આરોગ્ય ક્ષેત્ર માટે બજેટમાં 176 ટકાનો વધારો થયો છે. આ વર્ષે આરોગ્ય ક્ષેત્ર માટે રૂ. 5,000 થી વધુની ફાળવણી ગયા વર્ષના બજેટ કરતાં લગભગ 9 ટકા વધુ છે. આ બજેટ માનસિક સ્વાસ્થ્ય અને માનસિક બીમારી સામે લડવા પર વિશેષ ધ્યાન કેન્દ્રિત કરે છે, જે એક સ્વાગતપાત્ર પગલું છે. સેન્ટ્રલ ઇન્સ્ટિટ્યૂટ ઓફ...નું અપગ્રેડેશન રાંચી અને તેજપુરમાં મનોચિકિત્સા અને ઉત્તર ભારતમાં નવા નિમહાન્સની સ્થાપનાની જાહેરાત પ્રશંસનીય છે. જામનગરમાં વિશ્વ આરોગ્ય સંગઠન પરંપરાગત દવા કેન્દ્રની સ્થાપના દરેક ભારતીય માટે ગર્વની વાત છે.

ચૂંટણીવાળા રાજ્યો માટેના બજેટમાં જાહેરાત

આજના કેન્દ્રીય બજેટમાં ચૂંટણી વાળા રાજ્યોનું પણ ધ્યાન રાખવામાં આવ્યું છે. આ બજેટમાં ચાર રાજ્યોમાં રેર અર્થ કોરિડોરની જાહેરાત કરવામાં આવી છે. તામિલનાડુ, આંધ્રપ્રદેશ, કેરળ, ઓડિસા અને પશ્ચિમ બંગાળ માટે જાહેરાત કરવામાં આવી છે. પશ્ચિમ બંગાળ માટે વારાણસી–સિલિગુડી હાઇસ્પીડ રેલ, અસમ, પુડુચેરી માટે હાઇસ્પીડ રેલની જાહેરાત કરાઈ,દિલ્હી–વારાણસી માટે હાઇસ્પીડ રેલ કોરિડોરની જાહેરાત,પુણે–મુંબઈ માટે હાઇસ્પીડ રેલ કોરિડોરની જાહેરાત, હૈદરાબાદ–ચેન્નાઈ માટે હાઇસ્પીડ રેલ કોરિડોરની જાહેરાત

ભાજપ સાંસદ કંગના રનૌતે બજેટને લઈને શું કહ્યું?

કેન્દ્રીય બજેટ 2026 પર ભાજપ સાંસદ કંગના રનૌતે કહ્યું, આ બજેટ સંપૂર્ણ છે ખાસ કરીને મહિલાઓ માટે જે દરેક જિલ્લામાં છાત્રાલયો, આયુર્વેદ, યોગ, જે આપણી વારસો છે, તે ખૂબ જ સંવેદનશીલ બાબત છે, ત્યારબાદ હિમાચલ અને ઉત્તર પૂર્વના લોકો માટે, ખાસ કરીને આપણા હિમાચલ પર્યટન માટે, જે પર્યટન વધારવા વિશે છે, હું કહીશ કે આ પર્યટન માટે એક ક્રાંતિકારી વિચાર છે, આ માટે અમે ખૂબ આભારી છીએ... અમે પીએમ મોદી, નાણામંત્રી અને આપણી સરકારને લોકો માટે આટલી સુંદર રીતે રજૂ કરાયેલા બજેટ માટે અભિનંદન આપીએ છીએ."

આ બજેટ 3 મુખ્ય ક્ષેત્રો પર ભાર મૂકે છે

કેન્દ્રીય બજેટ 2026 પર ભાજપના નેતા અનુરાગ ઠાકુરે કહ્યું આ બજેટ કર્તવ્ય ભવનમાં બનાવવામાં આવેલું પહેલું બજેટ છે.તે નવી કાર્ય સંસ્કૃતિ, નવા ભારતનું વિઝન અને નવી કાર્યપદ્ધતિનું પ્રતીક છે.તે 3 મુખ્ય ક્ષેત્રો પર ભાર મૂકે છે. મોદી સરકારે હંમેશા જાહેર મૂડી ખર્ચને પ્રોત્સાહન આપ્યું છે. આ દર્શાવે છે કે ભારત 2047 પહેલા વિકસિત રાષ્ટ્ર બનવાનું પોતાનું સ્વપ્ન પૂર્ણ કરશે.

કેન્દ્રીય મંત્રી અશ્વિની વૈષ્ણવે બજેટ અંગે શું કહ્યું?

કેન્દ્રીય મંત્રી અશ્વિની વૈષ્ણવે કહ્યું હતું કે, 95 ટકા અકસ્માતો ઘટ્યા છે. હવે, જાળવણી, ટ્રેક જાળવણી, લોકો જાળવણી, વેગન જાળવણી, કોચ જાળવણી, કવચનું ઝડપી સ્થાપન, સીસીટીવી કેમેરા સ્થાપિત કરવા, OHE (ઓવરહેડ ઇલેક્ટ્રિકલ) સિસ્ટમને અપગ્રેડ કરવા અને નવા સ્ટેશનોના નિર્માણ પર વધુ ધ્યાન કેન્દ્રિત કરીને, સલામતીમાં વધુ સુધારો કરવામાં આવશે, અને ગ્રાહક સંભાળ અને ગ્રાહક સુવિધાઓમાં વધારો કરવામાં આવશે. આજે સાત નવા હાઇ-સ્પીડ કોરિડોરની જાહેરાત કરવામાં આવી છે. અમદાવાદ-મુંબઈ હાઇ-સ્પીડ કોરિડોરની પ્રગતિ સમગ્ર વિશ્વ દ્વારા નોંધવામાં આવી રહી છે. કાર્ય ખૂબ ઝડપથી આગળ વધી રહ્યું છે અને આ સાત હાઇ-સ્પીડ કોરિડોરની જાહેરાત સાથે, દેશમાં પરિવહન ક્ષેત્ર સંપૂર્ણપણે બદલાઈ જશે.

વાંચો 06 વાગ્યા સુધીના મહત્વના સમાચાર

1. Vadodara Heroin Case: 47 લાખના હેરોઈન કેસમાં ASI લક્ષ્મી દેસાઈના 5 દિવસના રિમાન્ડ મંજૂર, ડ્રગ્સ માફિયા સાથે હતું કનેક્શન!

2. Union Budget 2026: ભારતનું બજેટ વિશ્વભરના 165 દેશોના GDP કરતાં પણ વધુ

3. Union Budget 2026: ખાદી ઉદ્યોગ માટે નવી પહેલ, SME ગ્રોથ ફંડ માટે 10 હજાર કરોડની જોગવાઇ

4. Google Maps હવે બનશે તમારો પર્સનલ ગાઇડ, સાયકલ સવારો અને પગપાળા મુસાફરો માટે ખુશખબર

5. PM Modi On Budget: નારી શક્તિને સશક્ત કરનારું બજેટ, બોલ્યા પીએમ મોદી

6. T20 World Cup 2026 માટે થાઈલેન્ડને હરાવીને આ ટીમ થઈ ક્વોલિફાય

7. Junagadh News: કેશોદના ખમીદાણામાં ગુમ થયેલી વૃદ્ધાનો ભેદ ઉકેલાયો, આરોપીએ ખતરનાક ખેલ ખેલી હત્યા કરી

8. Ahmedabad News: જેદ્દાહથી આવેલી 4 મહિલાઓ 1 કરોડ 52 લાખના સોના સાથે ઝડપાઈ

9. Balochistan મામલે ભારતે Pakistanના આરોપો ફગાવ્યા, MEA પાકિસ્તાનની આંતરિક નિષ્ફળતા ગણાવી

10. Maharashtra : કોણ બનશે હવે NCPનું પ્રદેશ અધ્યક્ષ? નાયબ મુખ્યપ્રધાન પદ બાદ હવે પ્રમુખ પદને લઈને અટકળો શરૂ

આ ખૂબ જ ભવિષ્યવાદી અને આગામી ક્વાર્ટર સદી માટેનું બજેટ છે

કેન્દ્રીય મંત્રી ડૉ.જિતેન્દ્ર સિંહે કહ્યું હતું કે, આ ખૂબ જ ભવિષ્યવાદી બજેટ છે અને આગામી ક્વાર્ટર સદી માટેનું બજેટ છે. તે આગામી 25 વર્ષ માટે રોડમેપ રજૂ કરે છે જેમાં વિકસિત ભારતનું વર્ષ 2047 પણ શામેલ છે.મને ખુશી છે કે આજે નાણામંત્રી તરફથી કરવામાં આવેલી મોટાભાગની નવી જાહેરાતો ટેકનોલોજી સાથે સંબંધિત છે.બાયો ફાર્માની જાહેરાત સૌથી મહત્વપૂર્ણ છે. બાયો ફાર્મા શક્તિ મિશન અને બાયો ફાર્મા શક્તિ યોજના માટે રૂ.10,000 કરોડ.

શહેરોના વિકાસ માટે મોટી જોગવાઈઓ કરવામાં આવી

પંજાબના જાલંધરમાં વડાપ્રધાન મોદીએ કહ્યું હતું કે, આ બજેટ દેશના અનેક શહેરો જેમ કે જાલંધર, લુધિયાણા અને હોશિયારપુરને વિકાસના મુખ્ય કેન્દ્રોમાં પરિવર્તિત કરવા પર ખૂબ ધ્યાન કેન્દ્રિત કરે છે.આવા શહેરોના વિકાસ માટે મોટી જોગવાઈઓ કરવામાં આવી છે.પંજાબ એવા રાજ્યોમાંનું એક છે જ્યાં ખેડૂતોની સાથે નાના ઉદ્યોગોની પણ સમૃદ્ધ પરંપરા છે.દેશના MSME ને વર્ષોથી લાખો અને કરોડો રૂપિયાની સહાય પૂરી પાડવામાં આવી છે.ભારતની નિકાસમાં વર્ષોથી નોંધપાત્ર વધારો થયો છે.આ બજેટનો બીજો મુખ્ય ક્ષેત્ર રમતગમત છે. આ બજેટમાં ખેલો ઇન્ડિયા મિશનની જાહેરાત કરવામાં આવી છે.ભારત અને યુરોપિયન યુનિયન વચ્ચે વેપાર કરાર પર સંમતિ સધાઈ છે.

આ બજેટનો બીજો મુખ્ય ક્ષેત્ર રમતગમત છેઃ પીએમ મોદી

વડાપ્રધાન મોદીએ કહ્યું,આ બજેટમાં જલંધર, લુધિયાણા અને હોશિયારપુર જેવા અનેક શહેરોને વિકાસના મુખ્ય કેન્દ્રોમાં રૂપાંતરિત કરવા પર ભારે ધ્યાન કેન્દ્રિત કરવામાં આવ્યું છે.આવા શહેરોના વિકાસ માટે મોટી જોગવાઈઓ કરવામાં આવી છે.પંજાબ એવા રાજ્યોમાંનું એક છે જ્યાં ખેડૂતોની સાથે નાના ઉદ્યોગોની પણ સમૃદ્ધ પરંપરા છે.દેશના MSME ને વર્ષોથી લાખો અને કરોડોની સહાય પૂરી પાડવામાં આવી છે.તાજેતરના વર્ષોમાં ભારતની નિકાસ નોંધપાત્ર રહી છે.આ બજેટનો બીજો મુખ્ય ક્ષેત્ર રમતગમત છે.આ બજેટમાં ખેલો ઇન્ડિયા મિશનની જાહેરાત કરવામાં આવી છે. ભારત અને યુરોપિયન યુનિયન વચ્ચે વેપાર કરાર પર સંમતિ સધાઈ છે.

કેન્દ્રીય મંત્રી પીયૂષ ગોયલની બજેટને લઈને પ્રતિક્રિયા

કેન્દ્રીય બજેટ 2026 અંગે કેન્દ્રીય મંત્રી પીયૂષ ગોયલે કહ્યું હતું કે,આ બજેટ ભારત માટે ભવિષ્ય માટે તૈયાર બજેટ છે.પ્રધાનમંત્રી મોદીના નેતૃત્વમાં રિફોર્મ એક્સપ્રેસ 15 ઓગસ્ટથી ઝડપથી આગળ વધી રહી છે.આ સાંકળમાં નિર્મલા સીતારમણ દ્વારા આ બજેટમાં એક ખૂબ જ મહત્વપૂર્ણ કડી રાષ્ટ્ર સમક્ષ રજૂ કરવામાં આવી છે.તે 2047 સુધીમાં દેશને વિકસિત ભારત તરફ લઈ જવા માટે ગતિ અને શક્તિ આપે છે.આ બજેટ દ્વારા દેશના લોકોને એક મહાન વિઝન સાથે એક મજબૂત ભવિષ્યલક્ષી એજન્ડા રજૂ કરવામાં આવ્યો છે.

યુનિયન બજેટને અંકલેશ્વરના ઉદ્યોગકારોએ આવકાર્યું

યુનિયન બજેટને અંકલેશ્વરના ઉદ્યોગકારોએ આવકાર્યું છે.આ બજેટથી અમેરિકા સાથેના ટ્રેડ વોર વચ્ચે ઉદ્યોગોને બુસ્ટ મળશે તેવું કહેવામાં આવ્યું છે. એમ.એસ.એમ.ઈને વધુ શસ્ક્ત બનાવવાનો સરકારનો પ્રયાસ છે. ઉદ્યોગપતિ વાલમજી દેસાઈએ કહ્યું હતું કે, અંકલેશ્વર ભરૂચના કેમિકલ અને ફાર્મા ઉદ્યોગો માટે બજેટ આશાવાદી હોવાનો મત છે. અંકલેશ્વર ઉદ્યોગ મંડળના પૂર્વ પ્રમુખ મહેશ પટેલે કહ્યું હતું કે, સરકારે આ બજેટ વર્ષ 2047ને ધ્યાન રાખીને બનાવ્યું છે.ટ્રાન્સપોર્ટેશન વધવાના કારણે ઉદ્યોગોને ચોક્કસ લાભ થશે

રાહુલ ગાંધીના બજેટની ટીકા કરતા ટ્વિટનો નાણાં મંત્રીનો જવાબ

લોકસભામાં વિપક્ષના નેતા રાહુલ ગાંધી દ્વારા કેન્દ્રીય બજેટની ટીકા કરતી ટ્વીટના જવાબમાં,કેન્દ્રીય નાણાં પ્રધાન નિર્મલા સીતારમણે કહ્યું, મને ખબર નથી કે તેઓ કયા સુધારા વિશે વાત કરી રહ્યા છે.અર્થતંત્ર અને તેના મૂળભૂત પાયા મજબૂત છે.ઘણા ક્ષેત્રો વૈશ્વિક અનિશ્ચિતતાનો સામનો કરી રહ્યા છે,જેના માટે અમે નાના અને મધ્યમ ઉદ્યોગો, કાપડ, ચામડું, ગ્રામીણ વિસ્તારોમાં કામ કરતા લોકો, ખેડૂતો અને મૂલ્યવર્ધન, મહિલા ઉદ્યોગસાહસિકો, સ્વ-સહાય ઉદ્યોગસાહસિકો માટે વિવિધ યોજનાઓ રજૂ કરી છે.આ રીતે અમે સામાન્ય લોકો સુધી પહોંચી રહ્યા છીએ જેથી ખાતરી કરી શકાય કે તેઓ કોઈપણ બાહ્ય અસ્થિરતાને કારણે તેમના જીવનમાં મોટા ફેરફારોનો સામનો ન કરે. જો તમે રાજકીય રીતે ટીકા કરવા માંગતા હો તો તમારું સ્વાગત છે.પરંતુ જો તમે મને તે તથ્યો જણાવવા માંગતા હો જેના પર તમે તમારી દલીલ કરી રહ્યા છો તો હું સાંભળવા અને જવાબ આપવા તૈયાર છું.

આ બજેટમાં દરેક સેક્ટર માટે જોગવાઈઓ કરાઈ છે: સી.આર. પાટીલ

કેન્દ્રીય મંત્રી સી.આર. પાટીલે કહ્યું હતું કે, આ બજેટમાં દરેક સેક્ટર માટે જોગવાઈઓ કરાઈ છે. આ બજેટમાં લગભગ 95 હજાર કરોડ રૂપિયા મળ્યા છે જેમાંથી 70 હજાર કરોડ રૂપિયા જળ જીવન મિશન યોજના પૂર્ણ કરવા માટે ફાળવવામાં આવ્યા છે. તેમાં સ્વચ્છતા માટે પણ ભંડોળ ઉમેરવામાં આવ્યું છે.

સેમિકન્ડક્ટર સેક્ટરમાં બે મોટી જાહેરાતો કરવામાં આવી

કેન્દ્રીય નાણાં પ્રધાન નિર્મલા સીતારમણે જણાવ્યું હતું કે, સેમિકન્ડક્ટર સેક્ટરમાં બે મોટી જાહેરાતો કરવામાં આવી છે. જે ઇન્ડિયા સ્ટેક અને IP સંબંધિત બાબતોમાં સુધારો કરશે. 40000 કરોડની ઇલેક્ટ્રોનિક કમ્પોનન્ટ્સ મેન્યુફેક્ચરિંગ સ્કીમ ઇલેક્ટ્રોનિક્સને આત્મનિર્ભર બનાવવા માટે મોટુ પ્રોત્સાહન છે.અમે એક રેર અર્થ કોરિડોરની સ્થાપનાની પણ જાહેરાત કરી છે. જેથી ભારત પોતાની જરૂરિયાતો પોતાની સામગ્રીથી પૂરી કરી શકે.તેથી,એકવાર આપણે આ ખનિજોને ઓળખી, ખાણકામ અને પ્રક્રિયા કરી લઈશું,પછી રેર અર્થ માટે બાહ્ય સ્ત્રોતો પરની આપણી નિર્ભરતા ઓછી થશે.અમે એવા રાજ્યોને ઓળખી કાઢ્યા છે જ્યાં આપણે આ રેર અર્થ કોરિડોર સ્થાપિત કરવા માંગીએ છીએ. આ ઓડિશા, કેરળ, આંધ્રપ્રદેશ અને તમિલનાડુમાં હશે.આ ખૂબ જ મહત્વપૂર્ણ વિકાસ છે અને ભારતીય અર્થતંત્ર પર બહુવિધ, મોટી અસરો પડશે. ચુંબક અને રેર અર્થ પર આપણી નિર્ભરતા ઓછી થશે. 

વધુ સાત બિમારીઓનો ઈમ્પોર્ટ ડ્યુટમાં છૂટ આપનારી યાદીમાં સમાવેશ

નાણાં મંત્રીએ બજેટ રજૂ કર્યા બાદ પ્રેસ કોન્ફરન્સમાં કહ્યું હતું કે, વધુ સાત બિમારીઓને ઈમ્પોર્ટ ડ્યુટમાં છૂટ આપનારી યાદીમાં સમાવાઈ છે. બેગેઝ ક્લિયરન્સ અને યાત્રા દરમિયાન જે પર્સનલ સામાન લાવવામાં આવે છે તે તમામ પર ડ્યુટી ફ્રી સુવિધાઓ વધારવામાં આવી રહી છે. આ સિવાય ડાયરેક્ટ ટેક્સ અને ઈનડાયરેક્ટ ટેક્સ સાથે જોડાયેલા પ્રસ્તાવ પણ છે. 

બાંગ્લાદેશની સસ્તી કાપડ ઇન્ડસ્ટ્રીઝ પર ભારતની સર્જિકલ સ્ટ્રાઈક

બાંગ્લાદેશનો કાપડ ઉદ્યોગ ભારતના સ્થાનિક કાપડ ઉદ્યોગ માટે સતત પડકાર ઉભો કરતો રહ્યો છે.જ્યાં સુધી બાંગ્લાદેશમાં ભારત સમર્થિત સરકાર હતી ત્યાં સુધી ભારતે આ નુકસાનને પડોશી તરીકે સહન કર્યું.જોકે,બાંગ્લાદેશમાં લોકશાહી સરકારના ગયા પછી ત્યાંની યુનુસ સરકાર ભારત સાથેના સંબંધોમાં ઘટાડો કરી રહી છે. આ પછી ભારતે પણ બાંગ્લાદેશ સાથેના તેના દ્વિપક્ષીય સંબંધોને વ્યૂહાત્મક રીતે ફરીથી વ્યાખ્યાયિત કરવાનું શરૂ કર્યું છે.ભારત સરકારના બજેટ 2026-27 માં ભારતના કાપડ બજારને બાંગ્લાદેશ કરતાં વધુ આકર્ષક બનાવવાની વ્યૂહરચના જાહેર કરવામાં આવી છે.

નાણાં મંત્રાલયના રેવેન્યૂ વિભાગના સેક્રેટરી અરવિંદ શ્રીવાસ્તવે શું કહ્યું?

નાણાં મંત્રાલયના રેવેન્યૂ વિભાગના સેક્રેટરી અરવિંદ શ્રી વાસ્તવે કહ્યું હતું કે, સિક્યોરિટીઝ ટ્રાન્ઝેક્શન ટેક્સમાં એકમાત્ર ફેરફાર ભવિષ્ય અને વિકલ્પોમાં કરવામાં આવ્યો છે. અન્ય તમામ STT દરો સમાન છે. STT પર કર દરો વધારવાનો મુખ્ય ઉદ્દેશ્ય એ રહ્યો છે કે જ્યારે તમે ફ્યુચર્સ અને વિકલ્પોમાં વ્યવહારોના જથ્થાને જુઓ છો પછી ભલે તમે તેની સરખામણી GDPના કદ સાથે કરો કે અંતર્ગત સિક્યોરિટીઝ બજારના કદ સાથે તે મોટાભાગે ભારે સટ્ટાના ક્ષેત્રમાં હોય છે. જેના પરિણામે નાના છૂટક રોકાણકારોને નુકસાન થાય છે.સરકારનો હેતુ સટ્ટાકીય વૃત્તિઓને પ્રોત્સાહન આપવાનો નથી.કર દરમાં વધારો મૂળભૂત રીતે તે દિશામાં છે. તેથી તેનો હેતુ ડેરિવેટિવ બજારોમાં પ્રણાલીગત જોખમને નિયંત્રિત કરવાનો છે. જોકે,આ વધારા પછી પણ STT ના દરો ત્યાં થઈ રહેલા વ્યવહારોના જથ્થાની તુલનામાં સાધારણ રહેશે.

