સોમવારે શરૂઆતના ટ્રેડિંગ દરમિયાન સ્થાનિક શેરબજારમાં થયેલા તીવ્ર ઘટાડાથી થોડી રાહત જોવા મળી. IT શેરોમાં ખરીદીને કારણે સેન્સેક્સ અને નિફ્ટી તેમના નીચા સ્તરથી થોડા સુધર્યા, જોકે બંને મુખ્ય સૂચકાંકો લાલ નિશાનમાં રહ્યા.
શેરબજાર લીલા નિશાનમાં બંધ
બપોરે 3.30 કલાકની જો વાત કરીએ તો, સેન્સેક્સ +47.01 પોઇન્ટના વધારા સાથે 77,616.40 અંકે બંધ થયો. જ્યારે નિફ્ટી 4.10 પોઇન્ટના વધારા સાથે 24,211.00 અંકે બંધ થયો. સવારે શેરબજારની શરૂઆત લીલા નિશાનમાં થઇ હતી. સેન્સેક્સ 600થી વધારે પોઇન્ટના ઘટાડા સાથે ખૂલ્યો હતો.
આ શેરો સૌથી વધુ ઘટ્યા
નિફ્ટી50 માં, ટાટા સ્ટીલ, ગ્રાસિમ ઇન્ડસ્ટ્રીઝ અને ઇન્ટરગ્લોબ એવિએશન (ઇન્ડિગો) સૌથી વધુ દબાણ હેઠળ હતા. આ શેરોમાં વેચાણ દબાણે મુખ્ય સૂચકાંકોને પણ અસર કરી.
બજારનું વ્યાપક પ્રદર્શન
વ્યાપક બજારમાં પણ મિશ્ર વલણ જોવા મળ્યું. નિફ્ટી મિડકેપ ઇન્ડેક્સ 0.29% ઘટીને ટ્રેડ થઈ રહ્યો હતો, જ્યારે નિફ્ટી સ્મોલકેપ ઇન્ડેક્સ 0.05% ના નજીવા વધારા સાથે લીલા નિશાનમાં હતો.
ખાસ કરીને, ક્ષેત્રીય સૂચકાંકોમાં, નિફ્ટી મેટલમાં સૌથી મોટો ઘટાડો જોવા મળ્યો. નિફ્ટી રિયલ્ટી, નિફ્ટી એફએમસીજી અને નિફ્ટી ફાર્મા સૂચકાંકો પણ નબળા પડ્યા.
