સામાન્ય જનતા માટે મંગળવારનો દિવસ રાહતભર્યો રહ્યો છે. વૈશ્વિક બજારમાં કિંમતો પર નજર કરીએ તો ક્રૂડ ઓઇલના ભાવમાં નરમાઈ જોવા મળી રહી છે. હાલમાં બ્રેન્ટ ક્રૂડ ઘટીને પ્રતિ બેરલ $94 ની નજીક પહોંચ્યું છે, જ્યારે વેસ્ટ ટેક્સાસ ઇન્ટરમીડિયેટ (WTI) પણ $91 ની આસપાસ ટ્રેડ થઈ રહ્યું છે.
9 જૂને પેટ્રોલ ડીઝલના ભાવ કેટલા ?
આ આંતરરાષ્ટ્રીય ફેરફારો વચ્ચે, દેશની અગ્રણી સરકારી ઓઇલ કંપનીઓ (HPCL, BPCL અને IOCL) એ પેટ્રોલ અને ડીઝલના આજના નવા ભાવ જાહેર કરી દીધા છે. રાહતની વાત એ છે કે આજે પણ રાષ્ટ્રીય સ્તરે ઇંધણની કિંમતોમાં કોઈ ફેરફાર કરવામાં આવ્યો નથી.
દેશમાં સૌથી સસ્તું અને મોંઘું ઇંધણ ક્યાં છે?
વિવિધ રાજ્યોમાં લાગતા સ્થાનિક ટેક્સ (VAT) ને કારણે દેશભરમાં પેટ્રોલ-ડીઝલના ભાવમાં મોટો તફાવત જોવા મળે છે:
સૌથી સસ્તું ઇંધણ: આંદામાન અને નિકોબારની રાજધાની પોર્ટ બ્લેરમાં દેશનું સૌથી સસ્તું પેટ્રોલ-ડીઝલ મળી રહ્યું છે. અહીં પેટ્રોલનો ભાવ ₹88.66 પ્રતિ લિટર અને ડીઝલનો ભાવ ₹84.56 પ્રતિ લિટર છે.
સૌથી મોંઘું ઇંધણ: બીજી તરફ, આંધ્રપ્રદેશનું ચિત્તૂર સૌથી મોંઘું સાબિત થઈ રહ્યું છે. અહીં જનતાએ પેટ્રોલ માટે પ્રતિ લિટર ₹118.34 અને ડીઝલ માટે ₹106.06 ચૂકવવા પડી રહ્યા છે.
| શહેર | પેટ્રોલ (પ્રતિ લિટર) | ડીઝલ (પ્રતિ લિટર) |
| દિલ્હી | ₹102.12 | ₹95.20 |
| મુંબઈ | ₹111.21 | ₹97.83 |
| કોલકાતા | ₹113.51 | ₹99.82 |
| ચેન્નાઈ | ₹107.77 | ₹99.55 |
| અમદાવાદ | ₹101.83 | ₹97.92 |
ઘરે બેઠા ફક્ત એક SMS દ્વારા મેળવો આજના તાજા ભાવ
તમે કોઈ પણ ઝંઝટ વગર તમારા મોબાઈલ પરથી જ તમારા શહેરના ચોક્કસ ભાવો જાણી શકો છો. આ માટે વિવિધ કંપનીઓના ગ્રાહકોએ નીચે આપેલા નંબરો પર મેસેજ કરવાનો રહેશે:
- ઇન્ડિયન ઓઇલ (IOCL): તમારા મોબાઈલથી RSP <શહેરનો કોડ> ટાઈપ કરી 9224992249 પર મોકલો.
- ભારત પેટ્રોલિયમ (BPCL): ગ્રાહકોએ 9223112222 નંબર પર મેસેજ કરવાનો રહેશે.
- હિન્દુસ્તાન પેટ્રોલિયમ (HPCL): તમારા ફોનમાંથી HPPRICE <શહેરનો કોડ> લખી 9222201122 પર એસએમએસ કરો.
નોંધ: SMS મોકલતી વખતે તમારા શહેરનો વિશિષ્ટ કોડ (City Code) જરૂર લખો, જે તમને સંબંધિત ઓઇલ કંપનીની ઓફિશિયલ વેબસાઇટ પરથી મળી જશે.
આ પણ વાંચો- આ એક જિલ્લો, ગણાય છે Litchi Capital of India, જાણો કયો ?