કેન્દ્રીય બજેટ પર UPના CM યોગી આદિત્યનાથનું નિવેદન

નવા ભારત, વિકસિત ભારતનું બજેટ રજુ થયુ, 145 કરોડ ભારતીયોના આકાંક્ષાઓનું બજેટ છે,વિકસિત ભારતની સંકલ્પનાની દ્રષ્ટિ જોવા મળે છે,12 લાખ કરોડથી વધુ રૂપિયા ઇન્ફ્રાસ્ટ્રક્ચર માટે ફાળવાયા,7 રેલ કોરિડોરના નિર્માણ માટે જાહેરાત થઇ છે,આયુષ સેક્ટર વિકસિત કરવા માટે પ્રયાસ થશે. 

બજેટ મુદ્દે વડોદરાના સાંસદ હેમાંગ જોશીનું નિવેદન

વડોદરાના સાંસદ હેમાંગ જોશીએ કેન્દ્રીય બજેટને બિરદાવ્યું છે. ઐતિહાસિક અને ભવિષ્યની તૈયારીઓ વાળુ બજેટ છે.ગરીબો, મધ્યમવર્ગ, મહિલાઓ, યુવાઓ માટેનું બજેટ છે.સહકારિતા માટે પણ મહત્વની જાહેરાત થઇ.સહકારિતા ઉદ્યોગ માટે પણ ખેડૂતોને ફાયદો થશે.વિપક્ષને હજુ કેટલીક બાબતો નથી સમજાઇ.વિપક્ષ દેશ વિરોધી પ્રોપોગેન્ડા ફેલાવી રહ્યું છે

બજેટ મુદ્દે કેન્દ્રીય મંત્રી મનસુખ માંડવિયાનું નિવેદન

આજનું બજેટ ખેડૂતલક્ષી, યુવાલક્ષી છે, તટીય પ્રદેશ, આદિજાતિ ક્ષેત્રના કલ્યાણ માટેનું આ બજેટ છે. આ બજેટ યુવાશક્તિને ઉડાન આપનારુ છે. યુવાઓએ વિકસિત ભારત માટે સૂચનો આપ્યા હતા.ખેલો ઇન્ડિયાના માધ્યમથી સ્પોર્ટ્સનો વિકાસ થશે.બજેટથી સ્પોર્ટસ ઇન્ફ્રાસ્ટ્રક્ચર ડેવલોપમેન્ટ થશે.સ્પોર્ટ્સમાં સાયન્સ અને ટેકનોલોજીનો ઉપયોગ વધશે.સારા કોચની વ્યવસ્થા માટેની કાર્યયોજના દર્શાવી.યુવાનોને રોજગાર માટે બજેટમાં ઘણી યોજનાઓ.સ્પોર્ટ્સ મેન્યુફેક્ચરિંગને પ્રોત્સાહન આપવાનો ઉલ્લેખ.સ્પોર્ટસ ગુડ્સ મેન્યુફેક્ચરિંગમાં વધારો થશે

MSME પર ખાસ ભાર મૂકવામાં આવ્યોઃ મુખ્યમંત્રી

લઘુ અને સૂક્ષ્મ ઉદ્યોગોને મોટો ફાયદો થશે, બજેટ ગુજરાતના મેન્યુફેક્ચરીંગ સેક્ટરને બૂસ્ટ અપ કરશે, નાના શહેરોનો સુગ્રથિત વિકાસ વેગવંતો બનશે, પરંપરાગત ઔષધીઓના સંશોધનનો વ્યાપ વિશ્વભરમાં થશે, ગુજરાતમાં ‘વિરાસત ભી, વિકાસ ભી’નો અભિગમ સાકાર થશે’

કેન્દ્રીય બજેટ પર CM ભૂપેન્દ્ર પટેલનું નિવેદન

PM મોદીએ હંમેશા સામાન્ય લોકોને પ્રાધાન્ય આપ્યું, આત્મનિર્ભર ભારતને આગળ ધપાવતું બજેટ છે, રિફોર્મ એક્સપ્રેસને આગળ ધપાવતું આ બજેટ છે, આ બજેટ ત્રણ કર્તવ્યો પર ઝોંક આપતું બજેટ છે, ગરીબ, યુવા, અન્નદાતા, નારી શક્તિને મજબૂત કરશે, ઇન્ફ્રાસ્ટ્રક્ચર, ઇન્ડસ્ટ્રીઝ, ટેકનોલોજી પર ખાસ ફોકસ, સેમિકન્ડક્ટર, ડેટા સેન્ટર પર ખાસ ફોકસ કરાયું

સિંધિયાએ બજેટને ઐતિહાસિક ગણાવ્યું

કેન્દ્રીય મંત્રી જ્યોતિરાદિત્ય સિંધિયાએ પણ બજેટની પ્રશંસા કરી અને તેને ઐતિહાસિક ગણાવ્યું. તેમણે નોંધ્યું કે છેલ્લા એક વર્ષમાં GDP વૃદ્ધિ દર 7.5 ટકા રહ્યો છે, ફુગાવો કાબૂમાં આવ્યો છે અને રાજકોષીય ખાધ નિયંત્રણમાં છે. તેમણે નોંધ્યું કે કૃષિ, સેવાઓ અને ઉત્પાદન ક્ષેત્રો સતત મજબૂતાઈના સંકેતો બતાવી રહ્યા છે.

Union Budget 2026 :  કેન્દ્રીય મંત્રી પીયૂષ ગોયલનું બજેટ પર નિવેદન 

"આ એક એવું બજેટ છે જે 'વિકસિત ભારત' 2047 નો પાયો નાખે છે. આ બજેટ ભવિષ્ય માટે તૈયાર ભારત માટે છે. તે લોકોને સમર્પણ સાથે કામ કરવા માટે પ્રેરણા આપે છે. આ બજેટમાં ઉત્પાદન ક્ષેત્ર પર ધ્યાન કેન્દ્રિત કરવામાં આવ્યું છે. વિશ્વમાં આપણી સૌથી ઝડપથી વિકસતી અર્થવ્યવસ્થાને આગળ વધારવા માટે ઘણી યોજનાઓની જાહેરાત કરવામાં આવી છે...આંતરિક જળમાર્ગ, હાઇ સ્પીડ રેલ કોરિડોર, ટાયર 2 અને ટાયર 3 શહેરોનો વિકાસ, યુવાનોના પુનઃ કૌશલ્ય પર આ બજેટમાં ધ્યાન કેન્દ્રિત કરવામાં આવ્યું હતું.""તેઓનો (વિપક્ષનો) તૂટેલો રેકોર્ડ છે જે દરેક બજેટ પછી ચાલે છે. શું તેઓ MSME નો વિકાસ નથી ઇચ્છતા?..."

Union Budget 2026 : રાહુલ ગાંધીએ કેન્દ્રીય બજેટ 2026-27 પર ટિપ્પણી કરવાનો ઇનકાર કર્યો, કોંગ્રેસે તેને "અસ્પષ્ટ" ગણાવ્યું

Union Budget 2026 : કેન્દ્રીય મંત્રી ગિરિરાજ સિંહનું બજેટને લઈ નિવેદન

મોદીનું ઈન્ફ્રાસ્ટ્રક્ચર બજેટ પહેલા 1 લાખ કરોડ રૂપિયા હતું, અને આજે તે 12 લાખ કરોડ રૂપિયા છે... પીએમ નરેન્દ્ર મોદીના 10 વર્ષમાં, 2014 થી 2025 દરમિયાન, કાપડ ક્ષેત્રે 5 કરોડ લોકોને રોજગાર આપ્યો છે. હું આ વાત વિશ્વાસ સાથે કહું છું; ચાલો શેરીઓથી સંસદ સુધી આ અંગે ચર્ચા કરીએ. પછી ભલે તે રાહુલ ગાંધી હોય કે બીજું કોઈ. યુપીએ સરકારે 10 વર્ષમાં ફક્ત 33 લાખ સીવણ અને સિલાઈ મશીનો આયાત કર્યા હતા. પીએમ મોદીના કાર્યકાળ દરમિયાન, દોઢ કરોડ મશીનો આયાત કરવામાં આવ્યા છે...

કેરળ ભાજપ પ્રમુખ રાજીવ ચંદ્રશેખરનું બજેટને લઈ નિવેદન

"આ નરેન્દ્ર મોદીએ છેલ્લા 10 વર્ષમાં જે કર્યું છે તેનું એક અત્યંત મજબૂત સાતત્ય છે. આ એક એવું બજેટ છે જે તકોના ઉભરતા લેન્ડસ્કેપ પર ધ્યાન કેન્દ્રિત કરે છે... આ એક અત્યંત મહત્વપૂર્ણ બજેટ છે... એક મજબૂત સંદેશ છે કે માળખાગત સુવિધાઓમાં જાહેર રોકાણ, ગતિ અને માત્રામાં વધારો અને વૃદ્ધિ ચાલુ રહે છે."

બજેટ અપાર અવસરોનો રાજમાર્ગ છેઃ PM

બજેટમાં ફુગાવો ઘટાડવા પર ફોકસ છેઃ PM

બજેટ દેશને એક નવી ગતિ આપશેઃ PM

આ બજેટથી વિકાસને નવી ઉર્જા મળશેઃ PM

નિર્મલાજીએ ઇતિહાસ રચી દીધો છેઃ PM

ઉત્તર પૂર્વમાં પ્રવાસનને વેગ મળશે:PM

બજેટ દેશની આકાંક્ષાઓ પૂરી કરશેઃ PM

ભારતના રિફોર્મ એક્સપ્રેસને વધુ ગતિ મળશેઃ PM

આ બજેટથી સંતુલિત બેલેન્સ મળશેઃ PM

આ બજેટને દેશને વધુ સશક્ત બનાવશેઃ PM

વર્તમાન સ્વપ્નોને પૂર્ણ કરનારું બજેટ છેઃ PM

મધર ઓફ ઓલ ડિલ્સથી વધુ ફાયદો થશેઃ PM

ઇન્ફ્રાસ્ટ્રક્ચરને મજબૂત કરવા માટે પગલાં ઉઠાવ્યાઃ PM

આ બજેટ ભારતને વધુ સશક્ત બનાવશેઃ PM

આ બજેટ ઉજ્જવળ ભવિષ્યનો પાયો નાખશેઃ PM

ભારત ઝડપથી ત્રીજું સૌથી મોટું અર્થતંત્ર બનશેઃ PM

ભારત રિફોર્મ એક્સપ્રેસ પર સવાર છેઃ PM

બજેટમાં મહિલા સશક્તિની ઝલકઃ PM

બજેટમાં મોંઘવારીને કાબૂમાં કરવાની ક્ષમતાઃ PM

વિકસિત ભારતનો પાયો મજબૂત થશેઃ PM

વિકસિત ભારતની ઉડાનનો આધાર છે બજેટઃ PM

બજેટ ભારતની વૈશ્વિક ભૂમિકાને સશક્ત કરશેઃ PM

કેન્દ્રીય બજેટ પર PM મોદીનું નિવેદન

આ બજેટ લોકલથી વૈશ્વિક સ્તરે લઈ જાય છે:PM

મહિલાઓ માટે બજેટમાં ખાસ ધ્યાન રખાયું : PM

બજેટમાં નાના શહેરોને વધુ પ્રાધાન્ય આપવામાં આવ્યું : PM

બજેટમાં અનેક મહત્વની જાહેરાતો કરવામાં આવીઃ PM

આ બજેટથી ટૂરિઝમને પ્રાધાન્ય મળશેઃ PM

બાયોફાર્મા અને સેમિકન્ડક્ટર પર ફોકસઃ PM

ગૃહ ઉદ્યોગોને પણ લાભ મળશે બજેટથીઃ PM

MSMEને વ્યાપક સમર્થન મળ્યું આ બજેટથીઃ PM

Union Budget 2026 : કેન્દ્રીય બજેટ પર, સંરક્ષણ પ્રધાન રાજનાથ સિંહનું નિવેદન

આ બજેટ લોકોની લાગણીઓ અને અપેક્ષાઓ પર ખરું ઉતરે છે. વધુમાં, આ બજેટ પીએમ મોદીના 2047 સુધીમાં આત્મનિર્ભર ભારત અને વિકસિત ભારતના વિઝન માટે મજબૂત પાયો પૂરો પાડે છે, જેમાં સમાજના તમામ વર્ગોના ઉત્થાન માટે પૂરતી જોગવાઈઓ કરવામાં આવી છે. આ બજેટ સંરક્ષણ ક્ષેત્ર માટે રૂ. 7.85 લાખ કરોડ ફાળવે છે... ઓપરેશન સિંદૂરની ઐતિહાસિક સફળતા બાદ આ બજેટે દેશની સંરક્ષણ પ્રણાલીને વધુ મજબૂત બનાવવાના આપણા સંકલ્પને વધુ મજબૂત બનાવ્યો છે... આ વર્ષે, આપણા સશસ્ત્ર દળોના એકંદર મૂડી ખર્ચ માટે રૂ. 2.19 લાખ કરોડની જોગવાઈ કરવામાં આવી છે, અને આ બજેટનું મુખ્ય ધ્યાન આપણા ત્રણેય સશસ્ત્ર દળોનું આધુનિકીકરણ છે. આ માટે, રૂ. 1.85 લાખ કરોડની જોગવાઈ કરવામાં આવી છે... ટૂંકમાં, આ બજેટ સુરક્ષા, વિકાસ અને આત્મનિર્ભરતા વચ્ચે સંતુલનને મજબૂત બનાવે છે..."

Union Budget 2026 : બજેટમાં નાના શહેરો પર વધુ ધ્યાન આપવામાં આવ્યું  : PM 

બજેટમાં યુવાનો માટે મોટી તક ઉભી થઈ

આ બજેટથી મેક ઈન ઈન્ડિયાને વધુ વેગ મળશે

આ બજેટ નવી ઉંચાઈ આપનારૂ છે

યુરોપ એફટીએનો લાભ મળશે

સ્કિલ અને સ્કેલને વેગ અપાયો છે

Union Budget 2026 : નિર્મલાજીએ ઈતિહાસ રચી દીધો  : PM 

બજેટ દેશને એક નવી ગતિ આપશે

આ બજેટ ઉજ્જવળ ભવિષ્યનો પાયો નાખશે

આ બજેટ ભારતને વધુ સશક્ત બનાવશે

ભારતના રિફોર્મ એકસપ્રેસને વધુ તાકાત મળશે

લોકલથી ગ્લોબલ સુધી પહોંચવાની તાકાત મળશે

Union Budget 2026 :  આ ઐતિહાસિક બજેટ છે  : PM 

વિકસિત ભારતનો પાયો મજબૂત થશે

બજેટમાં મહિલા શકિતની ઝલક 

આ બજેટથી વિકાસને નવી ઉર્જા મળશે

ભારત રિફોર્મ એકસપ્રેસ પર સવાર છે 

વિકસિત ભારતનો પાયો મજબૂત થશે

બજેટમાં મોંઘવારી કાબૂ કરવાની ક્ષમતા

શશિ થરૂરે બજેટ વિશે શું કહ્યું...

કોંગ્રેસ સાંસદ શશિ થરૂરે કહ્યું, મેં ફક્ત બજેટ ભાષણ સાંભળ્યું છે. તેમાં ખૂબ જ ઓછી વિગતો છે. અમે કેરળમાં જાહેરાતોની રાહ જોઈ રહ્યા હતા, પરંતુ અમે કંઈ સાંભળ્યું નથી. અમે લાંબા સમયથી AIIMS ની રાહ જોઈ રહ્યા છીએ. કંઈ થયું નથી. સંપૂર્ણ વિગતો જાણ્યા પછી જ અમે ટિપ્પણી કરી શકીશું.

બજેટ રજૂ થયા પછી, કોંગ્રેસના નેતા જયરામ રમેશે સરકારની ટીકા કરી. તેમણે કહ્યું કે દસ્તાવેજોનો વિગતવાર અભ્યાસ કરવાનો બાકી છે, પરંતુ માત્ર 90 મિનિટ પછી, સ્પષ્ટ થઈ ગયું કે બજેટ 2026/27 તેની આસપાસ બનાવેલા પ્રચારથી ઘણું ઓછું રહ્યું. તે સંપૂર્ણપણે નિષ્ફળ સાબિત થયું.

Union Budget 2026 :સપાના વડા અખિલેશ યાદવે કહ્યું

સપાના વડા અખિલેશ યાદવે કહ્યું, "ભાજપ પાસેથી કંઈ અપેક્ષા રાખશો નહીં. ભાજપ થોડા લોકોને ફાયદો કરાવવા માટે કામ કરે છે. બજેટ પહેલાથી જ નક્કી છે કે કોને ફાયદો થવાનો છે. આ બજેટ અદ્રશ્ય લોકોને ફાયદો પહોંચાડવાનું છે

કેન્દ્રીય બજેટ પર કેન્દ્રીય ગૃહમંત્રી અમિત શાહનું નિવેદન

બજેટમાં વિકસિત ભારત નિર્માણનો રોડમેપઃ શાહ

યુવાનો, મહિલાઓ, ખેડૂતોના સપનાઓ સશક્ત બનશેઃ શાહ

બજેટ આગામી 25 વર્ષ માટે રોડમેપ નિર્માણ દર્શાવે છે: શાહ

યુવાનો, મહિલાઓ, ખેડૂતોના સ્વપ્ન પૂર્ણ થશેઃ શાહ

માળખાગત સુવિધાઓમાં પણ વધારો થશેઃ શાહ

PM મોદી, નાણામંત્રીનો આભારઃ શાહ

Union Budget 2026 : સંરક્ષણ માટે ₹7.8 લાખ કરોડનું બજેટ

નાણાકીય વર્ષ 2026-27 માટે સંરક્ષણ મંત્રાલયને ₹7.8 લાખ કરોડનું બજેટ ફાળવવામાં આવ્યું છે. આ બજેટ ખાસ કરીને સંરક્ષણ દળોના આધુનિકીકરણ પર ધ્યાન કેન્દ્રિત કરે છે. સરકારે સૈન્યના આધુનિકીકરણ માટે ₹2.19 લાખ કરોડ ફાળવ્યા છે. સંરક્ષણ મૂડી બજેટમાં પણ નોંધપાત્ર વધારો કરવામાં આવ્યો છે. આ બજેટ ગયા વર્ષના ₹1.80 લાખ કરોડથી વધારીને ₹2.19 લાખ કરોડ કરવામાં આવ્યું છે, જે સંરક્ષણ તૈયારીઓ અને આધુનિક સાધનોની ખરીદીને મજબૂત બનાવશે.

Union Budget 2026 : કેન્દ્રીય બજેટ પર, ભાજપના સાંસદ બૈજયંત પાંડાનું નિવેદન

"આ બજેટ સાથે, ગિયર બદલાઈ ગયું છે, અને તે રોજગાર સર્જન, ફુગાવો ઘટાડવા અને સૌથી ઝડપથી વિકસતી મોટી અર્થવ્યવસ્થા બનવા માટે અત્યાર સુધી હાથ ધરાયેલા પ્રયાસોને આગળ ધપાવશે." બજેટ પર નિવેદન

Union Budget 2026 : ભાજપના સાંસદ કમલજીત સેહરાવતનું બજેટ પર નિવેદન

"આજનું બજેટ વિક્ષિત ભારત અને દેશના સાંસ્કૃતિક વારસાને ધ્યાનમાં રાખીને બનાવવામાં આવ્યું છે. બજેટમાં ભારતને બાયો-ફાર્મા અને મેડિકલ ટુરિઝમ હબ તરીકે સ્થાપિત કરવાની વાત કરવામાં આવી છે. ટુરિઝમ કોરિડોરની જાહેરાત કરવામાં આવી છે. બજેટ વિક્ષિત ભારત માટે એક રોડમેપ રજૂ કરે છે."

Union Budget 2026 : સમુદ્રમાં ભારતીય માછીમારી જહાજ દ્વારા પકડવામાં આવતી માછલીઓને ડ્યુટી મુક્ત કરવામાં આવશે

કેન્દ્રીય નાણાં મંત્રી નિર્મલા સીતારમણે કહ્યું કે "આપણા પાણીની બહાર દરિયાઈ સંસાધનોના આર્થિક મૂલ્યનો સંપૂર્ણ ઉપયોગ કરવા માટે ભારતીય માછીમારોને ટેકો આપવા માટે, પગલાં લેવામાં આવશે

A. વિશિષ્ટ આર્થિક ક્ષેત્રમાં અથવા ખુલ્લા સમુદ્રમાં ભારતીય માછીમારી જહાજ દ્વારા પકડવામાં આવતી માછલીઓને ડ્યુટી મુક્ત કરવામાં આવશે.

B. વિદેશી બંદર પર આવી માછલીના લેન્ડિંગને માલની નિકાસ ગણવામાં આવશે, માછલી પકડવા, પરિવહન અથવા ટ્રાન્સશિપમેન્ટ દરમિયાન દુરુપયોગ અટકાવવા માટે સુરક્ષા પગલાં લેવામાં આવશે."

Union Budget 2026 : કેન્દ્રીય બજેટ 2026-27 પર મેદાંતાના ચેરમેન અને એમડી, ડૉ. નરેશ ત્રેહનનું નિવેદન

"આ બધા યોગ્ય દિશામાં મજબૂત પગલાં છે. ભારત ચેપી રોગોને દૂર કરવા તરફ આગળ વધી રહ્યું છે. બીજી તરફ, કેન્સર, સ્થૂળતા અને ડાયાબિટીસ જેવા બિન-ચેપી રોગોનો ભાર વધી રહ્યો છે. પ્રશ્ન એ આવે છે: હવે આપણે તે ભાગને કેવી રીતે નિયંત્રિત કરી શકીએ? બાયોલોજિક્સ અને બાયોસિમિલર્સ વિકસાવવા માટે નોંધપાત્ર સંશોધનની જરૂર છે, અને આ માનસિક સ્વાસ્થ્ય સંસ્થાની સ્થાપના ફાયદાકારક છે..."

Union Budget 2026 : બજેટ 2026, ત્રીજું સૌથી ટૂંકું બજેટ ભાષણ રહ્યું

1 કલાક 24 મિનિટ, 2026નું ભાષણ અગાઉના વર્ષોના 2 કલાકના ઉચ્ચતમ સ્તરથી ઘણું નીચે રહ્યું.

