Union Minister of Electronics and IT અશ્વિની વૈષ્ણવે શુક્રવારે મોબાઇલ ફોન મેન્યુફેક્ચરિંગ સ્કીમ-2ને સત્તાવાર રીતે લોન્ચ કરી. સરકારનો ઉદ્દેશ આ યોજના દ્વારા દેશમાં મોબાઇલ ફોનનું ઉત્પાદન વધારવાનો અને તેને બમણું કરવાનો છે.
મોબાઇલ ફોન મેન્યુફેક્ચરિંગ સ્કીમ-2 લોન્ચ
આ સ્કીમ લોન્ચ કરતી વખતે અશ્વિની વૈષ્ણવે કહ્યું કે સરકાર ભારતીય કંપનીઓને મોબાઇલ મેન્યુફેક્ચરિંગના અલગ-અલગ સ્તરે જરૂરી સહયોગ આપશે. તેનો હેતુ દેશમાં મોબાઇલ ફોનની સાથે તેના પાર્ટ્સ અને કમ્પોનન્ટ્સનું મજબૂત ઇકોસિસ્ટમ તૈયાર કરવાનો છે. મોબાઇલ ફોનની કિંમતોમાં વધારા અંગે પણ અશ્વિની વૈષ્ણવે કહ્યું કે, હાલમાં મેમરી ચિપના ભાવ વધી રહ્યા છે, જેના કારણે મોબાઇલ ફોનની કિંમતો પર પણ અસર પડી રહી છે. સરકાર દેશમાં મેમરી ચિપનું ઉત્પાદન વધારવા પર ધ્યાન આપી રહી છે. આ માટે દેશમાં મેન્યુફેક્ચરિંગ યુનિટ્સ સ્થાપિત કરવા પર પણ કામ કરવામાં આવશે. તેનાથી આવનારા સમયમાં ભારતની આયાત પરની નિર્ભરતા ઘટાડવામાં મદદ મળી શકે છે.