દેશભરમાં આજે એટલે કે શનિવારે પેટ્રોલ અને ડીઝલના નવા ભાવ જાહેર કરવામાં આવ્યા છે. રાષ્ટ્રીય સ્તરે ઈંધણના ભાવમાં કોઈ ફેરફાર થયો નથી. ભારતમાં ઈંધણની કિંમતો ક્રૂડ ઓઈલની આંતરરાષ્ટ્રીય કિંમતો અનુસાર નક્કી કરવામાં આવે છે. જ્યારે આંતરરાષ્ટ્રીય બજારમાં કાચા તેલના ભાવમાં વધઘટ ચાલુ છે. ત્યારે આવો જાણીએ ગુજરાતના મહાનગરો તથા દેશના મુખ્ય રાજ્યોમાં પેટ્રોલ ડીઝલની આજની શું છે કિંમત .
ક્રૂડ ઓઇલના ભાવ ઘટ્યા
બુધવારે અમેરિકામાં ક્રૂડ અને ઇંધણના સ્ટોકમાં વધારાને કારણે ક્રૂડ ઓઇલના ભાવમાં ઘટાડો થયો હતો. બ્રેન્ટ ક્રૂડ ફ્યુચર્સ 28 સેન્ટ અથવા 0.43 ટકા ઘટીને $64.61 પ્રતિ બેરલ પર પહોંચી ગયા હતા. પાછલા સત્રમાં તેમાં 1.1 ટકાનો વધારો થયો હતો. તેવી જ રીતે, અમેરિકન વેસ્ટ ટેક્સાસ ઇન્ટરમીડિયેટ (WTI) ક્રૂડ 24 સેન્ટ અથવા 0.4 ટકા ઘટીને $60.5 પ્રતિ બેરલ પર પહોંચી ગયું. વાસ્તવમાં, અમેરિકામાં ક્રૂડ અને ઇંધણના સ્ટોકમાં વધારો દર્શાવે છે કે બજારમાં પુરવઠો માંગ કરતાં વધી રહ્યો છે.