2026  1 કલાક 24 મિનિટ

2025  1 કલાક 14 મિનિટ

2024  1 કલાક 25 મિનિટ

2024*  57 મિનિટ

2023  1 કલાક 27 મિનિટ

2022  1 કલાક 32 મિનિટ

2021  1 કલાક 40 મિનિટ

2020  2 કલાક 42 મિનિટ

2019  2 કલાક 15 મિનિટ

Union Budget 2026 : બજેટ 2026માં શું વાતો મહત્વની રહી, જાણો

01- બાયોફાર્મા ક્ષેત્રમાં, 'શક્તિ' યોજના હેઠળ આગામી પાંચ વર્ષમાં ₹10,000 કરોડની જોગવાઈ કરવામાં આવી છે, જે બાયોલોજિક્સ અને બાયોસિમિલર ઉત્પાદનોના સ્થાનિક ઉત્પાદનમાં વધારો કરશે. સેમિકન્ડક્ટર મિશન 2.0 પણ શરૂ કરવામાં આવશે, જેમાં ઉદ્યોગ-આગેવાની હેઠળ સંશોધન અને તાલીમ કેન્દ્રો વિકસાવવામાં આવશે.

02- વિકાસ માટે છ-પગલાની પ્રક્રિયા રજૂ કરવામાં આવી છે: સાત વ્યૂહાત્મક ક્ષેત્રોમાં ઉત્પાદન વધારવું, જૂના ઉદ્યોગોને પુનર્જીવિત કરવા, ચેમ્પિયન MSME બનાવવા, માળખાગત સુવિધાઓને વેગ આપવો, લાંબા ગાળાની સુરક્ષા સુનિશ્ચિત કરવી અને શહેરી આર્થિક ક્ષેત્રોનો વિકાસ કરવો. તમિલનાડુ, ઓડિશા, આંધ્રપ્રદેશ અને કેરળને જોડવા માટે સમર્પિત રીફ અર્થ કોરિડોરનો પ્રસ્તાવ મૂકવામાં આવ્યો છે. નાણામંત્રીએ દેશના વિકાસ માટે ત્રણ ઉદ્દેશ્યો પણ રજૂ કર્યા: વિકાસ, લોકોની આકાંક્ષાઓ અને દરેકનો વિકાસ.

Union Budget 2026 : બજેટ 2026માં શું વાતો મહત્વની રહી, જાણો

01 - કેન્દ્રીય નાણામંત્રી નિર્મલા સીતારમણે સંસદમાં 9મું કેન્દ્રીય બજેટ રજૂ કર્યું. નાણાકીય વર્ષ 2026-27 માટે રાજકોષીય ખાધ 4.3 ટકા હોવાનો અંદાજ છે, અને મૂડી ખર્ચ વધારીને ₹12.2 લાખ કરોડ કરવામાં આવ્યો છે. બજેટમાં કરદાતાઓ, રોકાણકારો, ખેડૂતો, મધ્યમ વર્ગ અને ઉદ્યોગ માટે ઘણી મોટી જાહેરાત કહી શકાય.

02-વિદેશી મુસાફરી પેકેજો હવે સસ્તા થશે. નાણામંત્રીએ જાહેરાત કરી કે વિદેશી મુસાફરી કાર્યક્રમ પેકેજોના વેચાણ પર TCS દર 5 ટકા અને 20 ટકાથી ઘટાડીને 2 ટકા કરવામાં આવશે, કોઈપણ રકમની જરૂરિયાત વિના. તેવી જ રીતે, શિક્ષણ અને તબીબી હેતુઓ માટે લિબરલાઇઝ્ડ રેમિટન્સ સ્કીમ (LRS) પર TCS દર 5 ટકાથી ઘટાડીને 2 ટકા કરવામાં આવશે.

03- કસ્ટમ્સ ડ્યુટીમાં પણ રાહત આપવામાં આવી છે. 17 કેન્સર વિરોધી દવાઓ અને 7 અન્ય દુર્લભ રોગોની દવાઓને મૂળભૂત કસ્ટમ્સ ડ્યુટીમાંથી મુક્તિ આપવામાં આવશે. ભારતમાં પાંચ વર્ષથી રહેતા વિદેશી નાગરિકોને તેમની બિન-ભારતીય આવક પર કર મુક્તિ મળશે.

ડેટા અને ટેકનોલોજીને પ્રોત્સાહન આપવા માટે, ભારતમાં ક્લાઉડ કંપનીઓ માટે 2047 સુધી ટેક્સ હોલિડેની જાહેરાત કરવામાં આવી છે. નાના કરદાતાઓ માટે નિયમો-આધારિત સ્વચાલિત પ્રક્રિયા દ્વારા ઓછા અથવા શૂન્ય કપાત પ્રમાણપત્રો ઉપલબ્ધ થશે, અને ફોર્મ 15G/15H સીધા સંબંધિત કંપનીઓને ડિપોઝિટરીઝ દ્વારા પહોંચાડવામાં આવશે.

04 -મોટર અકસ્માત દાવા ટ્રિબ્યુનલ દ્વારા વ્યક્તિઓને આપવામાં આવતા વ્યાજને આવકવેરામાંથી મુક્તિ આપવામાં આવશે અને TDS કાપવામાં આવશે નહીં. નવો આવકવેરા કાયદો 1 એપ્રિલ, 2026 થી અમલમાં આવશે, અને ટેક્સ રિટર્ન ફાઇલ કરવાની તારીખ 31 માર્ચ સુધી લંબાવવામાં આવી છે. NIMHANS 2.0 ની સ્થાપના માનસિક સ્વાસ્થ્ય પર ધ્યાન કેન્દ્રિત કરીને કરવામાં આવશે, ખાસ કરીને ઉત્તર ભારતમાં. ખેડૂતો માટે બહુભાષી AI ટૂલ શરૂ કરવામાં આવશે, જે તેમની કૃષિ પ્રવૃત્તિઓને વેગ આપશે. તમિલનાડુ અને આંધ્રપ્રદેશ સરહદ પર પક્ષી-નિરીક્ષણ ટ્રેનોનો પ્રસ્તાવ મૂકવામાં આવ્યો છે.

05 - આયુષ ક્ષેત્રમાં, ત્રણ નવી ઓલ ઈન્ડિયા આયુર્વેદ સંસ્થાઓની સ્થાપના કરવામાં આવશે, આયુષ ફાર્મસીઓને અપગ્રેડ કરવામાં આવશે, અને સરકાર પાંચ તબીબી પ્રવાસન કેન્દ્રો સ્થાપિત કરવામાં રાજ્યોને સમર્થન આપશે. ભાવિ ચેમ્પિયન ઉદ્યોગસાહસિકોને ઉછેરવા માટે MSME ક્ષેત્ર માટે ₹10,000 કરોડનું ભંડોળ અલગ રાખવામાં આવ્યું છે. દેશભરમાં સાત હાઇ-સ્પીડ રેલ કોરિડોર બનાવવામાં આવશે, જે શહેરો વચ્ચે વિકાસ જોડાણો સ્થાપિત કરશે.

Union Budget 2026 :  આયાત કરાયેલા તમામ ડ્યુટીપાત્ર વસ્તુને લઈ જાણકારી  

વ્યક્તિગત ઉપયોગ માટે આયાત કરાયેલા માલ માટે કસ્ટમ ડ્યુટી માળખાને તર્કસંગત બનાવવા માટે, હું વ્યક્તિગત ઉપયોગ માટે આયાત કરાયેલા તમામ ડ્યુટીપાત્ર માલ પરના ટેરિફ દરને 20% થી ઘટાડીને 10% કરવાનો પ્રસ્તાવ મૂકું છું."

Union Budget 2026 :  આયાત કરાયેલા કાચા માલ પર મૂળભૂત કસ્ટમ ડ્યુટીમાંથી મુક્તિ આપવાનો પ્રસ્તાવ

"સંરક્ષણ ક્ષેત્રના એકમો દ્વારા જાળવણી, સમારકામ અથવા એકંદર જરૂરિયાતોમાં ઉપયોગમાં લેવાતા વિમાનના ભાગોના ઉત્પાદન માટે આયાત કરાયેલા કાચા માલ પર મૂળભૂત કસ્ટમ ડ્યુટીમાંથી મુક્તિ આપવાનો પ્રસ્તાવ છે."

Union Budget 2026 : સરકારે SEZ ઉત્પાદન એકમોને એકવાર સ્થાનિક બજારમાં માલ વેચવાની મંજૂરી આપવાની વ્યવસ્થા કરી 

કેન્દ્રીય નાણામંત્રી નિર્મલા સીતારમણે બજેટમાં અનેક કસ્ટમ ડ્યુટી રાહત પગલાંની જાહેરાત કરી. કેન્સર વિરોધી સત્તર દવાઓને મૂળભૂત કસ્ટમ ડ્યુટીમાંથી મુક્તિ આપવામાં આવશે, જેનાથી દવાઓ સસ્તી અને સુલભ બનશે. SEZમાં ઉત્પાદિત માલની નિકાસ પર વેચાણ મર્યાદાને આધીન ઘટાડો ડ્યુટી પ્રાપ્ત થશે. વ્યક્તિગત ઉપયોગ માટે માનવામાં આવતી વસ્તુઓ પરની ડ્યુટી 20 ટકાથી ઘટાડીને 10 ટકા કરવામાં આવશે.

બજેટ વચ્ચે શેરબજારમાં મોટો કડાકો

સેન્સેક્સમાં 700થી વધુ પોઇન્ટનો ઘટાડો, સેન્સેક્સ ઘટીને 81460ના સ્તરે, નિફ્ટીમાં પણ 250થી વધુ પોઇન્ટનો ઘટાડો, નિફ્ટી ઘટીને 25061ના સ્તરે. 

Union Budget 2026 :સરકાર પાંચ મેડિકલ ટુરિઝમ સેન્ટરોની સ્થાપનાને ટેકો આપશે

01- ભારતીય મૂળના વ્યક્તિઓ (PIOs) ને પોર્ટફોલિયો ઇન્વેસ્ટમેન્ટ સ્કીમ હેઠળ ભારતીય લિસ્ટેડ કંપનીઓના શેરમાં રોકાણ કરવાની મંજૂરી આપવામાં આવશે. આત્મનિર્ભર ભારત ફંડમાં વધારાના ₹4,000 કરોડ ઉમેરવામાં આવશે, અને આગામી પાંચ વર્ષ માટે બાયોફાર્માસ્યુટિકલ "શક્તિ" માટે ₹10,000 કરોડ ફાળવવામાં આવ્યા છે.

02-શિક્ષણથી લઈને રોજગાર અને ઉદ્યોગસાહસિકતા સુધીના ક્ષેત્રોમાં એક ઉચ્ચ-સ્તરીય સ્થાયી સમિતિની સ્થાપના કરવામાં આવશે જે વિકસિત ભારતના મુખ્ય ચાલક તરીકે સેવા ક્ષેત્ર પર ધ્યાન કેન્દ્રિત કરતા પગલાંની ભલામણ કરશે. નાણાકીય વર્ષ 2026-27 માટે મૂડી ખર્ચ લક્ષ્ય વધારીને ₹12.2 લાખ કરોડ કરવામાં આવશે.

03-સરકાર પાંચ મેડિકલ ટુરિઝમ સેન્ટરો સ્થાપિત કરવામાં રાજ્યોને ટેકો આપશે, અને બજેટમાં પાંચ મેડિકલ ટુરિઝમ સેન્ટરો સ્થાપિત કરવાનો પ્રસ્તાવ છે. બજેટમાં લોથલ અને હસ્તિનાપુર સહિત 15 પુરાતત્વીય સ્થળો વિકસાવવાનો પ્રસ્તાવ પણ શામેલ છે. ૨૦૨૬-૨૭માં કુલ સરકારી ખર્ચ ₹૫૩.૫ લાખ કરોડ થવાનો અંદાજ છે.પૂર્વોત્તર ક્ષેત્રમાં મંદિરો અને મઠોના સંરક્ષણ માટે બૌદ્ધ સર્કિટ વિકાસ યોજના શરૂ કરવામાં આવશે. ૨૦૨૬-૨૭માં રાજકોષીય ખાધ ૪.૩ ટકા રહેવાનો અંદાજ છે, જે ચાલુ નાણાકીય વર્ષમાં ૪.૪ ટકા હતો.

Union Budget 2026 : ચામડાની વસ્તુઓ પર 1 ટકાની બદલે 3 ટકા કસ્ટમ ડયૂટી લાગશે

ચામડા, સિન્થેટિક અને અને જૂતાની નિકાસને પ્રોત્સાહન અપાશે, શેર બજારમાં ઓપ્શન ટ્રેડિંગ પર ટેકસ લાગશે, શેર બાઈબેક પર કેપિટલ અને ગેન ટેકસ લાગશે, સોલારથી જોડાયેલી વસ્તુઓ સસ્તી થશે.

Union Budget 2026 : કેરળમાં મુખ્ય કાચબાના માળાના વિસ્તારો નજીક કાચબાના રસ્તાઓ વિકસાવવામાં આવશે 

જૈવવિવિધતાનું સંરક્ષણ અને પર્યટનને પ્રોત્સાહન આપવા માટે ઓડિશા, કર્ણાટક અને કેરળમાં મુખ્ય કાચબાના માળાના વિસ્તારો નજીક કાચબાના રસ્તાઓ વિકસાવવામાં આવશે. "ભારત વિસ્તાર" પહેલ હેઠળ કૃષિ ક્ષેત્રમાં મોટા ફેરફારો પ્રાપ્ત થયા છે.

Union Budget 2026 : ટેકસને લઈ મોટી જાહેરાત કરાઈ

વિદેશી મુસાફરી કાર્યક્રમ પેકેજોના વેચાણ પર TCS દર હવે 2% રહેશે, જે પહેલા 5% અને 20% હતો. કોઈ નાણાકીય મર્યાદા રહેશે નહીં. તેમણે એવી પણ જાહેરાત કરી કે મોટર અકસ્માત દાવા ટ્રિબ્યુનલમાંથી વ્યક્તિઓને મળતો વ્યાજ હવે આવકવેરાને આધીન રહેશે નહીં, અને TDS પણ કાપવામાં આવશે નહીં. સરકારે પર્યટન અને પર્યાવરણીય ક્ષેત્રોમાં નવી પહેલની પણ જાહેરાત કરી. સીતારમણે કહ્યું કે, હિમાચલ પ્રદેશ, ઉત્તરાખંડ અને જમ્મુ અને કાશ્મીર તેમજ અરાકુ ખીણ અને પશ્ચિમ ઘાટમાં પર્યાવરણીય રીતે ટકાઉ પર્વતીય રસ્તાઓ વિકસાવવામાં આવશે. 

Union Budget 2026 : દેવુ અને જીડીપીનો ગુણોત્તર જીડીપીના 55.6% હોવાનો અંદાજ છે

આઈટીઆર 1 અને 2 વાળા ભરી શકે છે રિટન, હવે પાનકાર્ડથી એનઆરઆઈ સંપતિ વેચી શકશે, ટેકસ ભરવાની બે કેટેગરી રહેશે, એનઆરઆઈને સંપતિ વેચવા માટે TENની જરૂર નહી, ટેકસ પર દંડ માત્ર 10 ટકા રહેશે, કરદાતાઓ રિટન અપડેટ કરી શકશે. 

Union Budget 2026 : નાળિયેર ઉત્પાદન વધારવા માટે સંવર્ધન યોજનાનો પ્રસ્તાવ

નાળિયેર ઉત્પાદનમાં સ્પર્ધાને વધુ વધારવા માટે એક નાળિયેર સંવર્ધન યોજનાનો પ્રસ્તાવ કરું છું જેથી વિવિધ રીતે ઉત્પાદન વધારી શકાય અને ઉત્પાદકતા સુધારી શકાય. આમાં મુખ્ય નાળિયેર ઉગાડતા રાજ્યોમાં બિનઉપયોગી વૃક્ષોની જગ્યાએ નવી જાતના છોડ રોપવાનો સમાવેશ થાય છે. ભારતીય કાજુ અને કોકો માટે એક ખાસ કાર્યક્રમનો પ્રસ્તાવ છે જેથી ભારત કાચા કાજુ અને નાળિયેરના ઉત્પાદન અને પ્રોસેસિંગમાં આત્મનિર્ભર બની શકે, નિકાસ સ્પર્ધાત્મકતા વધે અને 2030 સુધીમાં ભારતીય કાજુ અને ભારતીય કોકોને પ્રીમિયમ ગ્લોબલ બ્રાન્ડમાં બદલી શકાય.

Union Budget 2026 : મહિલા ઉદ્યોગસાહસિકો માટે શી-માર્ટની જાહેરાત

નિર્મલા સીતારમણે જણાવ્યું હતું કે, મહિલા ઉદ્યોગસાહસિકોને ટેકો આપવા માટે શી (સ્વ-સહાય ઉદ્યોગસાહસિક) માર્ટ્સની સ્થાપના સમુદાય-માલિકીના રિટેલ સ્ટોર્સ તરીકે કરવામાં આવશે.

Union Budget 2026 : બજેટમાં ટેકસને લઈ મોટી જાહેરાત 

નવો ઈન્કમટેકસ 1 એપ્રિલથી લાગુ થશે. નાના કરદાતાઓ માટે ટેકસની પ્રકિયા સરળ થશે, ઈન્કમટેકસ ફોર્મને સરળ બનાવાશે, 31 જુલાઈ સુધી રિટન ભરી શકાશે, વિદેશ યાત્રામાં TCS ઘટાડીને 2 ટકા કરવામાં આવશે. ટેકસમાં ગોટાળા કરશો તો સજાને બદલે હવે દંડ કરાશે.

Union Budget 2026 : ICAR પેકેજને AI સિસ્ટમ્સ સાથે સંકલિત કરાશે

"ભારત વિસ્તાર - કૃષિ સંસાધનોને ઍક્સેસ કરવા માટે વર્ચ્યુઅલી ઇન્ટિગ્રેટેડ સિસ્ટમ. હું ભારત વિસ્તાર શરૂ કરવાનો પ્રસ્તાવ મૂકું છું, એક બહુભાષી AI સાધન જે કૃષિ-સ્ટેક પોર્ટલ અને કૃષિ પદ્ધતિઓ પરના ICAR પેકેજને AI સિસ્ટમ્સ સાથે સંકલિત કરશે."

Union Budget 2026 : પૂર્વોત્તર રાજ્યો માટે બજેટમાં ખાસ જાહેરાત

પૂર્વોત્તર રાજ્યોમાં 5 પર્યટન કેન્દ્ર શરૂ કરાશે

પૂર્વોત્તર રાજ્યોમાં 4000 ઈ-બસ શરૂ કરાશે

અરુણાચલ પ્રદેશ, સિક્કિમ, મણીપુર, મિઝોરમ, ત્રિપુરામાં બૌદ્ધ સર્કિટનું આયોજન

બુદ્ધિસ્ટ સર્કિટના વિકાસ માટે સ્કીમની જાહેરાત

પૂર્વોત્તર રાજ્યોને 1.4 લાખ કરોડની ફાળવણી

Union Budget 2026 : બજેટમાં ખેડૂતો માટે ભારત AI એગ્રી ટૂલની જાહેરાત કરવામાં આવી 

ભારતને મેડિકલ ટુરિઝમ હબ તરીકે પ્રોત્સાહન આપવા માટે, રાજ્યોના સમર્થનથી દેશમાં પાંચ પ્રાદેશિક મેડિકલ ટુરિઝમ હબ સ્થાપિત કરવાની યોજના શરૂ કરવામાં આવશે. સેવા ક્ષેત્રને વિકસિત ભારતનું મુખ્ય એન્જિન બનાવવા માટે, "શિક્ષણથી રોજગાર અને સાહસ" પર એક ઉચ્ચ-શક્તિવાળી સ્થાયી સમિતિની સ્થાપના કરવાનો પ્રસ્તાવ છે, જેનો ધ્યેય 2047 સુધીમાં સેવાઓમાં ભારતનો 10 ટકા વૈશ્વિક હિસ્સો સુનિશ્ચિત કરવાનો છે. આ સમિતિ વૃદ્ધિ, રોજગાર અને નિકાસ સંભાવનાને પ્રાથમિકતા આપશે અને રોજગાર અને કૌશલ્ય પર AI સહિત ઉભરતી તકનીકોની અસરનું મૂલ્યાંકન કરશે અને ભલામણો કરશે. રોકાણને પ્રોત્સાહન આપવા માટે, ઓવરસીઝ સિટિઝન્સ ઓફ ઈન્ડિયા (PROI) ને પોર્ટફોલિયો ઇન્વેસ્ટમેન્ટ સ્કીમ હેઠળ લિસ્ટેડ ભારતીય કંપનીઓના ઇક્વિટી સાધનોમાં રોકાણ કરવાની મંજૂરી આપવામાં આવશે, તેમની રોકાણ મર્યાદા 5 ટકાથી વધારીને 10 ટકા કરવાનો પ્રસ્તાવ છે.   

Union Budget 2026 :  વિકસિત ભારત માટે રોડમેપ તૈયાર 

15 ઓગસ્ટથી 350 થી વધુ સુધારાઓ લાગુ કરવામાં આવ્યા છે, અને સુધારણા એક્સપ્રેસ વૃદ્ધિ, રોજગાર અને ઉત્પાદનને વેગ આપવા માટે આગળ વધી રહી છે. બજેટમાં છ ક્ષેત્રોમાં હસ્તક્ષેપોનો પ્રસ્તાવ છે, જેમાં ચેમ્પિયન MSMEsનું નિર્માણ, લેગસી ઔદ્યોગિક વિસ્તારોનું પુનર્જીવન, શહેરોમાં આર્થિક ઝોનનો વિકાસ, માળખાગત સુવિધાને મજબૂત પ્રોત્સાહન અને સાત વ્યૂહાત્મક ક્ષેત્રોમાં ઉત્પાદનનો વિસ્તરણનો સમાવેશ થાય છે. ભારતને વૈશ્વિક બાયોફાર્માસ્યુટિકલ ઉત્પાદન કેન્દ્ર બનાવવા માટે, આગામી પાંચ વર્ષમાં ₹10,000 કરોડના ખર્ચ સાથે 'બાયોફાર્મા શક્તિ' પહેલ, ત્રણ નવી ફાર્માસ્યુટિકલ સંસ્થાઓ અને સેન્ટ્રલ ડ્રગ્સ સ્ટાન્ડર્ડ્સ ઓર્ગેનાઇઝેશનને મજબૂત બનાવવાની જાહેરાત કરવામાં આવી હતી. સેમિકન્ડક્ટર ક્ષેત્રના વિસ્તરણ માટે ઇન્ડિયા સેમિકન્ડક્ટર મિશન 2.0, ઇલેક્ટ્રોનિક્સ કમ્પોનન્ટ મેન્યુફેક્ચરિંગ સ્કીમ માટે ખર્ચ ₹40,000 કરોડ સુધી વધારવા, ઓડિશા, કેરળ, આંધ્રપ્રદેશ અને તમિલનાડુમાં એક દુર્લભ ખનિજ કોરિડોર, ત્રણ સમર્પિત કેમિકલ પાર્ક, હાઇ-ટેક ટૂલ રૂમ, કન્ટેનર ઉત્પાદન માટે ₹10,000 કરોડનું રોકાણ અને કાપડ ક્ષેત્ર માટે રાષ્ટ્રીય ફાઇબર યોજના સહિત અનેક દરખાસ્તો રજૂ કરવામાં આવી હતી. MSME ને મજબૂત બનાવવા માટે, ₹10,000 કરોડનું SME ગ્રોથ ફંડ, GeM ને TReDS સાથે જોડવા, TReDS ને ફરજિયાત સમાધાન પ્લેટફોર્મ બનાવવા અને સસ્તા પેરાપ્રોફેશનલ્સ દ્વારા પાલનને સરળ બનાવવાનો પ્રસ્તાવ છે. ઇન્ફ્રાસ્ટ્રક્ચર પર ભાર મૂકવામાં FY27 માટે ₹12.2 લાખ કરોડનો મૂડી ખર્ચ, ઇન્ફ્રા રિસ્ક ગેરંટી ફંડ, PSU રિયલ એસ્ટેટના રિસાયક્લિંગ માટે REIT, આગામી પાંચ વર્ષમાં 20 નવા જળમાર્ગો, ઓડિશાના ખનિજ ક્ષેત્રોને જળમાર્ગો સાથે જોડવા, યુવા તાલીમ સંસ્થાઓ અને વારાણસી અને પટનામાં જહાજ સમારકામ ઇકોસિસ્ટમ વિકસાવવાનો સમાવેશ થાય છે.

