શું ઘરેલુ એરલાઇન્સ એર ઇન્ડિયા ઉંડા નાણાકીય સંકટમાં છે? આવો પ્રશ્ન એ કારણે થઇ રહ્યો છે કારણ કે એક રિપોર્ટ પ્રમાણે એરલાઇન્સે પોતાના માલિક ટાટા સન્સ અને સિંગાપુર એરલાઇન્સ પાસે ઓછામાં ઓછા 10 કરોડ રૂપિયાની નાણાકીય સહાયતા માગી છે. ચર્ચા છે કે આ વર્ષે જૂનમાં થયેલા ભયાનક વિમાન દુર્ઘટના બાદ એરલાઇન્સને નાણાકીય સહાયતાની જરૂરત પડી. જૂનમાં થયેલા ભીષણ એર ઇન્ડિયા વિમાન દુર્ઘટનામાં 240થી વધારે યાત્રીઓના મોત નીપજ્યા હતા. આ ઘટના બાદ એરલાઇન્સ એટલા મોટાં સંકટમાં આવી ગઇ છે કે તેની ફરીથી પ્રતિષ્ઠા પુનઃનિર્માણ માટે સખત મહેનત કરવી પડી છે.
સુધારા અને પુનર્ગઠન માટે ભંડોળની વિનંતી
મળતી માહિતી પ્રમાણે ટાટા સમૂહની આ એરલાઇન્સ એર ઇન્ડિયાની પ્રણાલીઓ અને સેવાઓને પુનર્ગઠન, સાથે જ ઇન-હાઉસ એન્જીનિયરિંગ અને મેન્ટેનન્સ વિભાગોના વિકાસ માટે ફંડિગ ઇચ્છે છે.એક રિપોર્ટમાં કહેવામાં આવ્યુ છે કે કોઈપણ નાણાકીય સહાય બંને માલિકોના હિસ્સાના પ્રમાણમાં વહેંચવામાં આવશે.આ સહાય વ્યાજમુક્ત લોનના રૂપમાં આપવામાં આવશે કે ઇક્વિટી રોકાણના રૂપમાં, તે હજુ નક્કી થયું નથી.
