શેરમાર્કેટની ચાલ નબળી જોવા મળી. માર્કેટ મંગળવારે લાલ નિશાનમાં  ખૂલ્યું અને લાલ નિશાનમાં જ બંધ થયું. સેન્સેક્સ અને નિફ્ટી બંને ફ્લેટ બંધ થયા. બપોરે 3.30 કલાકે સેન્સેક્સ 8.08 પોઇન્ટના ઘટાડા સાથે 73,598.67 અંકે બંધ થયો. જ્યારે નિફ્ટી 3.45 પોઇન્ટના વધારા સાથે 22,749.75 અંકે બંધ થયો. 


1000 શેરો લાલ નિશાન સાથે ખુલ્યા

વૈશ્વિક સ્તરે નબળા સંકેતોને કારણે ભારતીય શેરબજારની શરૂઆત ધીમી રહી હતી. બજાર ખુલતી વખતે આશરે ૧,૨૪૪ લિસ્ટેડ શેરોમાં વધારો જોવા મળ્યો હતો—જેમાં સામાન્યથી લઈને નોંધપાત્ર ઉછાળાનો સમાવેશ થાય છે. બીજી તરફ, ૧,૦૦૦ કંપનીઓના શેર 'રેડ ઝોન' (લાલ નિશાન)માં ખુલ્યા હતા, જે તેમના અગાઉના બંધ ભાવ કરતાં નીચા સ્તરે ટ્રેડ થઈ રહ્યા હતા. આ ઉપરાંત, 158  શેરોમાં કોઈ ફેરફાર જોવા મળ્યો ન હતો, એટલે કે તેમાં સ્થિર શરૂઆત થઈ હતી.

નિફ્ટી (Nifty) પર સૌથી વધુ વધારો દર્શાવનારા શેરોમાં ટાટા કન્ઝ્યુમર, બીએસઈ લિમિટેડ (BSE Ltd.), ડો. રેડ્ડીઝ લેબ્સ, એનટીપીસી (NTPC) અને શ્રીરામ ફાઇનાન્સનો સમાવેશ થાય છે; જ્યારે જેએસડબ્લ્યુ સ્ટીલ (JSW Steel), એચયુએલ (HUL), એચસીએલ ટેક (HCL Tech), ટાટા સ્ટીલ અને ગ્રાસિમમાં ઘટાડો જોવા મળ્યો હતો.

ઉલ્લેખનીય છે કે, સોમવારે અગાઉના ટ્રેડિંગ સત્ર દરમિયાન શેરબજારમાં ભારે અસ્થિરતા જોવા મળી હતી. શરૂઆતમાં સેન્સેક્સ અને નિફ્ટી બંનેમાં મોટો કડાકો આવ્યો હતો, પરંતુ દિવસ દરમિયાનના ઉતાર-ચઢાવ બાદ બજારમાં રિકવરી આવી અને તે મજબૂત વધારા સાથે બંધ થયું હતું.