Union Budget 2026 :  નાણામંત્રીએ જણાવ્યું હતું કે COVID-19 પછી આયુર્વેદને વૈશ્વિક સ્વીકૃતિ અને માન્યતા મળી છે

ખાનગી અને સરકારી ક્ષેત્રોમાં નવી AHP સંસ્થાઓ સ્થાપિત કરવામાં આવશે, અને આગામી પાંચ વર્ષમાં 100,000 AHP સિસ્ટમમાં એકીકૃત કરવામાં આવશે. વધુમાં, પાંચ પ્રાદેશિક તબીબી કેન્દ્રો સ્થાપિત કરવાની યોજના પ્રસ્તાવિત છે. આયુષ ક્ષેત્રને મજબૂત બનાવતા, ત્રણ નવા અખિલ ભારતીય આયુર્વેદ સંસ્થાઓની સ્થાપના કરવામાં આવશે. નાણામંત્રીએ જણાવ્યું હતું કે COVID-19 પછી આયુર્વેદને વૈશ્વિક સ્વીકૃતિ અને માન્યતા મળી છે, અને આયુર્વેદિક ઉત્પાદનોની વધતી માંગને પહોંચી વળવા માટે અનેક પગલાં લેવામાં આવશે. આયુષ ફાર્મસીઓ અને દવા પરીક્ષણ પ્રયોગશાળાઓને અપગ્રેડ કરવામાં આવશે, જ્યારે જામનગરમાં WHO ગ્લોબલ સેન્ટર ફોર ટ્રેડિશનલ મેડિસિન વધુ મજબૂત બનાવવામાં આવશે. પશુચિકિત્સા વ્યાવસાયિકોની સંખ્યા વધારવા પર ભાર મૂકવામાં આવશે, અને ખાનગી ક્ષેત્રમાં પશુચિકિત્સા દવાને પ્રોત્સાહન આપવા માટે મૂડી સબસિડી સહાય યોજના શરૂ કરવામાં આવશે. નાણામંત્રીએ જણાવ્યું હતું કે 1.5 લાખ સંભાળ સેવા પ્રદાતાઓને તાલીમ આપવામાં આવશે. સરકારના મતે, નારંગી અર્થતંત્રને 2030 સુધીમાં 20 લાખ વ્યાવસાયિકોની જરૂર પડશે. પર્યટન અને જૈવવિવિધતાને પ્રોત્સાહન આપવા માટે આંધ્રપ્રદેશ અને તમિલનાડુમાં પુલિકટ તળાવની સાથે પક્ષી નિરીક્ષણના રસ્તાઓ વિકસાવવામાં આવશે. વધુમાં, આ વર્ષે ભારત પ્રથમ ગ્લોબલ બિગ કેટ સમિટનું આયોજન કરશે, જેમાં 95 દેશોના સરકારના વડાઓ અને મંત્રીઓ હાજરી આપશે.

Union Budget 2026 : સેવા ક્ષેત્ર, નવી ટેકનોલોજી અને કુશળ ભારત માટે રોડમેપ પર ધ્યાન કેન્દ્રિત કરાશે

નાણામંત્રીએ જાહેરાત કરી કે ₹1,000 કરોડથી વધુના સિંગલ બોન્ડ માટે ₹100 કરોડનું પ્રોત્સાહન પ્રસ્તાવિત કરવામાં આવ્યું છે. સરકારે ફરી એકવાર સેવા ક્ષેત્ર પર ભાર મૂકવાનો નિર્ણય લીધો છે. નાણામંત્રીએ જણાવ્યું હતું કે નવી ટેકનોલોજી દરેક માટે મહત્વપૂર્ણ છે - ખેડૂતો, મહિલાઓ, યુવાનો અને અપંગો - અને સરકાર તેને પ્રોત્સાહન આપવા માટે અનેક પગલાં લઈ રહી છે. છેલ્લા દાયકામાં થયેલા પ્રયાસોએ 250 મિલિયન લોકોને ગરીબી રેખાથી ઉપર ઉઠાવ્યા છે. યુવા ભારતની આકાંક્ષાઓને પૂર્ણ કરવા માટે સેવા ક્ષેત્રને ફરીથી જીવંત બનાવવામાં આવી રહ્યું છે. શિક્ષણથી રોજગાર અને ઉદ્યોગસાહસિકતા સુધીની સફરને મજબૂત બનાવવા માટે એક ઉચ્ચ-શક્તિવાળી સ્થાયી સમિતિની રચના કરવામાં આવશે, જેમાં વિકાસ, રોજગાર અને નિકાસ સંભાવના પર ખાસ ભાર મૂકવામાં આવશે. સરકાર 2047 સુધીમાં ભારતને 10 ટકા વૈશ્વિક હિસ્સા સાથે સેવા ક્ષેત્રમાં અગ્રણી ખેલાડી બનાવવાનું લક્ષ્ય રાખે છે. વિકસિત ભારત માટે કુશળ વ્યાવસાયિકો તૈયાર કરવા માટે અનેક દરખાસ્તો રજૂ કરવામાં આવી છે. આ અંતર્ગત, ખાનગી અને સરકારી ક્ષેત્રોમાં નવી AHP સંસ્થાઓની સ્થાપના કરવામાં આવશે અને આગામી 5 વર્ષમાં સિસ્ટમમાં એક લાખ AHP ઉમેરવામાં આવશે.

Union Budget 2026 : લોથલ-ધોળાવિરા સહિતની 15 વિરાસતોનો વિકાસ કરાશે

01-યુવાનોને કારકિર્દી પાથવે ઉપલબ્ધ કરાવવા માટે યોજના લાવવામાં આવશે.

02-આગામી પાંચ વર્ષમાં એક લાખ સ્પેશિયાલિસ્ટ હેલ્થકેર પ્રોફેશનલ્સ બનશે. 1.5 લાખ કેર ગિવર્સને તાલીમ અપાશે.

03-ભારતીય યોગ વિશ્વભરમાં ફેલાય, તે માટે ગુણવત્તાયુક્ત આયુર્વેદિક ઉત્પાદનોની નિકાસને પ્રોત્સાહન આપીશું.

04-આયુર્વેદના ત્રણ નવા એમ્સ બનાવવામાં આવશે.

05-આયુર્વેદિક દવાઓના પરીક્ષણ માટે નેશનલ લેબ્સ બનાવવામાં આવશે.

06-જામનગરમાં WHO ટ્રેડિશનલ મેડિસિન સેન્ટર બનાવવામાં આવશે.

Union Budget 2026 :  દરેક જિલ્લામાં કન્યા છાત્રાલય બનાવાશે

01-વિકસિત ભારત માટે બેંકિંગ પર ઉચ્ચ-સ્તરીય સમિતિ બનાવવાનો પ્રસ્તાવ.

02-પાવર ફાઇનાન્સ કોર્પોરેશન અને ગ્રામીણ વીજળીકરણ કોર્પોરેશનનું પુનર્ગઠન કરવાનો પ્રસ્તાવ.

03-વિદેશી વિનિમય વ્યવસ્થાપન નિયમોની વ્યાપક સમીક્ષા કરવામાં આવશે.

04-કોર્પોરેટ બોન્ડ પર સંપૂર્ણ વળતર સ્વેપ રજૂ કરવાનો પ્રસ્તાવ.

05-મોટા શહેરોમાં ઉચ્ચ-મૂલ્યના મ્યુનિસિપલ બોન્ડને પ્રોત્સાહન આપવા પર ભાર.

Union Budget 2026 : ખનિજો, રસાયણો અને કન્ટેનર ઉત્પાદનને લઈ જાણકારી

• દુર્લભ ખનિજ કોરિડોર માટે ખનિજ સમૃદ્ધ રાજ્યોને સમર્થન.

• ઓડિશા, કેરળ, આંધ્રપ્રદેશ અને તમિલનાડુમાં ખનિજ કોરિડોર.

• ત્રણ સમર્પિત કેમિકલ પાર્ક સ્થાપિત કરવાની નવી યોજના.

• ઓટોમેટેડ સર્વિસ બ્યુરો હેઠળ બે હાઇ-ટેક ટૂલ રૂમ.

• ₹10,000 કરોડના બજેટ સાથે કન્ટેનર ઉત્પાદન યોજના.

Union Budget 2026 : ભારતમાં બાયોફાર્મા માટે વૈશ્વિક કેન્દ્ર બનશે

• ભારતને વૈશ્વિક બાયોફાર્મા ઉત્પાદન કેન્દ્ર તરીકે વિકસાવવામાં આવશે.

• આગામી 5 વર્ષમાં ₹10,000 કરોડના ખર્ચ સાથે 'બાયોફાર્મા શક્તિ' યોજના.

• બાયોલોજિક્સ અને બાયોસિમિલર્સના સ્થાનિક ઉત્પાદનને પ્રોત્સાહન.

• સેન્ટ્રલ ડ્રગ્સ સ્ટાન્ડર્ડ કંટ્રોલ ઓર્ગેનાઇઝેશન (CDSCO) ને મજબૂત બનાવવાનો પ્રસ્તાવ.

Union Budget 2026 : કાપડ, હાથશાળ અને ફાઇબર ક્ષેત્ર પર ધ્યાન કેન્દ્રિત કરાશે

• રેશમ, ઊન અને શણ માટે રાષ્ટ્રીય ફાઇબર યોજના.

• પરંપરાગત ક્લસ્ટરોને આધુનિક બનાવવા માટે કાપડ વિસ્તરણ અને રોજગાર યોજના.

• વણકરો અને કારીગરો માટે રાષ્ટ્રીય હાથશાળ અને હસ્તકલા કાર્યક્રમ.

• વૈશ્વિક સ્તરે સ્પર્ધાત્મક વસ્ત્રોને પ્રોત્સાહન આપવા માટે ટેક્સ-ઇકો પહેલ.

• કાપડ કૌશલ્ય અપગ્રેડેશન માટે સમર્થ 2.0.

• મેગા ટેક્સટાઇલ પાર્ક સ્થાપિત કરવાનો પ્રસ્તાવ.

Union Budget 2026 : ગ્રીન ઇન્ડસ્ટ્રી અને કાર્બન કેપ્ચર  

• ઔદ્યોગિક વિસ્તારોમાં કાર્બન કેપ્ચર, ઉપયોગ અને સંગ્રહ પર ભાર.

• 5 વર્ષમાં 5 ઔદ્યોગિક વિસ્તારો માટે ₹20,000 કરોડનો પ્રસ્તાવ.

Union Budget 2026 :  માળખાગત સુવિધાઓ પર રેકોર્ડ ખર્ચ

• 2026-27માં ₹12.2 લાખ કરોડનો મૂડી ખર્ચ.

• ટાયર-2 અને ટાયર-3 શહેરોમાં માળખાગત સુવિધાઓને મજબૂત બનાવવા પર ભાર.

• 5 લાખથી વધુ વસ્તી ધરાવતા શહેરોમાં માળખાગત સુવિધાઓનો વિકાસ ચાલુ છે.

• આંશિક લોન ગેરંટી માટે ઇન્ફ્રા રિસ્ક ગેરંટી ફંડ.

• સમર્પિત REITs માંથી રિયલ એસ્ટેટ સંપત્તિનું રિસાયક્લિંગ.

Union Budget 2026 :  ગ્રામીણ વિકાસ અને રમતગમત ઉદ્યોગને વેગ અપાશે

• મહાત્મા ગાંધી ગ્રામ સ્વરાજ યોજના માટે દરખાસ્ત.

• એક જિલ્લો-એક ઉત્પાદનનો પ્રચાર, ગ્રામીણ યુવાનોને લાભ.

• ભારત માટે સસ્તા રમતગમતના સામાન માટે વૈશ્વિક કેન્દ્ર તરીકે ઉભરી આવવાની સંભાવના.

Union Budget 2026 : જામનગરમાં આયુર્વેદિક મેડિકલ સેન્ટર સ્થપાશે : નિર્મલા સીતારમણ

જામનગરમાં આયુર્વેદિક મેડિકલ સેન્ટર સ્થપાશે, દેશમાં 3 નવી આયુર્વેદ AIIMS બનાવાશે

Union Budget 2026 :7 હાઈસ્પીડ રેલ કોરિડોર બનશે : નિર્મલા સીતારમણ

પટના-વારાણસી

દિલ્લી-વારાણસી

વારાણસી-સિલિગુડી

બેંગાલુરુ-ચૈન્નઈ

ચૈન્નઈ-હૈદરાબાદ

પૂણે-હૈદરાબાદ

મુંબઈ-પૂણે

Union Budget 2026 : TREDS અને MSME ફાઇનાન્સિંગને મજબૂત બનાવાશે : નિર્મલા સીતારમણ

બજેટમાં સરકારી ખરીદી માહિતી શેર કરવા માટે GeMને TREDS સાથે એકીકરણ કરવાની જાહેરાત કરવામાં આવી છે. TREDS દ્વારા MSME ને ₹7 લાખ કરોડથી વધુનું ભંડોળ પૂરું પાડવામાં આવ્યું છે. TREDS ને ટ્રાન્ઝેક્શન સેટલમેન્ટ પ્લેટફોર્મ તરીકે ફરજિયાત બનાવવામાં આવ્યું છે. ઇન્વોઇસ ડિસ્કાઉન્ટિંગ માટે ક્રેડિટ ગેરંટી સપોર્ટ CGTMSE દ્વારા આપવામાં આવશે. TREDS રસીદો એસેટ-બેક્ડ સિક્યોરિટીઝ તરીકે ઓફર કરવામાં આવશે.

Union Budget 2026 :  200 લેગસી ઔદ્યોગિક ક્લસ્ટરોને પુનર્જીવિત કરવાની યોજના : નિર્મલા સીતારમણ

• કેન્દ્ર અને રાજ્ય સરકારોના સહયોગથી ઉચ્ચ-સ્તરીય સમિતિઓની રચના.

• 200 લેગસી ઔદ્યોગિક ક્લસ્ટરોને પુનર્જીવિત કરવાની યોજના.

• MSMEs માટે ₹10,000 કરોડના SME વિકાસ ભંડોળનો પ્રસ્તાવ.

• આત્મનિર્ભર ભારત ભંડોળમાં ₹2,000 કરોડનું ટોપ-અપ.

Union Budget 2026 : બાયો ફાર્માસ્યુટિકલ ક્ષેત્ર માટે રૂ.10 હજાર કરોડની જોગવાઈ    : નિર્મલા સીતારમણ

બાયોફાર્માસ્યુટિકલ ક્ષેત્ર માટે એક મોટી જાહેરાત કરતા, નાણામંત્રીએ કહ્યું, "ભારતને વૈશ્વિક બાયોફાર્માસ્યુટિકલ ઉત્પાદન કેન્દ્ર તરીકે વિકસાવવા માટે, હું 'બાયોફાર્માસ્યુટિકલ શક્તિ' યોજનાનો પ્રસ્તાવ મૂકું છું. આગામી પાંચ વર્ષમાં આ માટે ₹10,000 કરોડની જોગવાઈ ફાળવવામાં આવશે. આ બાયોલોજિક્સ અને બાયોસિમિલર્સના સ્થાનિક ઉત્પાદન માટે એક મજબૂત ઇકોસિસ્ટમ બનાવશે." 

Union Budget 2026 : અમે ઇન્ડિયા સેમિકન્ડક્ટર મિશન 2.0 શરૂ કરીશું   : નિર્મલા સીતારમણ

"અમે ઇન્ડિયા સેમિકન્ડક્ટર મિશન 2.0 શરૂ કરીશું. આ ટેકનોલોજી-સંચાલિત અને કુશળ કાર્યબળ વિકસાવવા માટે ઉદ્યોગ-આધારિત સંશોધન અને તાલીમ કેન્દ્રો પર ધ્યાન કેન્દ્રિત કરશે." વૈશ્વિક પરિસ્થિતિ પર બોલતા, નાણામંત્રીએ કહ્યું, "આજે આપણે એક બાહ્ય વાતાવરણનો સામનો કરી રહ્યા છીએ જ્યાં વેપાર અને બહુપક્ષીયતા દબાણ હેઠળ છે, અને સંસાધનો અને પુરવઠા શૃંખલાઓની ઍક્સેસ ખોરવાઈ ગઈ છે. નવી તકનીકો ઉત્પાદન પ્રણાલીઓને બદલી રહી છે, જ્યારે પાણી, ઊર્જા અને મહત્વપૂર્ણ ખનિજોની માંગ ઝડપથી વધી રહી છે. ભારત આત્મવિશ્વાસપૂર્વક વિકસિત ભારત તરફ આગળ વધતું રહેશે, મહત્વાકાંક્ષા અને સમાવેશને સંતુલિત કરશે. વધતી જતી અર્થવ્યવસ્થા અને વધતી જતી વેપાર અને મૂડી જરૂરિયાતો સાથે, ભારતને વૈશ્વિક બજારો સાથે ઊંડાણપૂર્વક જોડાયેલા રહેવાની, વધુ નિકાસ કરવાની અને સ્થિર, લાંબા ગાળાના રોકાણને આકર્ષવાની જરૂર પડશે."

Union Budget 2026 :  સૌનો સાથ, સૌના વિકાસના ફોર્મ્યુલા સાથે સૌને તક ઉપલબ્ધ કરાવવી : નિર્મલા સીતારમણ

આર્થિક વૃદ્ધિને વેગ આપવો અને ચાલુ રાખવો. લોકોની અપેક્ષાઓ પૂર્ણ કરવી, તેમને દેશના વિકાસમાં ભાગીદાર બનાવવા. સૌનો સાથ, સૌના વિકાસના ફોર્મ્યુલા સાથે સૌને તક ઉપલબ્ધ કરાવવી. રિફોર્મ એક્સપ્રેસ - અમારી સરકાર ઉત્પાદન વધારવા અને વૃદ્ધિને વેગ આપવા માટે પ્રયાસો ચાલુ રાખી રહી છે. વડાપ્રધાને 2025માં આ માટે GST સુધારા લાગુ કરવાનું કામ કર્યું છે. રાજ્ય સરકારો સાથે મળીને અમે અમારી ફરજ પૂરી કરી રહ્યા છીએ. ભારતને ગ્લોબલ બાયો ફાર્મા મેન્યુફેક્ચરિંગ હબ બનાવવાની તૈયારી છે.

Union Budget 2026 : ઇલેક્ટ્રોનિક સાધનો માટે 40 હજાર કરોડ ફળવાયા : કેન્દ્રીય નાણાંમંત્રી નિર્મલા સીતારમણ 

1000 માન્ય ક્લિનિકલ સાઇટ્સ બનાવવામાં આવશે, જ્યાં વૈજ્ઞાનિક સમીક્ષા થઈ શકશે. સેમિકન્ડક્ટર મિશન - ઉત્પાદન અને ભારતીય IP બનાવવા, સપ્લાય ચેઇન બનાવવા માટે જોગવાઈ કરવામાં આવી છે. ઇલેક્ટ્રોનિક સાધનો બનાવવા માટે 40 હજાર કરોડ રૂપિયાની જોગવાઈ કરવામાં આવી છે. રેર અર્થ મટિરિયલ માટે ઓડિશા, તમિલનાડુ, આંધ્ર પ્રદેશમાં ડેડિકેટેડ ફેસિલિટી બનાવવાની પહેલ કરવામાં આવી છે. આ માટે ડેડિકેટેડ મિનરલ પાર્ક બનાવવામાં આવશે.

Union Budget 2026 : 10 હજાર કરોડ રૂપિયાનું SME ગ્રોથ ફંડ : કેન્દ્રીય નાણાંમંત્રી નિર્મલા સીતારમણ 

નાણામંત્રીએ 10 હજાર કરોડ રૂપિયાના SME ગ્રોથ ફંડની જાહેરાત કરી. સરકાર કાપડ ક્ષેત્રને પણ પ્રોત્સાહન આપશે. સરકાર ૫૦૦,૦૦૦ થી વધુ વસ્તી ધરાવતા શહેરોમાં માળખાગત સુવિધાઓને વેગ આપશે.

