જિયો આઇપીઓને લઇને રોકાણકારો આજે લિસ્ટિંગની રાહ જોઇ રહ્યા હતા જે આજે પૂર્ણ થઇ છે. જિયો પ્લેટફોર્મ્સે શેરબજારમાં પ્રવેશ કરી લીધો છે. ₹30,200 કરોડના મૂલ્ય ધરાવતા કંપનીના મેગા IPO એ લિસ્ટિંગ થતાની સાથે જ રોકાણકારોને નોંધપાત્ર વળતર અપાવ્યું.
રોકાણકારોને મળ્યુ નોંધપાત્ર વળતર
જે નસીબદાર રોકાણકારોને IPO માં શેર ફાળવવામાં આવ્યા હતા, તેમણે પહેલા જ દિવસે મોટો નફો મેળવ્યો. આ લિસ્ટિંગ એટલું જ મજબૂત હતું જેટલું અનૌપચારિક (ગ્રે) માર્કેટ દ્વારા અનુમાન લગાવવામાં આવ્યું હતું. શેરબજારમાં જોવા મળેલી અસ્થિરતા છતાં, જિયો પ્લેટફોર્મ્સના શેર 21 ટકાથી વધુના પ્રીમિયમ સાથે લિસ્ટ થયા હતા.
₹1358 પર લિસ્ટિંગ થયું પ્રતિ લોટ કેટલો નફો થયો?
કંપનીએ તેના IPO માટે અપર પ્રાઇસ બેન્ડ (મહત્તમ કિંમત) ₹1119 નક્કી કરી હતી. બુધવારે જ્યારે બજાર ખુલ્યું, ત્યારે જિયો પ્લેટફોર્મ્સના શેર ₹1358 પર લિસ્ટ થયા. જે 21.35 % નો જબરદસ્ત પ્રીમિયમ દર્શાવે છે. આનો અર્થ એ થયો કે રોકાણકારોને પ્રતિ શેર ₹239 નો સીધો નફો થયો.
આ IPO માટે લોટ સાઈઝ 12 ઇક્વિટી શેરની હતી. પરિણામે, જે રોકાણકારોને એક લોટ પણ ફાળવવામાં આવ્યો હતો, તેમને લિસ્ટિંગ સમયે જ ₹2868 નો નફો થયો. બજારમાં પ્રવેશ પહેલાં, ગ્રે માર્કેટ પ્રીમિયમ (GMP) આશરે ₹247 ની આસપાસ હતું, જે ₹1366ની આસપાસ લિસ્ટિંગ કિંમતનું સૂચન કરતું હતું જે વાસ્તવિક લિસ્ટિંગ કિંમતની ખૂબ નજીકનો આંકડો છે.
એરટેલને પાછળ છોડીને બીજા ક્રમે પહોંચી
આ મજબૂત શરૂઆતે ભારતીય શેરબજારના સમીકરણો બદલી નાખ્યા છે. જિયો પ્લેટફોર્મ્સ હવે ભારતની બીજી સૌથી મૂલ્યવાન કંપની બની ગઈ છે, જે માત્ર તેની મૂળ કંપની, રિલાયન્સ ઇન્ડસ્ટ્રીઝ લિમિટેડથી જ પાછળ છે. જિયો પ્લેટફોર્મ્સનું માર્કેટ કેપિટલાઇઝેશન (બજાર મૂલ્ય) ₹12.61 લાખ કરોડને વટાવી ગયું છે. મંગળવારે, ભારતી એરટેલના શેર NSE પર ₹1,9,78.80 પર બંધ થયા હતા, અને કંપનીનું માર્કેટ કેપિટલાઇઝેશન આશરે ₹12.35 લાખ કરોડ હતું. જિયોની આ તેજી બાદ, ભારતી એરટેલ લિમિટેડ હવે ત્રીજા સ્થાને સરકી ગઈ છે.
