આંતરરાષ્ટ્રીય બજારમાં ક્રૂડ ઓઇલના ભાવમાં સતત વધારો થઈ રહ્યો છે. પશ્ચિમ એશિયાના સંઘર્ષમાં હુતી બળવાખોરોના સીધા પ્રવેશથી પરિસ્થિતિ વધુ જટિલ બની છે. આંતરરાષ્ટ્રીય બજારમાં ક્રૂડ ઓઇલનો પુરવઠો કડક થવાથી પેટ્રોલ અને ડીઝલના ભાવ વધવાનું જોખમ વધ્યું છે.
ક્રૂડ ઓઇલના ભાવમાં ભડકો
અમેરિકા અને ઈરાન વચ્ચે સંઘર્ષ શરૂ થયા પછી ક્રૂડ ઓઈલના ભાવમાં વધારો થયો છે. હવે, હુતી બળવાખોરો સીધા જ મેદાનમાં ઉતરી ગયા છે અને સાઉદી અરેબિયા પર હુમલો કરી રહ્યા છે, જેના કારણે પરિસ્થિતિ વધુ ગંભીર બની ગઈ છે. ક્રૂડ સપ્લાય વધુ કડક બન્યો છે. પરિણામે, આજે બ્રેન્ટ ક્રૂડના ભાવ પ્રતિ બેરલ $107.90 પર પહોંચી ગયા છે. દરમિયાન, યુએસ વેસ્ટ ટેક્સાસમાં ક્રૂડના ભાવ પણ પ્રતિ બેરલ $105 પર પહોંચી ગયા છે. ક્રૂડ ઓઈલ 100 ડોલરને પાર કરી ગયું હોવા છતાં, રાહતની વાત એ છે કે ભારતમાં પેટ્રોલ અને ડીઝલના ભાવ સ્થિર છે.