Union Budget 2026 : ટેક્સટાઇલ સેક્ટરને નાણાકીય સહાય અપાશે : કેન્દ્રીય નાણાંમંત્રી નિર્મલા સીતારમણ 

Union Budget 2026 : વિકાસના ફાયદા દરેક સુધી પહોંચવા જોઈએ : કેન્દ્રીય નાણાંમંત્રી નિર્મલા સીતારમણ 

નિર્મલા સીતારમણે કહ્યું, "હું ભારતના લોકોનો આભાર માનું છું જેઓ વિશ્વની સૌથી મોટી અર્થવ્યવસ્થાઓમાંની એક બનવાની અમારી સફરમાં અમારી સાથે મજબૂત રીતે ઉભા રહ્યા છે. અમારું લક્ષ્ય આકાંક્ષાઓને સિદ્ધિઓમાં અને ક્ષમતાને પ્રદર્શનમાં પરિવર્તિત કરવાનું છે, જેથી વિકાસના લાભો દરેક ખેડૂત, અનુસૂચિત જાતિ, અનુસૂચિત જનજાતિ, વિચરતી સમુદાયો, યુવાનો, ગરીબો અને મહિલાઓ સુધી પહોંચે." નાણામંત્રીએ તેમના બજેટ ભાષણની શરૂઆતમાં એમ પણ કહ્યું હતું કે સરકારે વાણી-વર્તન કરતાં સુધારાઓને પ્રાથમિકતા આપી છે, અને આ નીતિએ ભારતને ચાલુ ભૂ-રાજકીય કટોકટી છતાં 7.2 ટકાનો GDP વૃદ્ધિ દર પ્રાપ્ત કરવાની મંજૂરી આપી છે.

Union Budget 2026 : ભારત વિકાસ ભારત તરફ આત્મવિશ્વાસપૂર્વક પગલાં લેવાનું ચાલુ રાખશે : કેન્દ્રીય નાણાંમંત્રી નિર્મલા સીતારમણ 

"આજે, આપણે એક એવા બાહ્ય વાતાવરણનો સામનો કરી રહ્યા છીએ જેમાં વેપાર અને બહુપક્ષીયતા ઉભરી રહી છે અને સંસાધનોની પહોંચ અને પુરવઠા શૃંખલા ખોરવાઈ ગઈ છે. નવી ટેકનોલોજી ઉત્પાદન પ્રણાલીઓને બદલી રહી છે જ્યારે પાણી, ઉર્જા અને મહત્વપૂર્ણ ખનિજોની માંગમાં તીવ્ર વધારો થઈ રહ્યો છે. ભારત વિકાસ ભારત તરફ આત્મવિશ્વાસપૂર્વક પગલાં લેવાનું ચાલુ રાખશે, મહત્વાકાંક્ષાને સમાવેશ સાથે સંતુલિત કરશે. વેપાર અને મૂડી જરૂરિયાતોના વિસ્તરણ સાથે વિકસતા અર્થતંત્ર તરીકે, ભારતે વૈશ્વિક બજારો સાથે ઊંડાણપૂર્વક સંકલિત રહેવું જોઈએ, વધુ નિકાસ કરવી જોઈએ અને સ્થિર લાંબા ગાળાના રોકાણને આકર્ષિત કરવું જોઈએ."

Union Budget 2026 : ગરીબી ઘટાડવા અને લોકોના જીવનધોરણમાં સુધારો કરવામાં નોંધપાત્ર પ્રગતિ થઈ  

નાણામંત્રીએ કહ્યું, "અમે દૂરગામી માળખાકીય સુધારાઓ, રાજકોષીય સમજદારી અને નાણાકીય સ્થિરતાનો માર્ગ અપનાવ્યો, સાથે સાથે જાહેર રોકાણ પર મજબૂત ભાર મૂક્યો. માર્ગદર્શક સિદ્ધાંત તરીકે આત્મનિર્ભરતા સાથે, સ્થાનિક ઉત્પાદન ક્ષમતાને મજબૂત બનાવવામાં આવી, ઉર્જા સુરક્ષાને મજબૂત બનાવવામાં આવી અને મહત્વપૂર્ણ આયાત પર નિર્ભરતા ઘટાડવામાં આવી. અમે એ પણ સુનિશ્ચિત કર્યું કે દરેક સરકારી પહેલના લાભ સામાન્ય નાગરિક સુધી પહોંચે. રોજગાર સર્જન, કૃષિ ઉત્પાદકતા, સ્થાનિક ખરીદ શક્તિ અને સેવાઓની સાર્વત્રિક પહોંચ સુધારવા માટે સુધારાઓ લાગુ કરવામાં આવ્યા. આ પગલાંથી લગભગ 7% નો ઉચ્ચ વિકાસ દર થયો અને ગરીબી ઘટાડવા અને લોકોના જીવનધોરણમાં સુધારો કરવામાં નોંધપાત્ર પ્રગતિ થઈ."

Union Budget 2026 : ઔધોગિક વિકાસ વધારવો પડશે, જીએસટી હજી સરળ બનાવવાનો પ્રયાસ કરાશે

સંસદમાં કેન્દ્રીય બજેટ 2026-27 રજૂ કરતા, નાણામંત્રી નિર્મલા સીતારમણે કહ્યું, "અમે પદ સંભાળ્યા પછીના છેલ્લા 12 વર્ષોમાં, દેશની આર્થિક યાત્રા સ્થિરતા, નાણાકીય શિસ્ત, ટકાઉ વિકાસ અને નિયંત્રિત ફુગાવા દ્વારા ચિહ્નિત થયેલ છે. આ અનિશ્ચિતતા અને વૈશ્વિક વિક્ષેપોના સમયમાં લેવામાં આવેલા અમારા વિચારશીલ નિર્ણયોનું પરિણામ છે."

Union Budget 2026 : સ્ટ્રક્ચરલ રિફોર્મને વધુ મજબૂત કરવાની પ્રાથમિકતા 

Union Budget 2026 : ભાજપના રાષ્ટ્રીય અધ્યક્ષ નીતિન નવીન દિલ્હીમાં ભાજપ મુખ્યાલયમાં #UnionBudget2026 સાંભળી રહ્યાં છે

Union Budget 2026 : કેન્સર અને ડાયબિટીસની દવાઓ સસ્તી થશે

આપણે દુનિયાની સૌથી મોટી અર્થવ્યવસ્થા બનવા તરફ આગળ વધી રહ્યા છીએ. અમે નક્કી કર્યું છે કે વૃદ્ધિના પરિણામો ખેડૂતો, આદિવાસીઓ, મહિલાઓ અને યુવાનો સુધી પહોંચે. અમે લોકોની યુનિવર્સલ સર્વિસ પર ધ્યાન આપ્યું છે. આનાથી 7% નો વૃદ્ધિ દર હાંસલ કરવામાં મદદ મળી છે. અમે વિકસિત ભારતના વિઝન તરફ કામ કરતા રહીશું.  

Union Budget 2026 : અત્યાર સુધી રજૂ થયેલા બજેટની વિગત   

2014-15 માં 17.94 લાખ કરોડ 

2015-16 માં 17.77 લાખ કરોડ

2016-17 માં 19.78 લાખ કરોડ

2017-18 માં 21.47 લાખ કરોડ

2018-19 માં 24.42 લાખ કરોડ

2019-20 માં 27.86 લાખ કરોડ 

2020-21 માં 30.42 લાખ કરોડ

2021-22 માં 34.83 લાખ કરોડ

2022-23 માં 39.45 લાખ કરોડ

2023-24 માં 45.03 લાખ કરોડ

2024-25 માં 48.21 લાખ કરોડ

Union Budget 2026 : બજેટ ભાષણની થઈ શરૂઆત 

 નાણામંત્રી નિર્મલા સીતારમણે સંસદમાં તેમનું બજેટ ભાષણ શરૂ કર્યું છે. તેઓ સમગ્ર રોડમેપ રજૂ કરી રહ્યા છે. દેશ ઇલેક્ટ્રિક વાહનો અને સેમિકન્ડક્ટરથી લઈને હાઉસિંગ ક્ષેત્ર સુધીની મોટી જાહેરાતો પર નજર રાખી રહ્યો છે. નાણામંત્રી નિર્મલા સીતારમણ સંસદમાં બજેટ રજૂ કરી રહ્યા છે. તેમણે કહ્યું કે સ્થાનિક ઉત્પાદન ક્ષમતાનું નિર્માણ થયું છે અને ઉર્જા સુરક્ષા મજબૂત થઈ છે. સરકારે લોકશાહી કરતાં સામાન્ય લોકોને પ્રાથમિકતા આપી છે. સરકારે વાણી-વર્તન કરતાં સુધારાઓને પસંદ કર્યા છે. મોદી સરકારે અનિર્ણાયકતા છોડી દીધી છે અને નિર્ણાયક પગલાંનો માર્ગ અપનાવ્યો છે. ભારતની વિકાસ યાત્રા સતત આર્થિક વૃદ્ધિ અને નિયંત્રિત ફુગાવા દ્વારા ચિહ્નિત થયેલ છે. નીતિગત નિર્ણયોએ મજબૂત મેક્રોઇકોનોમિક સ્થિરતા સુનિશ્ચિત કરી છે.

Union Budget 2026 :  કેન્દ્રીય નાણાંમંત્રી નિર્મલા સીતારમણે સતત નવમું કેન્દ્રીય બજેટ રજૂ કર્યું

Union Budget 2026 :  દેશના બજેટને લઈને શું છે લોકોની આશા અપેક્ષાઓ ?

Union Budget 2026 :  કેન્દ્રીય બજેટ 2026-27ની અપેક્ષાઓ પર, ભાજપના સાંસદ સંજય જયસ્વાલનું નિવેદન 

"આ અગાઉના બજેટ જેવું જ હશે જ્યાં અમે મધ્યમ વર્ગ માટે જોગવાઈ કરીશું. યુપીએએ જણાવવું જોઈએ કે છેલ્લા 11 વર્ષમાં NDA એ જે કર્યું છે તેની સરખામણીમાં તેણે તેમના કાર્યકાળમાં શું કર્યું..."

Union Budget 2026 :  જૂનાગઢના ખેડૂતોની બજેટને લઈ શું છે અપેક્ષાઓ?

Union Budget 2026 :  શિવસેના (યુબીટી) સાંસદ પ્રિયંકા ચતુર્વેદીનું બજેટને લઈ નિવેદન

શિવસેના (યુબીટી) સાંસદ પ્રિયંકા ચતુર્વેદી કહે છે, "તેઓ (એફએમ સીતારમણ) સતત 9મું બજેટ રજૂ કરશે. હું તેમને અભિનંદન આપવા માંગુ છું. દેશની અર્થવ્યવસ્થાની લગામ તેમના હાથમાં છે. મને ફક્ત એટલી જ આશા છે કે આ ફક્ત ચૂંટણીલક્ષી બજેટ કે ચૂંટણીઓથી પ્રભાવિત બજેટ ન રહે... તેમણે આખા દેશ પર નજર રાખવાની છે. પછી ભલે તે નિકાસકારોનો મુદ્દો હોય, રૂપિયાના નબળા પડવાનો મુદ્દો હોય, ટેરિફનો મુદ્દો હોય, કે પછી તે દેશને ભૌગોલિક રાજકીય પરિસ્થિતિઓ સામે કેવી રીતે મદદ કરશે. પરંતુ તે માથાદીઠ આવક અને રોજગાર સર્જન સાથે મેળ ખાતું નથી? ફુગાવાને વધુ નુકસાન થાય છે કારણ કે તેમનો ખર્ચ વધી રહ્યો છે, જેથી તેઓ તેમના ભવિષ્યની યોજના બનાવી શકે...."

Union Budget 2026 : સાંભળો, સુરતના લોકોની બજેટને લઈ શું છે અપેક્ષાઓ 

Union Budget 2026 : બજેટને લઈ કેન્દ્રીયમંત્રી સી.આર.પાટીલનું નિવેદન

કેન્દ્રીય મંત્રી સીઆર પાટીલનું કહેવું છે કે, "મને વિશ્વાસ છે કે આ એક સારું બજેટ હશે."

Union Budget 2026 : ઉત્તર પ્રદેશના નાયબ મુખ્યમંત્રી કેપી મૌર્યનું બજેટને લઈ નિવેદન

ઉત્તર પ્રદેશના નાયબ મુખ્યમંત્રી કેપીનું કહેવું છે કે, "આ બજેટ વિકસિત ભારત, વિકસિત ઉત્તર પ્રદેશ, વિકસિત ગામડાઓ, વિકસિત શહેરો માટે છે. આપણે બધા કેન્દ્રીય બજેટની રાહ જોઈ રહ્યા છીએ..."

Union Budget 2026 : IUMLના સાંસદ ઇ.ટી. મોહમ્મદ બશીરનું બજેટને લઈ નિવેદન

"આ એક મહત્વપૂર્ણ સમય છે. ખાસ કરીને સમકાલીન ભારતીય પરિસ્થિતિમાં, ઘણા મુદ્દાઓ પર ધ્યાન આપવાની જરૂર છે. ઘણી બધી બાબતો પર ખૂબ જ ગંભીરતાથી ધ્યાન આપવાની જરૂર છે. અમને આશા છે કે મુખ્ય વસ્તુ ગ્રામીણ વિકાસ છે. આપણે બધા મનરેગાના દુર્ભાગ્યને જાણીએ છીએ...તેઓએ તેનું સંપૂર્ણ માળખું બદલી નાખ્યું છે. તે સમયે મનમોહન સિંહની સરકાર દ્વારા લેવામાં આવેલું સૌથી ક્રાંતિકારી પગલું હતું. તેઓએ તેને બગાડ્યું છે...મને આશા છે કે જો તમે ગામડાઓને સંબોધિત ન કરો તો સરકાર પગલાં લેશે. તેથી, તે રીતે પણ, નાણાકીય ક્ષેત્રમાં ઘણી કટોકટી છે. અમને આશા છે કે તેઓ AIIMSનો ઉપયોગ કરશે.

Union Budget 2026 : રાજસ્થાન કોંગ્રેસના નેતા સચિન પાયલટનું બજેટને લઈ નિવેદન

"કેન્દ્ર સરકાર આજે બજેટ રજૂ કરશે. છેલ્લા ઘણા વર્ષોથી આપણે જોયું છે કે બજેટ એ સરકાર માટે પોતાનો ઇરાદો વ્યક્ત કરવાનો માર્ગ છે... વર્ષોથી સત્તામાં હોવા છતાં, મને લાગે છે કે ભાજપ સરકારે એવા મુદ્દાઓ પર ધ્યાન કેન્દ્રિત કર્યું છે જે જમીન પર ખૂબ અસરકારક નથી. સરકારે મનરેગાને લગભગ રદ કરવા માટે એક નવો કાયદો બનાવ્યો છે. તેઓ કહે છે કે તેઓ તેમાં સુધારો કરી રહ્યા છે, પરંતુ વાસ્તવિકતા એ છે કે અગાઉ ગામડાઓમાં સરેરાશ 35 દિવસ મનરેગા લેવામાં આવી રહી છે, જ્યાં સરપંચ અને જનપ્રતિનિધિઓ બજેટ નક્કી કરી ચૂક્યા છે અને દિલ્હી દ્વારા કામ લાદવામાં આવશે. કાળા કાયદાઓ એ જ જીદ સાથે... અમે ઈચ્છીએ છીએ કે આગામી નાણાકીય વર્ષમાં, તેઓ ગરીબો, ખેડૂતો, યુવાનો અને મધ્યમ વર્ગને રાહત આપે..."

Union Budget 2026 :  સમાજવાદી પાર્ટીના સાંસદ રામ ગોપાલ યાદવનું કહેવું છે કે, "અમને બજેટથી કોઈ અપેક્ષા નથી."

Union Budget 2026 : કોંગ્રેસના સાંસદ પ્રિયંકા ગાંધીએ કહ્યું, બજેટથી મને કોઈ આશા નથી

Union Budget 2026 : કેન્દ્રીય રાજ્યમંત્રી રેલ્વે, વી. સોમન્નાનું બજેટને લઈ નિવેદન  

કેન્દ્રીય રાજ્યમંત્રી રેલ્વે, વી. સોમન્ના કહે છે, "...રેલ્વે એ આધુનિક ભારતનું વિકાસ એન્જિન છે, તે વિકાસ ભારતનો મજબૂત સ્તંભ છે. પીએમ મોદી દરેક ક્ષેત્ર પર ધ્યાન કેન્દ્રિત કરવાનો હેતુ ધરાવે છે... આ એક અસાધારણ બજેટ હશે..."

Union Budget 2026 :  IMC ચેમ્બર ઓફ કોમર્સ એન્ડ ઇન્ડસ્ટ્રીના ડિરેક્ટર જનરલ, અજિત મંગરુલકરનું બજેટને લઈ નિવેદન

IMC ચેમ્બર ઓફ કોમર્સ એન્ડ ઇન્ડસ્ટ્રીના ડિરેક્ટર જનરલ, અજિત મંગરુલકર કહે છે, "અપેક્ષાઓ ખૂબ જ સકારાત્મક છે. આ અન્ય તમામ બજેટની જેમ વિકાસલક્ષી બજેટ હશે... રાજકોષીય ખાધ પણ નિયંત્રણમાં છે. પરંતુ મારું માનવું છે કે તેઓ વધુ ખર્ચ કરી શકે છે કારણ કે વૃદ્ધિ પર તેમણે ધ્યાન કેન્દ્રિત કરવું જોઈએ... અમારી સરકાર મજબૂત અને વૃદ્ધિ પેટર્ન ચાલુ રાખવા માટે પૂરતી ગંભીર છે. અમે માળખાગત સુવિધાઓમાં રોકાણ વધવાની અપેક્ષા રાખીએ છીએ. અમે ટેકનોલોજીમાં ઘણું બધું જોશું. અમે સંરક્ષણ ખર્ચમાં વધારો થવાની અપેક્ષા રાખીએ છીએ... મને વ્યક્તિગત કરવેરા ક્ષેત્રમાં બહુ કંઈ થતું દેખાતું નથી..."

Union Budget 2026 : સિલિગુડી, પશ્ચિમ બંગાળના શિક્ષણવિદ અભયા બોઝનું નિવેદન બજેટને લઈ

UnionBudget2026ની અપેક્ષાઓ પર, શિક્ષણવિદ, અભયા બોઝ કહે છે, "આ ખરા અર્થમાં કેન્દ્રીય બજેટ હોવું જોઈએ... રાજ્યો વચ્ચે કોઈ અસમાનતા ન હોવી જોઈએ... પ્રાથમિક, પાયાનું અને ઉચ્ચ શિક્ષણ વચ્ચે સમાનતા હોવી જોઈએ... ગરીબી રેખા નીચે જીવતા લોકો, અથવા જેઓ સંઘર્ષ કરી રહ્યા છે, તેઓ આરામદાયક જીવન જીવી શકે... બજેટમાં તે પણ ધ્યાનમાં લેવું જોઈએ..."

Union Budget 2026 : કેન્દ્રીય મંત્રી કિરેન રિજીજુનું બજેટ પહેલાનું નિવેદન

"આ એક ઐતિહાસિક બજેટ હશે. પીએમનું 'રિફોર્મ એક્સપ્રેસ' વિકાસ ભારત તરફ ઝડપથી આગળ વધશે."

Union Budget 2026 : કોંગ્રેસના સાંસદ શશિ થરૂરે  બજેટ 2026ને લઈ આપ્યું આ નિવેદન 

કોંગ્રેસના સાંસદ શશિ થરૂરે કહ્યું કે આજે જોવાનું છે કે, નાણામંત્રી શું બોલે છે? આર્થિક સર્વેમાં આર્થિક વૃદ્ધિની વાત કરવામાં આવી છે, શું તેનાથી નોકરીઓનું સર્જન થશે? નોકરીઓ વિના વૃદ્ધિનો કોઈ અર્થ નથી. અમે એ જાણવા ઉત્સુક છીએ કે નાણામંત્રી કયા પ્રકારની યોજનાઓ લાવે છે, જેનાથી યુવાનોને નોકરીઓ મળશે.  

Union Budget 2026 : #UnionBudget2026ને લઈ કેન્દ્રીય મંત્રી શિવરાજ સિંહ ચૌહાણનું નિવેદન, "વિકસિત અને આત્મનિર્ભર ભારત માટે બજેટ."

Union Budget 2026 : ઉત્તરપ્રદેશના અમરોહાના કલાકાર ઝુહૈબ ખાન આજે #UnionBudget2026ની રજૂઆત પહેલા સ્કેચ બનાવ્યું

Union Budget 2026 : સમાજવાદી પાર્ટીના સાંસદ અખિલેશ યાદવનું બજેટ પહેલા નિવેદન

"જે સરકાર પાસેથી આપણને કોઈ અપેક્ષા નથી, તે સરકાર દ્વારા રજૂ કરવામાં આવી રહેલા બજેટથી આપણે શું અપેક્ષા રાખી શકીએ?... છેલ્લા કેટલાક બજેટમાં આપણે જોયું છે કે તે ફક્ત 5% લોકો માટે હતું. સરકારે મૂલ્યાંકન કરવું જોઈએ કે શું તેણે કરેલા બધા વચનો પૂરા કર્યા છે."

Union Budget 2026 : પીએમ મોદી સંસદ પહોંચ્યા

વડાપ્રધાન નરેન્દ્ર મોદી સંસદ ભવનમાં પહોંચ્યા છે. કેબિનેટ બજેટને અંતિમ મંજૂરી આપશે, જે પછી ગૃહમાં રજૂ કરવામાં આવશે. આ પહેલા રાષ્ટ્રપતિ દ્રૌપદી મુર્મુએ નાણામંત્રી નિર્મલા સીતારમણને દહીં અને ખાંડ ખવડાવીને બજેટ માટે શુભેચ્છાઓ પાઠવી હતી.

Union Budget 2026 : કેન્દ્રીય નાણાં પ્રધાન નિર્મલા સીતારમણ અને નાણાં રાજ્યમંત્રી પંકજ ચૌધરી, તેમની ટીમ સાથે સંસદ પહોંચ્યા

Union Budget 2026 : રાષ્ટ્રપતિ મુર્મુએ સીતારમણને બજેટ 2026 રજૂ કરતા પહેલા નિર્મલા સીતારમણને 'દહીં-ખાંડ' ખવડાવી

Union Budget 2026 : કેન્દ્રીય નાણાં પ્રધાન નિર્મલા સીતારમણ આજે તેમનું સતત નવમું કેન્દ્રીય બજેટ રજૂ કરવાની તૈયારીમાં

Union Budget 2026 : થોડીવારમાં બજેટ ભાષણ થશે શરૂ

 નાણામંત્રી નિર્મલા સીતારમણે ડિજિટલ ટેબલેટ પ્રદર્શિત કર્યું. આ ટેબલેટમાં સરકારના બજેટ અને ખર્ચ અને નાણાકીય વર્ષ 2026-27 માટેના આર્થિક રોડમેપ સંબંધિત તમામ દસ્તાવેજો છે. રાષ્ટ્રપતિ ભવન છોડ્યા પછી, નાણાંમંત્રી સંસદ પહોંચ્યા, જ્યાં સવારે 11 વાગ્યે લોકસભામાં બજેટ રજૂ કરવામાં આવશે. આ બજેટ દેશની અર્થવ્યવસ્થા, કરદાતાઓ, મધ્યમ વર્ગ, માળખાગત સુવિધાઓ અને રોજગાર માટે દિશા નિર્ધારિત કરશે.

