છેલ્લા થોડા મહિનાઓથી મોંઘવારીએ વર્ષોનું ન્યુનત્તમ સ્તર જાળવી રાખ્યું હતું. ઓગષ્ટમાં તે સ્તર નબળુ પડી ગયુ. આઠ વર્ષના ન્યૂનત્તમ સ્તર 1.55 ટકાથી વધીને 2.07 ટકા થઇ ગયું. આ સાથે જ ખાદ્ય પદાર્થોની કિંમતોમાં તેજી આવી છે.
રોઇટર્સના 40 અર્થશાસ્ત્રીઓના સર્વેક્ષણમાં ઓગસ્ટમાં છૂટક ફુગાવો વધીને 2.10% થશે તેવું અનુમાન લગાવવામાં આવ્યું હતું. આ સતત સાતમો મહિનો છે જ્યારે ફુગાવો ભારતીય રિઝર્વ બેંક (RBI) ના મધ્યમ ગાળાના લક્ષ્યાંક 4% થી નીચે રહ્યો છે. ખાદ્ય ફુગાવો, જે CPI બાસ્કેટનો લગભગ અડધો હિસ્સો ધરાવે છે, તે જુલાઈમાં -1.76% થી વધીને ઓગસ્ટમાં -0.69% થયો.
ફુગાવો કેમ વધ્યો?
ફુગાવામાં વધારો થવા પાછળનું મુખ્ય કારણ શાકભાજી, માંસ અને માછલી, તેલ, ઈંડા અને વ્યક્તિગત સંભાળની વસ્તુઓના ભાવમાં વધારો હતો. આ સ્પષ્ટ કરે છે કે જ્યારે ખાદ્ય ચીજવસ્તુઓના ભાવ વધે છે, ત્યારે તે પરિવારોના બજેટને સીધી અસર કરે છે. શાકભાજી, માંસ, તેલ અને ઈંડા જેવી દૈનિક આવશ્યક ચીજવસ્તુઓના ભાવને કારણે ખોરાકનો ખર્ચ વધે છે.
ગ્રામીણ અને શહેરી વિસ્તારોમાં ફુગાવામાં તફાવત
ગ્રામીણ વિસ્તારોમાં ફુગાવાનો દર ઓગસ્ટમાં 1.69% જે જુલાઇ કરતા 1.18 ટકા વધી છે. જ્યારે શહેરી વિસ્તારોમાં મોંઘવારી દર 2.47% પર પહોંચ્યો. જે જુલાઈમાં 2.10% કરતા વધુ છે. ખાદ્ય ફુગાવાની વાત કરીએ તો, ગ્રામીણ વિસ્તારોમાં તે -0.70% અને શહેરોમાં -0.58% હતો.
ઓગસ્ટમાં હાઉસિંગ ફુગાવો થોડો ઘટીને 3.09% થયો, જ્યારે શિક્ષણ ફુગાવો 3.60% અને આરોગ્ય ફુગાવો 4.40% રહ્યો. પરિવહન અને સંદેશાવ્યવહારનો ખર્ચ પણ ઘટ્યો છે. ઇંધણ અને લાઇટ ઇન્ફ્લેશન રેટ પણ ઘટીને 2.43% થયો.