સબસ્ક્રિપ્શનમાં ઐતિહાસિક રેકોર્ડ
જિયો પ્લેટફોર્મ્સ (Jio Platforms) નો IPO સબસ્ક્રિપ્શન માટે 21 ઓક્ટોબરથી 23 ઓક્ટોબર દરમિયાન ખુલ્લો હતો. ત્રણ દિવસની આ બિડિંગ પ્રક્રિયા દરમિયાન, કંપનીએ ₹1065 થી ₹1119 ની પ્રાઇસ રેન્જમાં શેર ઓફર કર્યા હતા. આ ઇશ્યૂ સંપૂર્ણપણે 27 કરોડ નવા ઇક્વિટી શેરનો બનેલો હતો, જેમાં 'ઓફર-ફોર-સેલ' (OFS) નો કોઈ હિસ્સો સામેલ નહોતો.
https://x.com/ANI/status/2115300770467950782?ref_src=twsrc%5Etfw%7Ctwcamp%5Etweetembed%7Ctwterm%5E2115300770467950782%7Ctwgr%5E%7Ctwcon%5Es1_c10&ref_url=
સબસ્ક્રિપ્શન સમયગાળા દરમિયાન, આ IPO એ ભારતીય બજારના તમામ અગાઉના રેકોર્ડ તોડી નાખ્યા. તેને કુલ 22.19 ગણું સબસ્ક્રિપ્શન મળ્યું હતું. આ ઇશ્યૂ માટે લગભગ 1.4 કરોડ અરજીઓ મળી હતી, જેમાં ₹4.9 લાખ કરોડથી વધુની બોલી (bids) લગાવવામાં આવી હતી. અરજીઓની સંખ્યાથી લઈને બોલીના કુલ મૂલ્ય સુધી, આ ઘટનાએ ભારતીય IPO ના ઇતિહાસમાં એક નવો રેકોર્ડ સ્થાપિત કર્યો છે. આ જબરદસ્ત માંગમાં સંસ્થાકીય રોકાણકારો (institutional bidders) એ સૌથી મહત્વપૂર્ણ ભૂમિકા ભજવી હતી. તેમનો હિસ્સો 70.55 ગણાથી વધુ સબસ્ક્રાઇબ થયો હતો.
તો શું અત્યારે નફો બુક કરી લેવો જોઇએ?
₹1358 ના શાનદાર લિસ્ટિંગ બાદ, રોકાણકારોના મનમાં મુખ્ય પ્રશ્ન એ છે કે શું તેમણે નફો બુક કરી લેવો જોઈએ કે પછી શેર હોલ્ડ કરવાનું ચાલુ રાખવું જોઈએ. જો કે એક માર્કેટ એક્સપર્ટના જણાવ્યા મુજબ એક સ્પષ્ટ વ્યૂહરચના સૂચવી છે કે રોકાણકારોને લિસ્ટિંગના દિવસે જ નફો બુક કરવાની સલાહ આપે છે.
નિષ્ણાંતનું માનવુ છે કે વર્તમાન લિસ્ટિંગ કિંમતે, શેરનું મૂલ્યાંકન પહેલેથી જ યોગ્ય સ્તરે (fairly valued) છે. પરિણામે નજીકના ભવિષ્યમાં શેરમાં વધુ કોઈ નોંધપાત્ર ઉછાળો આવવાની શક્યતા ઓછી છે. તેથી, રોકાણકારો માટે અત્યારે નફો બુક કરી લેવો સમજદારીભર્યું રહેશે. ત્યારબાદ, જ્યારે બજારના ઉતાર-ચઢાવ વચ્ચે આ શેર ₹1200 કે ₹1250 જેવી નીચી કિંમતે ઉપલબ્ધ થાય, ત્યારે તેને ફરીથી ખરીદી શકાય છે.
આ પણ વાંચો: Sanwaliya Seth: 23 કરોડ રોકડ, 92 કિલો સોનું ચાંદી અને..સાંવરિયા શેઠ મંદિરનો ખૂલ્યો ભંડાર