MCX ઉપર સોના અને ચાંદીમાં જોરદાર ઘટાડો

SILVER @ ₹ 265652

GOLD @ ₹ 136185

Union Budget 2026 : નિર્મલા સીતારમણ સંસદ જવા માટે રવાના થયા

નાણામંત્રી નિર્મલા સીતારમણ હવે સંસદ માટે રવાના થયા છે. અગાઉ, તેમણે રાષ્ટ્રપતિ દ્રૌપદી મુર્મુને મળવા રાષ્ટ્રપતિ ભવનની મુલાકાત લીધી હતી. તેમની સાથે કેન્દ્રીય નાણા રાજ્યમંત્રી પંકજ ચૌધરી અને અન્ય વરિષ્ઠ અધિકારીઓ પણ હતા. આ ઔપચારિક મુલાકાત બજેટ રજૂ કરતા પહેલા રાષ્ટ્રપતિને મળવાની પરંપરાને અનુસરીને થઈ હતી. રાષ્ટ્રપતિ ભવન જતા પહેલા, નાણામંત્રી નિર્મલા સીતારમણ કેન્દ્રીય બજેટ 2026 ના સમગ્ર દસ્તાવેજ ધરાવતું ડિજિટલ ટેબ્લેટ લઈને નાણા મંત્રાલયથી રવાના થયા હતા. નોંધપાત્ર રીતે, ડિજિટલ ટેબ્લેટને પરંપરાગત લાલ 'બહી-ખાતા' શૈલીની બેગમાં મૂકવામાં આવ્યું હતું. આ પરંપરા છેલ્લા કેટલાક વર્ષોથી બજેટ દસ્તાવેજના પ્રતીક તરીકે અપનાવવામાં આવી છે.

Union Budget 2026 : કેન્દ્રીય નાણાં પ્રધાન નિર્મલા સીતારમણ, તેમની ટીમ સાથે, તેમનું સતત નવમું કેન્દ્રીય બજેટ રજૂ કરતા પહેલા રાષ્ટ્રપતિ દ્રૌપદી મુર્મુને મળ્યા અને ટૂંક સમયમાં સંસદ જવા માટે રવાના થશે

Union Budget 2026 : નિર્મલા સીતારમણે કાંચીપુરમની સિલ્ક સાડી પહેરી, જેને કાંજીવરમ સાડી તરીકે પણ ઓળખવામાં આવે છે

કાંચીપુરમ સિલ્ક સાડી, જેને કાંજીવરમ સાડી તરીકે પણ ઓળખવામાં આવે છે, તે ભારતના તમિલનાડુ રાજ્યના કાંચીપુરમ પ્રદેશમાં બનેલી સિલ્ક સાડીનો એક પ્રકાર છે. તમિલનાડુ, કેરળ, કર્ણાટક અને આંધ્રપ્રદેશની મોટાભાગની મહિલાઓ લગ્ન પ્રસંગો અને ખાસ પ્રસંગોએ આ સાડીઓ પહેરે છે. જૂની કાંચીપુરમ સાડીઓ તમિલનાડુના કાંચીપુરમ નામના નાના શહેરમાંથી ઉદભવે છે. હિંદુ પૌરાણિક કથાઓમાં પણ તેનો ઉલ્લેખ જોવા મળે છે, જ્યાં કાંચીપુરમ સાડીના વણકરોને 'સ્વયં ભગવાનના વણકર' ગણવામાં આવતા હતા.  તામિલનાડુ, કેરળ, કર્ણાટક અને આંધ્રપ્રદેશની મોટાભાગની મહિલાઓ લગ્ન અને ખાસ પ્રસંગોએ પહેરે છે. તેને 2005-2006માં ભારત સરકાર દ્વારા ભૌગોલિક સંકેત તરીકે માન્યતા આપવામાં આવી છે. (GI Tag) અસલી કાંચીપુરમ સિલ્ક સાડીમાં, મુખ્ય ભાગ અને બોર્ડર અલગથી વણવામાં આવે છે અને પછી એકસાથે જોડાય છે. સાંધા એટલા ચુસ્ત રીતે વણાયેલા છે કે સાડી ફાટી જાય તો પણ બોર્ડર અલગ પડતી નથી. આ જ કાંચીપુરમ સિલ્ક સાડીઓને અન્ય સાડીઓથી અલગ પાડે છે. ભારે રેશમ અને સોનાના કાપડમાંથી વણાયેલી કાંચીપુરમ સાડીઓને ખાસ ગણવામાં આવે છે અને તે પ્રસંગો અને તહેવારો પર પહેરવામાં આવે છે.

Union Budget 2026 : કેન્દ્રીય નાણાં પ્રધાન નિર્મલા સીતારમણ, તેમની ટીમ સાથે, તેમનું સતત નવમું કેન્દ્રીય બજેટ રજૂ કરતા પહેલા રાષ્ટ્રપતિ દ્રૌપદી મુર્મુને મળ્યા 

Union Budget 2026 : સીતારમણ બજેટ રજૂ કરવા માટે તમિલનાડુની સાડી પહેરીને પહોંચ્યા હતા

નાણામંત્રી નિર્મલા સીતારમણે તેમના રેકોર્ડ નવમા બજેટ માટે એક અદભુત કાંજીવરમ સાડી પસંદ કરી. આ સાડી તમિલનાડુની છે, જ્યાં થોડા મહિનામાં વિધાનસભાની ચૂંટણીઓ થવાની છે અને જ્યાં ભાજપ લાંબા સમયથી સફળતા માટે પ્રયત્નશીલ છે.

બજેટ પહેલાં શેરબજારમાં ઘટાડો

સેન્સેક્સમાં 90થી વધુ પોઇન્ટનો ઘટાડો

સેન્સેક્સ ઘટીને 82176ના સ્તરે

નિફ્ટીમાં 51થી વધુ પોઇન્ટનો ઘટાડો

નિફ્ટી ઘટીને 25269ના સ્તરે

Union Budget 2026 : કેન્દ્રીય નાણાં પ્રધાન નિર્મલા સીતારમણ તેમનું નવમું કેન્દ્રીય બજેટ રજૂ કરતા પહેલા રાષ્ટ્રપતિ દ્રૌપદી મુર્મુને મળવા રાષ્ટ્રપતિ ભવન જઈ રહ્યા છે

Union Budget 2026 : રાની પિંક ચેક્સ સાડીમાં નિર્મલા સીતારમણ 

ત્યારે આજે નિર્મલા સીતારમણનો સાડી લુક સામે આવ્યો છે. કેન્દ્રીય નાણામંત્રી નિર્મલા સીતારમણની સાડી દર વર્ષે કેન્દ્રીય બજેટ દરમિયાન સૌ કોઇનું ધ્યાન આકર્ષે છે. બજેટ રજૂ કરતી વખતે તેઓ જે સાડી પહેરે છે તે હંમેશા હાથથી વણેલી હોય છે. કેન્દ્રીય નાણામંત્રી નિર્મલા સીતારમણની સાડી દરેક વખતે મુખ્ય આકર્ષણ ઉભુ કરે છે. ત્યારે આ વખતે નિર્મલા સીતારમણે બ્લેક બોર્ડર વાળી ડાર્ક પિંક કલરની સાડી પહેરી છે. જેમાં તેમણે યલો બ્લાઉઝ પહેર્યો છે. 

Union Budget 2026 :  નિર્મલા સીતારમણ હવે રાષ્ટ્રપતિ ભવન પહોંચ્યા છે.

કેન્દ્રીય નાણામંત્રી નિર્મલા સીતારમણ હવે રાષ્ટ્રપતિ ભવન પહોંચ્યા છે. તેઓ રાષ્ટ્રપતિ દ્રૌપદી મુર્મુને મળશે અને તેમને બજેટ વિશે માહિતી આપશે. ત્યારબાદ તેઓ સંસદમાં પાછા ફરશે.

Union Budget 2026 : કેન્દ્રીય નાણામંત્રી નિર્મલા સીતારમણની સાડી દર વર્ષે કેન્દ્રીય બજેટ દરમિયાન સૌ કોઇનું ધ્યાન આકર્ષે છે

બજેટ રજૂ કરતી વખતે તેઓ જે સાડી પહેરે છે તે હંમેશા હાથથી વણેલી હોય છે. કેન્દ્રીય નાણામંત્રી નિર્મલા સીતારમણની સાડી દરેક વખતે મુખ્ય આકર્ષણ ઉભુ કરે છે.

Union Budget 2026 : નાણામંત્રી નિર્મલા સીતારમણ તેમની ટીમ સાથે નાણા મંત્રાલયની બહાર બજેટ ટેબ્લેટ સાથે પહોંચ્યા

તેઓ આજે સવારે 11 વાગ્યે લોકસભામાં #UnionBudget2026 રજૂ કરશે.

Union Budget 2026 : બજેટ પહેલાં આર્થિક સર્વેક્ષણ રજૂ કરાયું

ગુરુવારે, બજેટ પહેલાં, નાણામંત્રી નિર્મલા સીતારમણે સંસદમાં ભારતનો આર્થિક સર્વેક્ષણ 2025-26 રજૂ કર્યો. બજેટ જાહેર થાય તે પહેલાં દેશની આર્થિક પરિસ્થિતિનો વ્યાપક ચિત્ર રજૂ કરવાની આર્થિક સર્વેક્ષણની લાંબા સમયથી પરંપરા રહી છે. આર્થિક સર્વેક્ષણને દેશના અર્થતંત્રનું સત્તાવાર વાર્ષિક "રિપોર્ટ કાર્ડ" માનવામાં આવે છે. તે છેલ્લા 12 મહિનામાં આર્થિક કામગીરીની ડેટા-આધારિત સમીક્ષા પ્રદાન કરે છે અને ભવિષ્ય માટે નીતિ દિશા માટે વ્યાપક રોડમેપ પ્રદાન કરે છે.

Union Budget 2026 : ઓડિશાના પ્રખ્યાત રેતી કલાકાર સુદર્શન પટનાયકે પુરી બીચ પર રેતીનું શિલ્પ બનાવી #UnionBudget2026નું સ્વાગત કર્યું

Union Budget 2026 : કેન્દ્રીય નાણાં રાજ્યમંત્રી પંકજ ચૌધરી નાણા મંત્રાલય પહોંચ્યા

કેન્દ્રીય નાણાં પ્રધાન નિર્મલા સીતારમણ આજે સંસદમાં #UnionBudget2026 રજૂ કરશે.

Union Budget 2026 : સેન્ટ્રલ વિસ્ટા કોમ્પ્લેક્સ ખાતે ફોટો સેશન યોજાશે

પરંપરાગત નોર્થ બ્લોકથી ઐતિહાસિક પ્રસ્થાનમાં, આ વર્ષની બજેટ કાર્યવાહી અને ફોટો સેશન સેન્ટ્રલ વિસ્ટા કોમ્પ્લેક્સમાં સ્થિત નાણા મંત્રાલયના નવા કાર્યાલય, કર્તવ્ય ભવન ખાતે યોજાશે.

Union Budget 2026 : નિર્મલા સીતારમણ નાણા મંત્રાલય જવા રવાના થયા

નાણામંત્રી નિર્મલા સીતારમણ તેમના નિવાસસ્થાનેથી નીકળી ગયા છે. તેઓ સીધા નાણા મંત્રાલય જશે. ત્યાં તેઓ અધિકારીઓ સાથે મુલાકાત કરશે અને પછી રાષ્ટ્રપતિ દ્રૌપદી મુર્મુને મળવા જશે. 

Union Budget 2026 : નિર્મલા સિતારમણ કર્તવ્ય ભવન પહોંચ્યા

Union Budget 2026 : બજેટ પહેલા કેમ અધિકારીઓને ‘લોક-ઇન’ કરવામાં આવે છે?

દર વર્ષની જેમ, વર્ષ 2026નું કેન્દ્રીય બજેટ પણ 1 ફેબ્રુઆરીના રોજ ભારતના નાણામંત્રી નિર્મલા સીતારમણ દ્વારા રજૂ કરવામાં આવશે. બજેટ રજૂઆત પહેલાં નાણામંત્રાલયમાં એક વિશેષ પરંપરા નિભાવવામાં આવે છે, જેને હલવા સેરેમની કહેવામાં આવે છે. આ સેરેમની માત્ર મીઠાઈ વહેંચવાનો કાર્યક્રમ નથી, પરંતુ તે બજેટ પ્રક્રિયાનો એક મહત્વપૂર્ણ સંકેત છે. 

Union Budget 2026 :  21મી સદીના બીજા ક્વાર્ટર માટે ભારતનો રોડમેપ

સરકારી અધિકારીઓના જણાવ્યા અનુસાર, બજેટનો ભાગ B ભારતની પ્રાથમિકતાઓની રૂપરેખા આપશે જે 21મી સદીના બીજા ક્વાર્ટરમાં વૈશ્વિક મંચ પર દેશને મજબૂત બનાવશે. આ વિભાગમાં ભારતની વર્તમાન આર્થિક ક્ષમતાઓ, ઉત્પાદન, વેપાર અને નિકાસ માટેની ભાવિ સંભાવનાઓ અને વૈશ્વિક મૂલ્ય શૃંખલામાં ભારતની ભૂમિકા જેવા મુદ્દાઓ પર ખુલ્લેઆમ ચર્ચા કરવામાં આવશે. આ જ કારણ છે કે ભારત અને વિદેશના અર્થશાસ્ત્રીઓ અને નીતિ નિષ્ણાતો આ વિભાગ પર નજીકથી નજર રાખશે.

Union Budget 2026 :  ભાજપ કાર્યાલયો પર બજેટ ભાષણનું જીવંત પ્રસારણ જોઈ શકાશે

ભાજપે તમામ રાજ્ય કાર્યાલયોમાં બજેટ ભાષણનું જીવંત પ્રસારણ કરવાનો નિર્ણય લીધો છે. આ કાર્યાલયોમાં ટીવી સેટ લગાવવામાં આવશે, અને તમામ પક્ષના કાર્યકરોને જીવંત પ્રસારણ જોવાની સૂચના આપવામાં આવી છે.

Union Budget 2026 : સરકારના નાણાં પર નિર્ભર બની

પરંતુ સમય જતાં પરિસ્થિતિ બદલાઈ. રેલ્વે હવે સંપૂર્ણપણે સરકારના નાણાં પર નિર્ભર બની ગઈ હતી અને અલગ બજેટ હોવાને કારણે નીતિગત અડચણો અને રાજકીય દબાણ પણ વધતું હતું. આ કારણોસર નીતિ આયોગે સરકારને સલાહ આપી કે રેલ્વે બજેટને સામાન્ય બજેટ સાથે મર્જ કરી દેવામાં આવે.

Union Budget 2026 : રેલ્વે બજેટની શરૂઆત

રેલ્વે બજેટની શરૂઆત 1924માં બ્રિટિશ શાસન દરમિયાન કરવામાં આવી હતી. તે સમયે ભારતીય રેલ્વે દેશની સૌથી મોટી આવક જનરેટ કરતી સંસ્થા હતી, તેથી તેના માટે અલગ બજેટ રજૂ કરવાનો નિર્ણય લેવામાં આવ્યો હતો. ત્યારથી દર વર્ષે સામાન્ય બજેટના એક દિવસ પહેલા રેલ્વે બજેટ રજૂ થતું આવ્યું.

Union Budget 2026 :  દર વર્ષે 2 અલગ બજેટ રજૂ

આ ફેરફાર પહેલાં, દેશમાં દર વર્ષે બે અલગ બજેટ રજૂ કરવામાં આવતા હતા. સામાન્ય બજેટમાં સરકાર શિક્ષણ, આરોગ્ય, રક્ષા, ખેતી, કર વ્યવસ્થા અને આર્થિક વિકાસ સંબંધિત જાહેરાતો કરતી હતી, જ્યારે રેલ્વે સંબંધિત તમામ યોજનાઓ અને ખર્ચ માટે અલગ રેલ્વે બજેટ રજૂ કરવામાં આવતું હતું.

Union Budget 2026 : 92 વર્ષ પછી બદલાઈ ભારતીય બજેટની પરંપરા, જાણો શું થયું 2017માં

ભારતના બજેટ ઇતિહાસમાં ઘણા મહત્વપૂર્ણ ફેરફારો થયા છે, પરંતુ 2017માં લેવાયેલો એક નિર્ણય ખાસ કરીને નોંધપાત્ર રહ્યો છે. વર્ષો સુધી ચાલતી રેલ્વે બજેટ અને સામાન્ય બજેટને અલગ-અલગ રજૂ કરવાની પરંપરા મોદી સરકારના સમયમાં બદલાઈ ગઈ. આ પરંપરા લગભગ 92 વર્ષ જૂની હતી, જેને તોડી રેલ્વે બજેટને સામાન્ય બજેટમાં વિલીન કરવામાં આવ્યું.

Union Budget 2026:  AMFIની સૌથી મહત્વપૂર્ણ માંગણીઓ

AMFI ની સૌથી મહત્વપૂર્ણ માંગણીઓમાં એક છે ડેટ મ્યુચ્યુઅલ ફંડ્સ પર લાંબા ગાળાના મૂડી લાભ (LTCG) માટે ઇન્ડેક્સેશન લાભ ફરી શરૂ કરવો. 2024ના બજેટમાં આ લાભ દૂર કરવામાં આવ્યો હતો, જેના કારણે ખાસ કરીને વરિષ્ઠ નાગરિકો અને નિવૃત્ત લોકો પર અસર પડી હતી. અહેવાલ મુજબ, સરકાર બે વિકલ્પો પર વિચાર કરી રહી છે –ઇન્ડેક્સેશન વગર 12.5% ટેક્સ અથવા 36 મહિનાથી વધુ સમય માટે રોકાણ રાખવામાં આવે તો ઇન્ડેક્સેશન સાથે 20% ટેક્સ. આ ફેરફારોથી ડેટ ફંડ્સ ફરીથી આકર્ષક બની શકે છે.

Union Budget 2026: રોકાણકારો માટે ગેમ ચેન્જર બનશે? AMFI ની 27 માંગણીઓ પર સૌની નજર

બજેટ 2026-27ને લઈને રોકાણકારોમાં મોટી આશાઓ છે, ખાસ કરીને મ્યુચ્યુઅલ ફંડ નિયમોમાં સંભવિત ફેરફારો અંગે. AMFI દ્વારા રજૂ કરાયેલ 27 માંગણીઓ જો સ્વીકારવામાં આવે, તો ભારતીય રોકાણ પરિસ્થિતિમાં મોટો બદલાવ આવી શકે છે. આગામી કેન્દ્રીય બજેટ 2026-27થી મ્યુચ્યુઅલ ફંડ રોકાણકારોને ઘણી મહત્વપૂર્ણ જાહેરાતોની આશા છે. એસોસિએશન ઓફ મ્યુચ્યુઅલ ફંડ્સ ઓફ ઈન્ડિયા (AMFI) એ સરકાર સમક્ષ કુલ 27 મહત્વપૂર્ણ માંગણીઓ મૂકી છે, જેનો મુખ્ય હેતુ રોકાણને વધુ આકર્ષક બનાવવાનો, કરના ભારમાં રાહત આપવાનો અને ભારતીય મૂડી બજારને મજબૂત કરવાનો છે.

Union Budget 2026:  નિર્મલા સીતારમણ બજેટ રજૂ કરનારી બીજી મહિલા

નાણામંત્રી નિર્મલા સીતારમણ આજે સતત નવમી વખત કેન્દ્રીય બજેટ રજૂ કરી રહ્યા છે, જે એક નવો રેકોર્ડ છે. આ સાથે, જ્યારે તેઓ આગામી નાણાકીય વર્ષમાં બજેટ રજૂ કરશે, ત્યારે તેઓ ભૂતપૂર્વ વડા પ્રધાન મોરારજી દેસાઈની બરાબરી કરશે, જેમણે તેમના કાર્યકાળ દરમિયાન દસ વખત બજેટ રજૂ કર્યું હતું. નિર્મલા સીતારમણ બજેટ રજૂ કરનારી બીજી મહિલા પણ છે. આ સિદ્ધિ અગાઉ ભૂતપૂર્વ વડા પ્રધાન ઇન્દિરા ગાંધી પાસે હતી, જેમણે વડા પ્રધાન તરીકે સેવા આપતી વખતે કેન્દ્રીય બજેટ રજૂ કર્યું હતું.

Union Budget 2026: રાસાયણિક ઉદ્યોગ મૂડી આધારિત ઉદ્યોગ

રાસાયણિક ઉદ્યોગ મૂડી આધારિત ઉદ્યોગ છે અને તેમાં લાંબા ગાળાના મોટા રોકાણની જરૂર પડે છે. તેથી, કંપનીઓને લાંબા ગાળાની સસ્તી મૂડી ઉપલબ્ધ કરાવવી અત્યંત જરૂરી છે. આ મૂડીનો ઉપયોગ ટેકનોલોજી અપગ્રેડ, સલામતી ધોરણોમાં સુધારો અને આધુનિક પ્રદૂષણ નિયંત્રણ પ્રણાલીઓ સ્થાપવા માટે થઈ શકે છે.

Union Budget 2026: લોજિસ્ટિક્સ પણ એક મહત્વપૂર્ણ મુદ્દો

કેમિકલ ઉદ્યોગ માટે લોજિસ્ટિક્સ પણ એક મહત્વપૂર્ણ મુદ્દો છે. દેશની અંદર માલ પરિવહન સરળ, ઝડપી અને સસ્તું બને તે માટે રોડ, રેલ અને બંદરોની સુવિધાઓમાં સુધારો જરૂરી છે. નિકાસ વધારવા માટે ખાસ લોજિસ્ટિક સપોર્ટ અને ખર્ચમાં ઘટાડો થવો જોઈએ, જેથી ભારતીય ઉત્પાદનો વૈશ્વિક બજારમાં વધુ સ્પર્ધાત્મક બની શકે.

Union Budget 2026: મિકલ ઉદ્યોગને સરકાર પાસેથી શું છે મોટી માગ ?

