Petrol Diesel Price Today: ઓઇલ ખરીદવા પર 100 ટકા ટેરિફનો ખતરો, તો શું વધી જશે પેટ્રોલ ડીઝલનો ભાવ, જાણો લેટેસ્ટ રેટ

Petrol Diesel Price Today: વૈશ્વિક તેલ બજારમાં ચાલી રહેલી અસ્થિરતા વચ્ચે ફરી એકવાર ઓઇલની આયાતને લઇને ખતરો ઉભો થઇ શકે છે.  કારણ કે અમેરિકાના ધારાસભ્યોએ રશિયા પરના પ્રતિબંધોને લગતા ખરડામાં અનેક સુધારાઓ રજૂ કર્યા છે. એક સુધારાનો ઉદ્દેશ્ય ભારત અને ચીન જેવા રશિયાના વેપારી ભાગીદારોને આ ખરડામાં સામેલ કરવાનો છે જેથી તેમના પર 100 ટકા ટેરિફ (આયાત જકાત) લાદી શકાય. ત્યારે આવો જાણીએ આજે પેટ્રોલ ડીઝલનો શું છે ભાવ 

આજે પેટ્રોલ ડીઝલનો શું છે ભાવ ? 

આ તરફ  આજે પેટ્રોલ અને ડીઝલના ભાવમાં કોઈ ફેરફાર થયો નથી. 15 સપ્ટેમ્બર, 2026 સુધીમાં, સરકારી તેલ માર્કેટિંગ કંપનીઓ (OMCs) એ છૂટક ભાવ સ્થિર રાખ્યા છે. આંતરરાષ્ટ્રીય ક્રૂડ ઓઈલના ભાવમાં નોંધપાત્ર વધઘટ હોવા છતાં સ્થાનિક સ્તરે પેટ્રોલ અને ડીઝલના ભાવ યથાવત રહેવા એ સામાન્ય ગ્રાહકો માટે રાહતની વાત છે.

વૈશ્વિક તેલ પુરવઠામાં સંકટ

વૈશ્વિક તેલ બજાર હાલમાં એક મોટા સંકટનો સામનો કરી રહ્યું છે. અમેરિકા અને ઈરાન વચ્ચેના સંઘર્ષને કારણે હોર્મુઝની સામુદ્રધુની (Strait of Hormuz) માંથી પસાર થતો માર્ગ વ્યવહારિક રીતે બંધ થઈ ગયો છે. દરમિયાન, યમનના હુથી બળવાખોરોને કારણે લાલ સમુદ્ર (Red Sea) ના માર્ગ પર પણ દબાણ છે; તેઓ બાબ-અલ-મંદેબ સામુદ્રધુની પાસે સાઉદી ટેન્કરોને નિશાન બનાવી રહ્યા છે.

આ પડકારોનો સામનો કરવા માટે, સાઉદી અરેબિયા 1,200 કિમી લાંબી ઈસ્ટ-વેસ્ટ પાઈપલાઈન પર નિર્ભર હતું; જોકે, તાજેતરમાં ઈરાકી ડ્રોન હુમલાને કારણે આ પાઈપલાઈનને નુકસાન થયું છે. ઈસ્ટ-વેસ્ટ પાઈપલાઈન બંધ હોવાથી, સાઉદી અરેબિયા પાસે લાલ સમુદ્રના યાન્બુ (Yanbu) બંદર પર માત્ર 5 થી 7 દિવસ ચાલે તેટલો જ નિકાસ-યોગ્ય જથ્થો બાકી રહ્યો છે. સૂત્રોના જણાવ્યા અનુસાર, પાઈપલાઈનના સમારકામમાં વધુ 5 થી 6 અઠવાડિયાનો સમય લાગી શકે છે.

દેશના મોટા શહેરોમાં શું છે પેટ્રોલ ડીઝલનો ભાવ

ગુજરાતના મુખ્ય શહેરોમાં પેટ્રોલ અને ડીઝલના અંદાજિત દરો

SMS દ્વારા તમારા શહેરના ભાવ તપાસો

Indian Oil (IOCL) - RSP <City Code> લખો અને તેને 9224992249 પર મોકલો.

BPCL - RSP <City Code> લખો અને તેને 9223112222 પર મોકલો.

HPCL - HPPRICE <City Code> લખો અને તેને 9222201122 પર મોકલો.