ગઈકાલના ઘટાડા બાદ આજે ગુરુવાર (8 ઓક્ટોબર )ના રોજ સવારે 8:10 વાગ્યે, GIFT નિફ્ટી 28 પોઈન્ટ અથવા 0.12 ટકા વધીને 22,620 પર ટ્રેડ થઈ રહ્યો હતો. આ સંકેત બજારનું સકારાત્મક વલણ બતાવે છે. RBIએ મોનિટરી પોલીસીમાં રેપો રેટ 0.25 ટકા વધારતા બજાર પર તેની અસર દેખાઈ. GIFT નિફ્ટી સકારાત્મક હોવા છતાં આજે ગુરુવારના દિવસે બજાર ઘટાડો સાથે ખૂલ્યું.
શેર બજારની ઘટાડા સાથે શરૂઆત
રેપો રેટ વધ્યા બાદ સતત બીજા દિવસે બજારની ઘટાડા સાથે શરૂઆત. સવારે 9.30 કલાકે સેન્સેક્સ અને નિફ્ટી બંને ઘટાડા સાથે ખૂલ્યા. સેન્સેક્સ 177.84 પોઇન્ટના ઘટાડા સાથે 72,460.87ના અંકે ખૂલ્યો. જયારે નિફ્ટી 68.90 પોઈન્ટ ઘટી 22,534.15ના અંકે ખૂલ્યો.
બુધવારે બજારનું નબળું પ્રદર્શન
ગઈકાલ બુધવારે શેરબજારમાં થોડી નબળી શરૂઆત કરી હતી. સેન્સેક્સ અને નિફ્ટી બંને ઘટાડા સાથે ખૂલ્યા. અને બજાર બંધ થવાના સમયે પણ ભારે અસ્થિરતા બાદ, સપ્તાહના ત્રીજા દિવસે એટલે કે બુધવારે BSE સેન્સેક્સ લગભગ 430 પોઈન્ટના ઘટાડા સાથે 72,638.70 પર બંધ થયો હતો. જયારે NSE નિફ્ટી 173.05 પોઈન્ટ ઘટીને 22,603.05 પર બંધ થઈ હતી.
RBIએ રેપો રેટ વધારતા બજારમાં સાવધાનીનું વલણ
ભારતીય ઇક્વિટી બજાર માટેનું ભવિષ્ય સાવધ રહે છે. આરબીઆઈના રેપો રેટમાં વધારાથી સ્થાનિક નાણાકીય પરિસ્થિતિઓ કડક બની છે, અને આ એવા સમયે આવ્યું છે જ્યારે વૈશ્વિક બજારો પહેલાથી જ વધતી ટ્રેઝરી યીલ્ડ અને ભૂ-રાજકીય અનિશ્ચિતતા જેવા પડકારોનો સામનો કરી રહ્યા છે. નિષ્ણાતની સલાહ છે કે રેપો રેટ વધતા તેમજ FII રોકાણ સ્થિર ન થાય અથવા યુએસ ટ્રેઝરી યીલ્ડ સરળ ન થાય ત્યાં સુધી રોકાણકારો ફુગાવા અને વ્યાજ દરની ગતિવિધિઓ પર વધુ સ્પષ્ટતા ન થાય ત્યાં સુધી સાવધાનીપૂર્વક રોકાણ કરે.
એશિયન બજારમાં સુસ્તીનું વલણ
ગુરુવારે વૈશ્વિક બોન્ડ માર્કેટમાં દબાણ વચ્ચે એશિયન બજારોમાં ઘટાડો જોવા મળ્યો. સોવરિન બોન્ડ માર્કેટમાં નવેસરથી દબાણ અને ક્રૂડ ઓઇલના વધતા ભાવ રોકાણકારોના સેન્ટિમેન્ટ પર અસર કરી. મોટી ટેકનોલોજી કંપનીઓ અબજો ડોલરનું દેવું એકત્ર કરવા માંગે છે તેવા અહેવાલોએ ભંડોળ માટેની સ્પર્ધા અને ઉધાર લેવાની કિંમત અંગે ચિંતાઓને વધુ વેગ આપ્યો.
જાપાનનો નિક્કી ઘટયો
જાપાનનો નિક્કી 0.9 ટકા ઘટ્યો, જ્યારે દક્ષિણ કોરિયાનો કોસ્પી 0.6 ટકા ઘટ્યો. જાપાન સિવાય એશિયા-પેસિફિક શેરનો MSCIનો સૌથી વ્યાપક સૂચકાંક 0.1 ટકા ઘટ્યો. યુએસ ઇક્વિટી ફ્યુચર્સ યથાવત રહ્યા. S&P 500 અને Nasdaq ફ્યુચર્સ બંને લગભગ ફ્લેટ ટ્રેડ થયા.