બજેટ 2026 પહેલા ભારતના કેમિકલ ઉદ્યોગે સરકાર સમક્ષ ઘણી મહત્વપૂર્ણ માંગણીઓ અને અપેક્ષાઓ રજૂ કરી છે. છેલ્લા કેટલાક વર્ષોમાં સરકાર દ્વારા મેન્યુફેક્ચરિંગ સેક્ટરને મળેલા નીતિગત સમર્થનના કારણે ભારતીય કેમિકલ ઉદ્યોગને નવી ગતિ મળી છે. ડાઇ અને પિગમેન્ટ બનાવતી કંપની વિપુલ ઓર્ગેનિક્સ લિમિટેડના એક્ઝિક્યુટિવ ડિરેક્ટર મિહિર શાહના જણાવ્યા અનુસાર, વૈશ્વિક સ્તરે હવે કંપનીઓ પુરવઠા માટે માત્ર એક જ દેશ પર નિર્ભર રહેવા માંગતી નથી.

Union Budget 2026:  આર્થિક સર્વેમાં શું ખાસ છે?

આર્થિક સર્વે 2025-26ની મુખ્ય વિશેષતાઓ:

કુલ 16 પ્રકરણો

AI માટે અલગ પ્રકરણ

FY27 માટે GDP વૃદ્ધિ 6.8% થી 7.2% વચ્ચે

સોના અને ચાંદી પર વિશેષ ચર્ચા

વૈશ્વિક અનિશ્ચિતતા સામે ભારતની રણનીતિ

આર્થિક સર્વે શું છે?

આર્થિક સર્વે એ બજેટ પહેલાં રજૂ થતો સરકારી દસ્તાવેજ છે, જે દેશની આર્થિક સ્થિતિ, પડકારો અને ભવિષ્યની દિશાનું વિશ્લેષણ કરે છે. આ અહેવાલ કેન્દ્રીય નાણાં મંત્રાલયની ટીમ દ્વારા તૈયાર કરવામાં આવે છે અને તે બજેટ માટે આધારરૂપ માનવામાં આવે છે.

Union Budget 2026: AI પર ખાસ ભાર, પહેલી વાર અલગ પ્રકરણ

આ વખતના આર્થિક સર્વેમાં એક ખાસ વાત એ છે કે Artificial Intelligence (AI) માટે પહેલી વખત અલગ પ્રકરણ સામેલ કરવામાં આવ્યું છે. આથી સ્પષ્ટ થાય છે કે સરકાર ભવિષ્યમાં નવી ટેકનોલોજી, ડિજિટલ ઇકોનોમી અને AI આધારિત વિકાસ પર ગંભીરતાથી ધ્યાન કેન્દ્રિત કરી રહી છે.

AI દ્વારા રોજગારીના નવા અવસરો

ઉત્પાદનક્ષમતા વધારો

શિક્ષણ અને આરોગ્ય ક્ષેત્રમાં સુધારા

જવા ફાયદાઓ પર પણ આર્થિક સર્વેમાં પ્રકાશ પાડવામાં આવ્યો છે.

વૈશ્વિક અનિશ્ચિતતા અને ભારતની તૈયારી

વૈશ્વિક સ્તરે ચાલતી રાજકીય અસ્થીરતા, યુદ્ધ, ઊંચા વ્યાજદર અને સપ્લાય ચેઇન સમસ્યાઓનો ઉલ્લેખ પણ આર્થિક સર્વેમાં કરવામાં આવ્યો છે. સરકારનું ધ્યાન એ પર છે કે આ વૈશ્વિક અસરોનો ભારતની અર્થવ્યવસ્થા પર ઓછામાં ઓછો પ્રભાવ પડે.

Union Budget 2026: GDP વૃદ્ધિ અંગે શું કહે છે આર્થિક સર્વે?

આર્થિક સર્વે મુજબ, નાણાકીય વર્ષ 2027 (FY27) માટે ભારતની GDP વૃદ્ધિનો

ઉપલા સ્તરનો અંદાજ: 7.2%

નીચલા સ્તરનો અંદાજ: 6.8%

આ મજબૂત વૃદ્ધિ પાછળનું મુખ્ય કારણ મજબૂત સ્થાનિક માંગ (Domestic Demand) છે. ગ્રામીણ અને શહેરી ક્ષેત્રોમાં વધતી ખપત, ઔદ્યોગિક ઉત્પાદન અને સરકારી મૂડી ખર્ચને અર્થતંત્ર માટે સકારાત્મક સંકેત માનવામાં આવ્યો છે.

Union Budget 2026: બજેટની ટીમમાં કોનો સમાવેશ ? 

01- નિર્મલા સીતારમણ (નાણા મંત્રી)

02-પંકજ ચૌધરી (નાણા રાજ્ય મંત્રી)

03-અનુરાધા ઠાકુર (આર્થિક બાબતોના સચિવ)

04-અરવિંદ શ્રીવાસ્તવ (મહેસૂલ સચિવ)

05-વુમલુનમુંગ વલનમ (ખર્ચ સચિવ)

06-એમ. નાગરાજુ (નાણાકીય સેવાઓ વિભાગના સચિવ)

07- અરુણિશ ચાવલા (રોકાણ અને જાહેર સંપત્તિ વ્યવસ્થાપન વિભાગના સચિવ)

08-કે. મોસેસ ચાલાઈ (જાહેર સાહસો વિભાગના સચિવ)

09-વી. અનંત નાગેશ્વરન (મુખ્ય આર્થિક સલાહકાર, સીઈએ)

Union Budget 2026: જાણો બજેટની ટીમમાં કોણ કોણ હશે ?

નાણામંત્રી નિર્મલા સીતારમણ 1  ફેબ્રુઆરીએ સંસદમાં કેન્દ્રીય બજેટ (યુનિયન બજેટ2026-27) રજૂ કરશે. નાણામંત્રીનું બજેટ ભાષણ સવારે 11 વાગ્યે શરૂ થશે. આ બજેટ આગામી નાણાકીય વર્ષ માટે સરકારની આર્થિક નીતિઓની દિશા નક્કી કરશે. દેશભરના વિવિધ ક્ષેત્રોને બજેટ પાસેથી ઘણી અપેક્ષાઓ છે. પરિણામે, બધાની નજર નાણામંત્રીના બજેટ ભાષણ પર છે. દર વર્ષે 1 ફેબ્રુઆરીએ કેન્દ્રીય બજેટ રજૂ કરવામાં આવે છે, પરંતુ ભારતના ઇતિહાસમાં આ પહેલી વાર બનશે કે રવિવારે કેન્દ્રીય બજેટ રજૂ કરવામાં આવશે. જો તમે નાણામંત્રી નિર્મલા સીતારમણનું બજેટ ભાષણ લાઈવ જોવા અને સાંભળવા માંગતા હો, તો અમે તમને જણાવી રહ્યા છીએ કે તેને કેવી રીતે અને ક્યાં લાઈવ જોવું.  બજેટનું લાઇવ કવરેજ  ભારત સરકારની સત્તાવાર યુટ્યુબ ચેનલ પર ઉપલબ્ધ રહેશે. બજેટ 2026નું લાઇવ પ્રસારણ સંસદ ટીવી, સત્તાવાર સંસદ ચેનલ અને રાષ્ટ્રીય ટેલિવિઝન ચેનલ પર કરવામાં આવશે. 

Union Budget 2026: બજેટની શેરબજાર પર અસર, રોકાકારોનું રક્ષણાત્મક વલણ

બજેટની જાહેરાત પહેલા આજે શેરબજારમાં મોટી ઉથલપાથલ જોવા મળી. ગુરવારના દિવસે જયાં બજાર તેજી સાથે બંધ થયું હતું. પરંતુ બીજા દિવસ શુક્રવારે મોટા ઘટાડા સાથે બજારની શરૂઆત થઈ. શરૂઆતના ટ્રેડિંગના 15 મિનિટમાં, રોકાણકારોએ લગભગ 4 લાખ કરોડ રૂપિયા ગુમાવ્યા, જેના કારણે BSE-લિસ્ટેડ કંપનીઓનું કુલ માર્કેટ કેપ ઘટીને 455.73 લાખ કરોડ રૂપિયા થઈ ગયું. શુક્રવારે ભારતીય શેરબજારમાં ભારે નફા-બુકિંગ જોવા મળ્યું. કેન્દ્રીય બજેટ પહેલા રોકાણકારોએ રક્ષણાત્મક વલણ અપનાવતા સેન્સેક્સ અને નિફ્ટી જેવા મુખ્ય સૂચકાંકોમાં મોટો ઘટાડો જોવા મળ્યો હતો.  

Union Budget 2026:  ક્રિપ્ટોકરન્સી પરના ટેક્સ ઘટાડવામાં આવે તેવી સંભાવના

ઉદ્યોગ નાણાકીય વર્ષ 2027 માટે ક્ષેત્રીય ફાળવણી, આવકવેરા નીતિ અને નિકાસ સ્પર્ધાત્મકતા અને વિદેશી વેપાર વૈવિધ્યકરણમાં કેવો બદલાવ આવશે તેને લઈને ચર્ચાનું બજાર ગરમ છે.  આ ઉપરાંત ક્રિપ્ટો વિશે ચાલી રહેલી ચર્ચા મુખ્યત્વે અમલીકરણ અને કરવેરા પર કેન્દ્રિત છે. પરંતુ આગામી તબક્કામાં બજાર માળખા અને સ્થિરતા પર ધ્યાન કેન્દ્રિત કરવાની જરૂર છે. બજાર નિષ્ણાતે જણાવ્યું કે વર્ચ્યુઅલ ડિજિટલ સંપત્તિ પરના વર્તમાન 30% કરને તર્કસંગત બનાવવો અને 1% TDS ને 0.1% ના વધુ વ્યવહારુ સ્તરે ઘટાડવો ક્રિપ્ટો વપરાશકર્તાઓ માટે ફાયદાકારક રહેશે. આ પગલું વપરાશકર્તાઓને નિયંત્રિત સ્થાનિક ઇકોસિસ્ટમમાં પાછા લાવવામાં, અનુપાલનમાં સુધારો કરવામાં અને મજબૂત બજાર પ્રવાહિતાને ટેકો આપવામાં મદદ કરશે.

Union Budget 2026: બજેટ 2026માં શું ક્રિપ્ટોકરન્સી પરના ટેક્સ ઘટાડવામાં આવશે?

નાણામંત્રી નિર્મલા સીતારમણ 2026નું બજેટ રજૂ કરવાની તૈયારી કરી રહ્યા છે. 1 ફેબ્રુઆરીના દિવસે યુનિયન બજેટ રજૂ થશે. આ વર્ષે પ્રથમ વખત એવું બનશે કે બજેટ રવિવારના દિવસે રજૂ કરાશે. બજેટને લઈને રોકાણકાર, ઉદ્યોગકાર અને કર્મચારીઓને મોટી અપેક્ષા છે. ટેકસ, હેલ્થ, શિક્ષણ, આવક જેવા મહત્વના ક્ષેત્ર ઉપરાંત ક્રિપ્ટોકરન્સી કરન્સીમાં બજેટમાં શું ફેરફાર થશે તેના પર નિષ્ણાતોની નજર છે. જો ક્રિપ્ટોકરન્સી પરના ટેક્સ ઘટાડવામાં આવશે તો આર્થિક મોરચે મદદ મળશે.

Union Budget 2026: કરદાતાઓ માટે મોટા સમાચાર

આ બજેટમાં 12 લાખને બદલે 15 લાખ સુધીની આવક પર 'ઝીરો ટેક્સ' ના સ્લેબની ચર્ચા જોરશોરથી ચાલી રહી છે. આ ઉપરાંત, સ્ટાન્ડર્ડ ડિડક્શન 75,000 થી વધારીને 1,00,000 કરવામાં આવે તો પગારદાર વર્ગના હાથમાં વધુ રોકડ બચશે.

Union Budget 2026: કેન્દ્રીય બજેટ 2026 રજૂ થતાં જ ભાજપ રાષ્ટ્રવ્યાપી ઝુંબેશ શરૂ કરી રહ્યું છે

પાર્ટી પ્રમુખ નીતિન નવીને રાષ્ટ્રીય મહાસચિવ તરુણ ચુઘના નેતૃત્વમાં એક કેન્દ્રીય સમિતિની રચના કરી છે. આ ઝુંબેશ 1 થી 15 ફેબ્રુઆરી સુધી ચાલશે. આ સમયગાળા દરમિયાન, દેશભરમાં 150 થી વધુ પ્રેસ કોન્ફરન્સ યોજાશે, જેમાં કેન્દ્રીય મંત્રીઓ, મુખ્યમંત્રીઓ અને રાજ્ય મંત્રીઓ ભાગ લેશે. 2 થી 10 ફેબ્રુઆરી દરમિયાન, બજેટના મુખ્ય હાઇલાઇટ્સ તબક્કાવાર રીતે લોકો સુધી પહોંચાડવામાં આવશે. મંત્રીઓ ટિયર-1, ટિયર-2 અને ટિયર-3 શહેરો તેમજ જિલ્લાઓ અને નગરો સુધી પહોંચશે. ભાજપ વિદ્યાર્થીઓ, યુવાનો, ખેડૂતો, મહિલાઓ, MSME, વેપારીઓ અને કારીગરો સાથે વાર્તાલાપ કરશે. સોશિયલ મીડિયા પર પ્રભાવશાળી લોકો સાથે વિડિઓ રીલ્સ, પોડકાસ્ટ અને અખબારોમાં સંપાદકીય લેખો પણ યોજનાનો ભાગ છે. પાર્ટીનો દાવો છે કે આ બજેટ માત્ર વાર્ષિક દસ્તાવેજ નથી, પરંતુ 2047 સુધીમાં વિકસિત ભારત માટેનો રોડમેપ છે.

Union Budget 2026:   તમારા ખિસ્સાને થશે ફાયદો : શું સસ્તું થઈ શકે?

બજેટમાં દેશી ઉત્પાદનને વેગ આપવા માટે કેટલીક પાયાની વસ્તુઓ પર ટેક્સ ઘટાડવાની શક્યતા છે:

01-મોબાઇલ અને ઇલેક્ટ્રોનિક્સ: સ્માર્ટફોનના સ્પેરપાર્ટ્સ (કેમેરા મોડ્યુલ, ડિસ્પ્લે) પર કસ્ટમ ડ્યુટી ઘટતા ભારતમાં બનેલા મોબાઇલ અને ટેબલેટ સસ્તા થઈ શકે છે.

02-સપનાનું ઘર: હોમ લોનના વ્યાજ પર મળતી કપાત (Section 24b) ની મર્યાદા 2 લાખથી વધારીને 5 લાખ કરવામાં આવે તેવી શક્યતા છે, જેનાથી ઘર ખરીદવું સસ્તું પડશે.

03-દવાઓ: કેન્સર જેવી ગંભીર બીમારીઓની દવાઓ અને મેડિકલ સાધનો પરની ડ્યુટીમાં ઘટાડો થઈ શકે છે.

04-ઇલેક્ટ્રિક વાહનો (EV): બેટરીમાં વપરાતા કાચા માલ પર ટેક્સ ઘટતા ઇ-સ્કૂટર અને ઇ-કાર કિંમતમાં રાહત આપી શકે છે.

Union Budget 2026:  GDP ગ્રોથ 7.4% રહેવાનો અંદાજ

અગાઉ, નાણામંત્રી નિર્મલા સીતારમણે સંસદમાં આર્થિક સર્વે 2025-26 રજૂ કર્યો હતો. સર્વેમાં જણાવાયું હતું કે વૈશ્વિક ભૂરાજકીય ઉથલપાથલ અને આર્થિક અસ્થિરતાનો સામનો કરવા છતાં પણ ભારત મજબૂત રીતે પ્રગતિ કરી રહ્યું છે. સર્વે અનુસાર, નાણાકીય વર્ષ 2025-26 માં ભારતનો વાસ્તવિક GDP ગ્રોથ 7.4% રહેવાનો અંદાજ છે. આ સતત ચોથું વર્ષ છે જ્યારે ભારત વિશ્વની સૌથી ઝડપથી વિકસતી મુખ્ય અર્થવ્યવસ્થા રહી છે. આર્થિક સર્વેમાં જણાવાયું છે કે વડા પ્રધાન નરેન્દ્ર મોદીના નેતૃત્વમાં, ભારતના મેક્રોઇકોનોમિક ફંડામેન્ટલ્સ પહેલા કરતા વધુ મજબૂત બન્યા છે. વૈશ્વિક દબાણ છતાં, ભારતે તેનો ઉચ્ચ-વૃદ્ધિ માર્ગ જાળવી રાખ્યો છે, જેમાં સંભવિત GDP વૃદ્ધિ 7% સુધી પહોંચી છે. સર્વેમાં ભારતને એવા સમયે વૈશ્વિક અર્થતંત્રમાં એક તેજસ્વી સ્થાન તરીકે પ્રકાશિત કરવામાં આવ્યું છે જ્યારે ઘણા દેશો મંદી અને અસ્થિરતાનો સામનો કરી રહ્યા છે.

Union Budget 2026: બજેટનું સંપૂર્ણ ગણિત સમજો

કેન્દ્રીય બજેટ ફક્ત સંસદમાં આપવામાં આવતું ભાષણ નથી. તેમાં મહિનાઓની તકનીકી પ્રક્રિયા, મૂલ્યાંકન અને સમીક્ષાનો સમાવેશ થાય છે. બજેટ ફાળવણી નક્કી કરતી વખતે નાણા મંત્રાલય ચાર મુખ્ય પરિમાણો પર કામ કરે છે.

મૂડી વિરુદ્ધ મહેસૂલ ખર્ચ - સરકાર મૂડી ખર્ચને પ્રાથમિકતા આપે છે કારણ કે તે લાંબા ગાળાની સંપત્તિ બનાવે છે.

નોમિનલ જીડીપી અંદાજ - મુખ્ય બજેટ આંકડા જીડીપીના ટકાવારી તરીકે નક્કી કરવામાં આવે છે.

રાજકોષીય ખાધ લક્ષ્ય - સરકાર કેટલું ઉધાર લઈ શકે તેની મર્યાદા.

ભૂતકાળનું પ્રદર્શન - ભૂતકાળમાં સારું પ્રદર્શન કરનારી યોજનાઓને વધુ ભંડોળ મળવાની શક્યતા છે.

કૃષિ ક્ષેત્રની બજેટમાં અપેક્ષાઓ

01-PM-કિસાન રકમમાં વધારો: વાર્ષિક રૂપિયા 6000ની રકમ વધારીને ખેડૂતોની આર્થિક શક્તિ વધારવા પર વિચાર થઈ શકે છે

02-નકલી બિયારણ સામે જંગ: નકલી બિયારણ વેચનારને 30 લાખ સુધીનો દંડ અને 3 વર્ષની જેલની જોગવાઈ ધરાવતું નવું બિયારણ બિલ આવી શકે છે

03-ટેકનોલોજી અને સિંચાઈ: ડ્રીપ અને સ્પ્રિંકલર ઇરિગેશન તેમજ સોલર પંપ માટે બજેટમાં મોટી જોગવાઈની શક્યતા છે

04-કૃષિ ધિરાણ (Agri Loan): ખેડૂતોને શાહુકારોના ચુંગાલમાંથી બચાવવા માટે સસ્તા લોનનું લક્ષ્ય રૂપિયા 32.50 લાખ કરોડથી પણ વધારવામાં આવી શકે છે

05-ફસલ વીમા યોજના: નુકસાનનું ઝડપી આંકલન અને વહેલા વળતર માટે નવી વ્યવસ્થા ઊભી કરવામાં આવી શકે છે

06-100 સ્પેશિયલ જિલ્લા: જમીનની ફળદ્રુપતા વધારવા 100 જિલ્લાઓમાં ખાસ યોજનાઓ લાગુ કરવામાં આવી શકે છે

07-નિકાસમાં ઉછાળો: ફૂડ પ્રોસેસિંગ અને સ્ટોરેજ સુવિધાઓ વધારીને ભારતીય પાકને વિશ્વના બજારમાં પહોંચાડવામાં આવી શકે છે.

ઇકોનોમિક સર્વેમાં કૃષિ ક્ષેત્રનું ચિત્ર

તાજેતરમાં રજૂ થયેલા ઇકોનોમિક સર્વે મુજબ, દેશનો GDP ગ્રોથ 7.4 ટકા રહેવાનો અંદાજ છે. છેલ્લા 5 વર્ષમાં કૃષિ ક્ષેત્રે 4.4 ટકાની સરેરાશ વૃદ્ધિ નોંધાવી છે. PM કિસાન યોજના દ્વારા અત્યાર સુધીમાં 11 કરોડ ખેડૂતોના ખાતામાં સીધા રૂપિયા 4.09 લાખ કરોડ જમા થયા છે, અને હવે ફેબ્રુઆરીમાં 22મા હપ્તાની આતુરતાથી રાહ જોવાઈ રહી છે.

Union Budget 2026: કેન્દ્રીય બજેટ 2026માં કૃષિ ક્ષેત્રની અપેક્ષાઓ

વર્તમાન સમયમાં ટેકનોલોજીના જમાનામાં પણ દેશની મોટાભાગની વસ્તી રોજગાર માટે કૃષિ પર આધાર રાખે છે. જે કારણે કેન્દ્રીય બજેટમાં કૃષિ ક્ષેત્રના વિકાસ માટે ખાસ જોગવાઈઓ કરવામાં આવે છે. ભારત જેવા કૃષિપ્રધાન દેશમાં ખેતી માત્ર વ્યવસાય નથી, પરંતુ દેશની અર્થવ્યવસ્થાની કરોડરજ્જુ છે. મોંઘા બિયારણ, ખાતર અને બદલાતા હવામાન વચ્ચે કિસાન હંમેશા સંઘર્ષ કરતો રહ્યો છે. 1 ફેબ્રુઆરી 2026ના રોજ રજૂ થનાર કેન્દ્રીય બજેટમાં ખેડૂતો માટે શું ખાસ હશે, તે અંગે અત્યારથી જ ગણગણાટ શરૂ થઈ ગયો છે. ઇકોનોમિક સર્વે 2025-26 એ સરકારની દિશા સ્પષ્ટ કરી દીધી છે.

75 વર્ષમાં પ્રથમવાર બજેટમાં પાર્ટ B હશે ખાસ

વિઝન 2047ના રોડમેપને લઇ વિઝન ડોક્યુમેન્ટ, નાણામંત્રી બજેટમાં પાર્ટ B પર ધ્યાન કેન્દ્રીત કરશેઃ સુત્ર, દિર્ઘકાલીન આર્થિક લક્ષ્ય, સ્ટ્રેટેજિક રોડમેપ પર ધ્યાન રહેશે, લોકલ પાવરને વૈશ્વિક સ્તરે લઇ જવા પર રહેશે ફોક્સઃ સુત્ર, ગ્લોબલ સપ્લાય ચેનમાં ભાગીદારી પર બજેટમાં ફોકસઃ સુત્ર. 

