ભારતની અગ્રણી જ્વેલરી રિટેલ ચેઇન કલામંદિર જ્વેલર્સે જાણીતા ગુજરાતી રંગમંચ અને ફિલ્મ જગતના દિગ્ગજ કલાકાર સિદ્ધાર્થ રાંદેરિયાને પોતાના નવા બ્રાન્ડ એમ્બેસેડર તરીકે નિયુક્ત કર્યા છે. આ ભાગીદારી બે એવી વિરાસતોને એક મંચ પર લાવી રહી છે, જેનો પાયો પરંપરા, વિશ્વાસ અને ગ્રાહકો સાથેના મજબૂત સંબંધો પર આધારિત છે.
એક તરફ જ્વેલરી ઉદ્યોગમાં કલામંદિર જ્વેલર્સની ચાર દાયકાની સફળ સફર છે, તો બીજી તરફ ગુજરાતી રંગમંચ અને મનોરંજન જગતમાં સિદ્ધાર્થ રાંદેરિયાનું પાંચ દાયકાથી પણ વધુ સમયનું વિશિષ્ટ યોગદાન રહ્યું છે. આ ભાગીદારીના માધ્યમથી કલામંદિર જ્વેલર્સનો ઉદ્દેશ વિવિધ પેઢીના ગ્રાહકો સાથેના પોતાના જોડાણને વધુ મજબૂત બનાવવાનો તથા ઉત્કૃષ્ટ કારીગરી અને વિશ્વાસના મૂલ્યોને આગળ ધપાવવાનો છે.
"સિદ્ધાર્થ રાંદેરિયા સાથે મજબૂત વૅલ્યૂ કનેક્ટ"
કલામંદિર જ્વેલર્સના ડિરેક્ટર મિલન શાહે જણાવ્યું હતું કે:
“સિદ્ધાર્થ રાંદેરિયાનું કલામંદિર પરિવારમાં સ્વાગત કરતાં અમને ખૂબ આનંદ થાય છે. તેમની અસાધારણ સફર, વિવિધ પેઢીના દર્શકો સાથે જોડાવાની ક્ષમતા અને તેમનું ઊંડું સાંસ્કૃતિક જોડાણ આ ભાગીદારીને ખાસ બનાવે છે.
કલામંદિરે વિશ્વાસ, ગુણવત્તા અને પારદર્શિતા પર આધારિત સંબંધોનું નિર્માણ કરતાં પોતાની 40 વર્ષની સફર પૂર્ણ કરી છે. અમને આ મૂલ્યો અને સિદ્ધાર્થ રાંદેરિયાની કારકિર્દી વચ્ચે મજબૂત સમાનતા જોવા મળે છે. અમે સાથે મળીને એવી અર્થપૂર્ણ વાર્તાઓ અને અનુભવો રજૂ કરવા માટે ઉત્સાહિત છીએ, જે લોકો અને પરંપરા સાથેના અમારા સહિયારા જોડાણને પ્રતિબિંબિત કરે.”
"જ્વેલરી માત્ર આભૂષણ નથી, તે લાગણીઓ સાથે જોડાયેલી હોય છે"
આ ભાગીદારી અંગે સિદ્ધાર્થ રાંદેરિયાએ જણાવ્યું હતું કે:
“ચાર દાયકાથી મજબૂત વિરાસત ઊભી કરનાર કલામંદિર જ્વેલર્સ સાથે જોડાઈને મને ખૂબ આનંદ થઈ રહ્યો છે. જ્વેલરી એ માત્ર આભૂષણ નથી; તે આપણી ખુશીઓ, સંબંધો, પરંપરાઓ અને જીવનની સૌથી યાદગાર ક્ષણો સાથે જોડાયેલી હોય છે. મને આ મૂલ્યો અને કલામંદિરની સફર વચ્ચે સ્વાભાવિક જોડાણ દેખાય છે. આ ભાગીદારીનો હિસ્સો બનવા અને ખાસ ક્ષણોને યાદગાર બનાવતી લાગણીઓની ઉજવણી કરવા હું ઉત્સાહિત છું.”
12 હજારથી વધુ લાઇવ પરફોર્મન્સ અને 'ગુજ્જુભાઈ'ની સફળતા
ગુજરાતી રંગમંચના પ્રતિષ્ઠિત નામ સિદ્ધાર્થ રાંદેરિયા એક અભિનેતા, લેખક, દિગ્દર્શક, નાટ્યકાર અને નિર્માતા તરીકે પોતાની આગવી ઓળખ બનાવી ચૂક્યા છે. વર્ષ 1970થી રંગમંચ સાથે જોડાયેલા રાંદેરિયા સાહેબ 70થી વધુ થિયેટર પ્રોડક્શન્સ અને 12,000થી વધુ લાઇવ પરફોર્મન્સ કરી ચૂક્યા છે. ભારત ઉપરાંત વિદેશમાં વસતા ગુજરાતી દર્શકો સાથે પણ તેમણે મજબૂત સાંસ્કૃતિક નાતો બાંધ્યો છે. તેમના થિયેટર કરિયરની સૌથી લોકપ્રિય સિદ્ધિઓમાં ‘ગુજ્જુભાઈ’ ફ્રેન્ચાઇઝી મોખરે છે.
અભિનેતા તરીકે તેમણે ગુજરાતી સિનેમામાં પણ મહત્વપૂર્ણ યોગદાન આપ્યું છે. તેઓ ‘Gujjubhai the Great’, ‘GujjuBhai – Most Wanted’ અને ‘Chaal Jeevi Laiye!’ જેવી બ્લોકબસ્ટર ફિલ્મો દ્વારા પ્રેક્ષકોના દિલ જીતી ચૂક્યા છે.
1986માં કોસંબાથી શરૂ થઈ હતી કલામંદિરની સફર
કલામંદિર જ્વેલર્સ માટે આ ભાગીદારી એવા સમયે થઈ છે, જ્યારે બ્રાન્ડ પોતાની 40 વર્ષની ઉજવણી કરી રહી છે. વર્ષ 1986માં સુરત નજીક કોસંબા ખાતેથી એક નાના જ્વેલરી સ્ટોરથી શરૂ થયેલી કલામંદિર જ્વેલર્સની સફર આજે એક અગ્રણી રિટેલ જ્વેલરી ગ્રુપ તરીકે સ્થાપિત થઈ ચૂકી છે. આ ચાર દાયકા દરમિયાન ગ્રાહકોનો વિશ્વાસ, ગુણવત્તા, પારદર્શિતા અને પરંપરા સાથે આધુનિકતાનું સંતુલન બ્રાન્ડની મુખ્ય ઓળખ રહ્યા છે.
બે વિરાસતોનું મિલન
આ ભાગીદારી સહિયારા મૂલ્યો અને પેઢી દર પેઢી મજબૂત બનતા સંબંધોની કહાની છે. સિદ્ધાર્થ રાંદેરિયાને નવા બ્રાન્ડ એમ્બેસેડર તરીકે જોડીને કલામંદિર જ્વેલર્સ પોતાની આગામી સફર તરફ આગળ વધી રહ્યું છે—એક એવા સહિયારા વિઝન સાથે, જેમાં દાગીનાના સમયાતીત મહત્વની સાથે તે લાગણીઓ, સંબંધો અને યાદગાર પળોની ઉજવણી કરવામાં આવશે.