બજેટ પહેલા સામાન્ય માણસને ઝટકો

કોમર્શિયલ ગેસ સિલિન્ડર 50 રૂપિયા મોંઘો, 14.2 કિલોના રાંધણગેસની કિંમત યથાવત, હોટલ, રેસ્ટોરન્ટનો ખર્ચ વધી શકે છે, ખાણીપીણીની ચીજો પર અસર પડવાની શક્યતા, દિલ્હીમાં સિલિન્ડરનો નવો ભાવ રુ.1,740.50, મુંબઇમાં સિલિન્ડરનો નવો ભાવ રુ.1,692.00, ચેન્નઇમાં સિલિન્ડરનો નવો ભાવ રુ.1,899.60, કોલકાતામાં સિલિન્ડરનો નવો ભાવ રુ.1,844.50. 

વર્ષ 2026-27મનું સામાન્ય બજેટ રજુ થશે

TDS કપાતમાં વધુ છૂટછાટ અપાઇ શકે છે, સિનિયર સિટીઝનને TDS કપાતમાં રાહત મળી શકે, NPSનો નવા ટેક્સ માળખામાં સમાવેશ થઇ શકે છે, 80 ટકા ફંડ ઉપાડવા સુધી ટેક્સ હટાવાઇ શકે છે, પેટ્રોલ અને ડિઝલને GST હેઠળ લાવવા માટે માગ, હેલ્થ ઇન્શ્યોરન્સ માટે નવું ફ્રેમવર્ક તૈયાર કરવા માગ, સોના અને ચાંદી પર ઇમ્પોર્ટ ડ્યુટી ઓછી થઇ શકે, PM કિસાન નિધી યોજના હેઠળ સહાય વધારવા માગ. 

75 વર્ષમાં પ્રથમવાર બજેટમાં પાર્ટ B હશે ખાસ

વિઝન 2047ના રોડમેપને લઇ વિઝન ડોક્યુમેન્ટ, નાણામંત્રી બજેટમાં પાર્ટ B પર ધ્યાન કેન્દ્રીત કરશેઃ સુત્ર, દિર્ઘકાલીન આર્થિક લક્ષ્ય, સ્ટ્રેટેજિક રોડમેપ પર ધ્યાન રહેશે, લોકલ પાવરને વૈશ્વિક સ્તરે લઇ જવા પર રહેશે ફોક્સઃ સુત્ર, ગ્લોબલ સપ્લાય ચેનમાં ભાગીદારી પર બજેટમાં ફોકસઃ સુત્ર.

Union Budget 2026: Automobile ક્ષેત્રમાં કાર, ટાયર અને હેલ્મેટ ઉત્પાદકોની શું છે માંગણી?

ઓટોમોબાઇલ સેક્ટર આશા રાખી રહ્યુ છે કે, બજેટની જાહેરાતથી તેમના ઉદ્યોગને નવી ગતિ મળે અને માંગને વેગ અપાય. કાર અને અન્ય વાહન ઉત્પાદકો ઇચ્છે છે કે સરકાર માળખાગત સુવિધાઓમાં સતત રોકાણ વધારશે. સુધારેલા રસ્તાઓ અને લોજિસ્ટિક્સ સિસ્ટમ્સ ઉદ્યોગ માટે મહત્વપૂર્ણ છે. ઇલેક્ટ્રિક વાહન કંપનીઓ માટે સૌથી મોટી માંગ ગ્રાહકો માટે EV અપનાવવાને વેગ આપવા માટે વધુ પ્રોત્સાહનો અને સરળ નીતિઓની છે. વધુમાં, EV ભાગો પર આયાત કર ઘટાડવા અને ભારતમાં ઉત્પાદનને પ્રોત્સાહન આપવાની આશા છે.

EMIનો ભાર ઘટશે: સબસિડી મળવાથી માસિક હપ્તામાં ઘટાડો થશે.

રિયલ એસ્ટેટમાં તેજી: માંગ વધવાથી નવા પ્રોજેક્ટ્સ શરૂ થશે અને રોજગારીની નવી તકો ઉભી થશે. બજેટ 2026 માત્ર આંકડાઓની રમત નહીં, પરંતુ ઘરવિહોણા લોકો માટે આશાનું કિરણ સાબિત થઈ શકે છે. જો સરકાર રિયલ એસ્ટેટ સેક્ટરની આ માંગ સ્વીકારી લેશે, તો મેટ્રો શહેરોમાં પોતાનું ઘર ખરીદવું મધ્યમ વર્ગ માટે માત્ર સપનું નહીં પણ હકીકત બની જશે.

સામાન્ય માણસને શું ફાયદો થશે?

જો સરકાર આ મર્યાદા વધારીને 90 લાખ રૂપિયા સુધી લઈ જશે, તો મધ્યમ વર્ગના હજારો પરિવારો સરકારી યોજનાઓના દાયરામાં આવી જશે. ટેક્સમાં મોટી બચત: હોમ લોનના વ્યાજ પર મળતી વધારાની ટેક્સ છૂટનો લાભ વધુ લોકોને મળશે.

કેમ મર્યાદા વધારવી જરૂરી છે?

છેલ્લા પાંચ-સાત વર્ષોમાં જમીનના ભાવ, સિમેન્ટ-સ્ટીલ જેવા નિર્માણ સાહિત્યના ખર્ચ અને મજૂરીમાં ધરખમ વધારો થયો છે. આજે મુંબઈ, દિલ્હી કે અમદાવાદ જેવા મોટા શહેરોમાં 45 લાખમાં સારો ફ્લેટ મળવો અશક્ય જેવો છે. મોટા શહેરોમાં 2 BHK ફ્લેટની કિંમત સરેરાશ 70 લાખને પાર પહોંચી ગઈ છે. કિંમત 45 લાખથી વધી જતા ખરીદદારો કિફાયતી આવાસની શ્રેણીમાંથી બહાર નીકળી જાય છે, જેના કારણે તેમને સરકારી સબસિડી અને ટેક્સમાં મળતી છૂટનો લાભ મળતો નથી.

એફોર્ડેબલ હાઉસિંગની વ્યાખ્યામાં મોટા ફેરફારના સંકેત

લાંબા સમયથી રિયલ એસ્ટેટ નિષ્ણાતો અને સામાન્ય ખરીદદારો માંગ કરી રહ્યા છે કે 'એફોર્ડેબલ હાઉસિંગની કિંમત મર્યાદામાં સુધારો કરવામાં આવે. હાલના નિયમો મુજબ, 45 લાખ રૂપિયા સુધીની કિંમત ધરાવતા ઘરને જ આ શ્રેણીમાં ગણવામાં આવે છે. પરંતુ 2017માં નક્કી કરાયેલી આ મર્યાદા આજે મોંઘવારીના જમાનામાં જૂની અને અપૂરતી લાગે છે. બજેટ 2026માં આ મર્યાદા વધારીને 70 થી 90 લાખ રૂપિયા સુધી કરવામાં આવે તેવી પ્રબળ શક્યતા છે.

શું છે માગ?

01 -લોન્ગ ટર્મ કેપિટલ ગેઈનમાં મોટી ટેક્સ છુટ આપવાની જરૂર છે. હાલમાં દરેક નાણાકીય વર્ષમાં 1.25 લાખ રૂપિયા સુધીની કમાણી પર કોઈ LTCG ટેક્સ ચૂકવવો પડતો નથી, જ્યારે તેની ઉપરની રકમના LTCG પર 12.5 ટકા ટેક્સ ચૂકવવો પડે છે. આ મર્યાદાને વધારીને 5 લાખ રૂપિયા કરવાની જરૂર છે.

02 -આ જ પ્રકારે શોર્ટ ટર્મ કેપિટલ ગેઈન ટેક્સને પણ ઓછો કરવાની માગ કરવામાં આવી રહી છે. જેની હેઠળ છુટની મર્યાદા પણ વધારવાની માગ થઈ રહી છે. રોકાણકાર ઈચ્છે છે કે શોર્ટ ટર્મમાં વેચેલા શેર પર 1.5 લાખ રૂપિયા સુધીનો કોઈ ટેક્સ ના લાગે. સાથે જ STCGને 20 ટકાથી ઓછો કરીને 10 ટકા કરી દેવામાં આવે.

03 - ત્યારે STTને પણ ખતમ કરવાની માગ છે. સિક્યોરિટી ટ્રાન્ઝેક્શન ટેક્સ શેરની ખરીદી અને વેચાણ પર લગાવવામાં આવે છે. કોઈ પણ શેરની ખરીદી કે વેચાણ કરવા પર તે 0.1 ટકા ટેક્સ લાગે છે. ત્યારે ડેરેવેટિવ માર્કેટમાં 0.01 ટકા ટેક્સ લગાવવામાં આવે છે, જ્યારે ઈન્ટ્રાડેમાં ટ્રેડિંગ પર 0.025 ટકા ટેક્સ વસૂલવામાં આવે છે. નિષ્ણાતોનું કહેવું છે કે ટકાવારી જોવામાં ખુબ જ નાની લાગે છે પણ રકમ જોઈએ ત્યારે ધ્યાન જાય છે કે આ કેટલી મોટી રકમ થાય છે. ત્યારે તેમાં ઘટાડો કે આ ટેક્સને ખતમ કરવાની માગ કરવામાં આવી રહી છે.

સ્ટોક માર્કેટ રોકાણકારોને મોટી રાહત મળશે?

નિષ્ણાતો ઈચ્છી રહ્યા છે કે સરકાર એ જાહેરાત કરે, જેથી સ્ટોક માર્કેટ રોકાણકારોને મોટી રાહત મળી શકે. નિષ્ણાતો એ પણ કહી રહ્યા છે કે સરકાર તરફથી જો સારી જાહેરાતો થઈ તો માર્કેટમાં શાનદાર તેજી જોવા મળી શકે છે, કારણ કે શેરબજારમાં ટેક્સ સિસ્ટમ સરળ હશે અને ઘરેલુ રોકાણકારથી લઈને FIIનો વિશ્વાસ વધશે.

બજેટમાં થઈ આ 3 જાહેરાત તો શેરબજાર ભાગશે રોકેટ ગતિએ! 

નાણાપ્રધાન નિર્મલા સીતારમણ પોતાનાનું 9મું બજેટ રજૂ કરશે. આ વખતના બજેટથી મિડલ ક્લાસથી લઈને ખેડૂતો સુધી તમામ લોકો મોટી આશા રાખીને બેઠા છે. ત્યારે શેરમાર્કેટના રોકાણકારો પણ આ વખતે બજેટમાં કેટલીક મોટી જાહેરાતોની આશા રાખી રહ્યા છે.

લોકસભામાં સંસદના બજેટ સત્રની કામગીરીની યાદી

નિર્મલા સીતારમણ વર્ષ 2026-27 માટે ભારત સરકારની અંદાજિત આવક અને ખર્ચનું નિવેદન રજૂ કરશે. નિર્મલા સીતારમણ રાજકોષીય જવાબદારી અને બજેટ વ્યવસ્થાપન (FRBM) અધિનિયમ, 2003 ની કલમ 3(1) હેઠળ નીચેના નિવેદનો ટેબલ પર મૂકશે:- (i) મધ્યમ-ગાળાની રાજકોષીય નીતિ અને રાજકોષીય નીતિ વ્યૂહરચના નિવેદન; અને (ii) મેક્રો-આર્થિક માળખાકીય માળખા નિવેદન. નિર્મલા સીતારમણ નાણા બિલ, 2026 રજૂ કરવા માટે રજા માંગશે. તેમજ બિલ રજૂ કરશે.

બજેટની ગોપનીયતાનું પ્રતિક

હલવા સેરેમનીથી લઈને બજેટ રજૂ થાય ત્યાં સુધી, સંબંધિત અધિકારીઓ નોર્થ બ્લોકમાં જ રહે છે. તબીબી સારવાર અને આવશ્યક સુવિધાઓ માટે ખાસ વ્યવસ્થા કરવામાં આવે છે, પરંતુ બહારની દુનિયા સાથેનો સંપર્ક સંપૂર્ણપણે કપાઈ જાય છે. આ રીતે, હલવા સેરેમનીને બજેટની ગુપ્તતા અને ગંભીરતા બંનેનું પ્રતીક માનવામાં આવે છે.

કેમ ખાસ હોય છે હલવા સેરેમની?

હલવા સેરેમની ફક્ત મીઠાઈ વહેંચવાનો ઉત્સવ નથી. તે બજેટની ગોપનીય પ્રક્રિયાની શરૂઆત પણ દર્શાવે છે. આ સમારોહ પછી, બજેટમાં સામેલ અધિકારીઓ અને કર્મચારીઓ સંપૂર્ણપણે આઈસોલેટ થઈ જાય છે. તેઓ ના તો મોબાઇલ ફોનનો ઉપયોગ કરી શકે છે ના તો ઇન્ટરનેટનો ઉપયોગ કરી શકે છે. આ પગલું બજેટ સંબંધિત કોઈ માહિતી લીક ન થાય તેની ખાતરી કરવા માટે લેવાય છે.

આઝાદી બાદથી ચાલી આવે છે આ પરંપરા

બજેટ પહેલાં હલવા સેરેમનીની આ પરંપરા ભારતમાં સ્વતંત્રતા સમયથી પ્રચલિત છે. દરેક સરકારે દાયકાઓથી તેનું પાલન કર્યું છે. સંજોગો ગમે તે હોય, બજેટ પહેલાં મીઠાઈ વહેંચવાની આ વિધિ ક્યારેય તૂટી નથી. આ જ કારણ છે કે જ્યારે આ પરંપરાનું એક વર્ષ પાલન ન થયું, તો તેણે ઇતિહાસમાં એક ખાસ સ્થાન બનાવ્યું.

શું હોય છે હલવા સેરેમની?

હલવા સેરેમની એ બજેટ પ્રક્રિયાનો એક પ્રતીકાત્મક પણ મહત્વપૂર્ણ ભાગ છે. જ્યારે ડ્રાફ્ટ બજેટ તૈયાર થાય છે અને છાપવામાં આવે છે ત્યારે તે સમગ્ર પ્રોસેસે નાણા મંત્રાલયના નોર્થ બ્લોક બિલ્ડિંગમાં થાય છે. હલવો એક મોટી કઢાઈમાં તૈયાર કરવામાં આવે છે, અને નાણામંત્રી પોતે તે અધિકારીઓ અને કર્મચારીઓને પીરસે છે. આ એક શુભ શરૂઆત માનવામાં આવે છે.

બજેટ પહેલા કેમ યોજાય છે 'હલવા સેરેમની'? જાણો 52 વર્ષે કેમ તૂટી હતી આ પરંપરા

દેશનું સામાન્ય બજેટ 2026 રજૂ થવાનું છે. આ વખતે 1 ફેબ્રુઆરીએ રવિવાર હોવાથી રવિવારે બજેટ સંસદમાં રજૂ કરવામાં આવશે.પ્રધાનમંત્રી નરેન્દ્ર મોદીના નેતૃત્વ હેઠળની સરકાર માટે નાણામંત્રી નિર્મલા સીતારમણ આ મહત્વપૂર્ણ બજેટ રજૂ કરશે. બજેટની તૈયારીઓ અંતિમ તબક્કામાં છે, અને હંમેશની જેમ, તેની સાથે સંકળાયેલી પરંપરાઓ પર પણ ચર્ચા થઈ રહી છે. આમાંથી એક છે હલવા સેરેમની, જે સામાન્ય રીતે બજેટ પહેલાં થાય છે. જોકે, એક વર્ષ એવું પણ આવ્યું હતુ જ્યારે આ પરંપરા તૂટી હતી.

બજેટની લઈને મહત્વની વાત

બજેટ 1 ફેબ્રુઆરીએ બજેટ રજૂ કરવામાં આવે છે. કેન્દ્રીય બજેટ બનાવવાની પ્રવૃત્તિ સામાન્ય રીતે તેની રજૂઆતના છ માસ પહેલાં અર્થાત ઓગસ્ટ-સપ્ટેમ્બરમાં શરૂ થાય છે. ભારતના બંધારણની કલમ ૧૧૨ મુજબ, રાષ્ટ્રપતિ દર વર્ષે સંસદના બંને ગૃહો સમક્ષ બજેટ (વાર્ષિક નાણાકીય નિવેદન) ) રજૂ કરાવામાં આવે છે. સામાન્ય રીતે તત્કાલીન નાણામંત્રી દ્વારા બજેટ રજૂ કરવામાં આવતું હોય છે. પરંતુ કયારેક અસાધારણ સ્થિતિ સર્જાતા નાણામંત્રી સિવાય પણ અન્ય વ્યક્તિ બજેટ રજૂ કરી શકે છે. બજેટ રજૂ થતા પહેલા નાણા મંત્રાલય દ્વારા તમામ મંત્રાલયો, રાજ્યો, કેન્દ્રશાસિત પ્રદેશો અને સ્વાયત્ત સંસ્થાઓને એક પરિપત્ર જારી કરીને આગામી વર્ષ માટે અંદાજનો રિપોર્ટ ધ્યાનમાં લેવામાં આવે છે. આ રિપોર્ટ પરથી મહત્વની કમિટિ દ્વારા બજેટ તૈયાર કરવામાં આવે છે.

જાણો નાણામંત્રી સિવાય સામાન્ય બજેટ કોણ રજૂ કરી શકે, કયાં સંજોમાં લેવાય છે આ નિર્ણય

ભારતીય બંધારણ મુજબ સામાન્ય બજેટ રજૂ કરવાની મુખ્ય જવાબદારી નાણામંત્રી (Finance Minister) ની હોય છે. પરંતુ, જો નાણામંત્રી ઉપલબ્ધ ન હોય અથવા તે પદ ખાલી હોય તો જવાબદાર વ્યક્તિ પણ બજેટ રજૂ કરી શકે છે. ભારતના ઇતિહાસમાં અગાઉ અનેકવાર એવું બન્યું છે કે જ્યારે વડાપ્રધાને પોતે બજેટ રજૂ કર્યું હોય. 1958માં જવાહરલાલ નેહરુ, 1970માં અને 1987માં વી.પી. સિંહના રાજીનામા બાદ રાજીવ ગાંધીએ બજેટ રજૂ કર્યું હતું. પરંતુ વડાપ્રધાન ઈચ્છે તો કેબિનેટના અન્ય કોઈ વરિષ્ઠ મંત્રીને બજેટ રજૂ કરવાની જવાબદારી સોંપી શકે છે. 2019માં જ્યારે તત્કાલીન નાણામંત્રી અરુણ જેટલી બીમાર હતા, ત્યારે પીયૂષ ગોયલ (જેઓ ત્યારે રેલવે મંત્રી હતા) તેમણે વચગાળાનું બજેટ રજૂ કર્યું હતું.

સોનું-ચાંદી સસ્તા થશે?  

બુલિયન માર્કેટમાં સોનાના ભાવ 1.5 Lakh અને ચાંદી 3 Lakh રૂપિયા (અંદાજિત આંકડા) જેવી ઉચ્ચ સપાટીએ પહોંચતા સામાન્ય માણસ માટે ઘરેણાં ખરીદવા મુશ્કેલ બન્યા છે. જ્વેલરી ઉદ્યોગમાં મંદીનો માહોલ છે. આથી, સરકાર પાસે સોના-ચાંદી પરની 'આયાત ડ્યુટી' (Import Duty) અને જીએસટી (GST) દરો ઘટાડવાની માંગ પ્રબળ બની છે. જો આ જાહેરાત થશે તો ભાવમાં મોટો ઘટાડો જોવા મળી શકે છે.

સવારે 11 વાગે રજૂ થશે બજેટ

નાણામંત્રી નિર્મલા સીતારમણ આજે સવારે 11 વાગે સામાન્ય બજેટ રજૂ કરશે. બજેટ –2026-27 એ ફક્ત નાણાકીય અંદાજ નહીં પરંતુ એક વિક્સિત ભારત 2047નો વિઝન ડોક્યૂમેન્ટ પણ બનશે. આ વખતે નાણામંત્રીનું ફોકસ પાર્ટ B પર છે જે દેશના લાંબા ગાળાના આર્થિક લક્ષ્યાંકો અને સ્ટ્રેટેજિક રોડમેપને દર્શાવશે. સૂત્રો મુજબ આ વખતે પાર્ટ બીનું ફોકસ વિક્સિત ભારતના વિઝન 2027 પર હશે જેમાં લોકલ પાવરને વૈશ્વિક સ્તર પર લાવવો, ગ્લોબલ સપ્લાય ચેનમાં ભાગીદારી, કૌશલ રોજગાર અને લાંબાગાળાની આર્થિક રણનીતિઓ સામેલ હશે.

ખાસ લાઇવ ટ્રેડિંગ સત્રનું આયોજન થશે

સંસદમાં કેન્દ્ર સરકાર બજેટ રજૂ કરશે. આમ જોવા જઈએ તો શેર બજારમાં શનિવાર અને રવિવારે રજા હોય છે, પણ આજે રવિવાર રોકાણકારો માટે સામાન્ય રજાથી અલગ છે. નાણાકીય વર્ષ 2026-27 માટે બજેટ ભાષણ થશે. તેમાં ઘણી મોટી જાહેરાતોની સંભવાના છે. ત્યારે નેશનલ સ્ટોક એક્સચેજ અને બોમ્બે સ્ટોક એક્સ્ચેન્જે એલાન કર્યું છે કે આ દરમિયાન શેર બજાર ખુલ્લુ રહેશે. સામાન્ય દિવસની જેમ જ કારોબાર થશે.

નાણામંત્રી નિર્મલા સીતારમણ કરશે સામાન્ય બજેટ

 1 ફેબ્રુઆરી 2026ની સવારે 11 વાગ્યે જ્યારે નાણામંત્રી બજેટ ભાષણ શરૂ કરશે ત્યારે તે માત્ર બજેટ નહીં પણ કરોડો ભારતીયોની 'આશાનું ઇન્વેન્ટરી' હશે. ખેડૂત ક્રેડિટ કાર્ડની મર્યાદા હોય કે સસ્તી દવાઓના મલમ, સરકારનો ઇરાદો મધ્યમ વર્ગના ખિસ્સાને 'ગરમ' રાખવા સાથે દેશની તિજોરીને 'નરમ' ન પડવા દેવાનો છે. ખાસ કરીને આ બજેટમાં સરકારનું ધ્યાન દેશની અર્થવ્યવસ્થાને વધુ મજબૂત બનાવવા પર હશે.