એશિયન બજારોના મિશ્ર વલણ વચ્ચે, સોમવારે અઠવાડિયાના પહેલા ટ્રેડિંગ સત્રમાં તીવ્ર ઘટાડા પછી ભારતીય શેરબજારમાં સુધારો થયો. યુએસ એમ્બેસેડર સેર્ગેઈ ગોરે જણાવ્યું હતું કે ભારત અને યુએસ વેપાર વાટાઘાટો ચાલુ રાખી રહ્યા છે. તેમનું નિવેદન એવા સમયે આવ્યું છે જ્યારે ગયા અઠવાડિયે યુએસ રાષ્ટ્રપતિ ડોનાલ્ડ ટ્રમ્પે ભારત પર મોટા ટેરિફ વધારાની ધમકી આપી હતી. વધુમાં, ખાનગી બેંકિંગ અને મેટલ શેરોમાં ખરીદીએ બજારને ઉપર તરફ ખેંચ્યું.
સેન્સેક્સ લીલા નિશાને બંધ
બપોરે 3.30 કલાકની વાત કરીએ તો, સેન્સેક્સ અને નિફ્ટી બંને લાલ નિશાનમાં બંધ થયા. સેન્સેક્સ 301.93 પોઇન્ટના વધારા સાથે 83,878.17 અંકે બંધ થયો જ્યારે નિફ્ટી 120.10 પોઇન્ટના વધારા સાથે 25,803.40 અંકે બંધ થયો.
ટોપ ગેનર અને ટોપ લુઝર
સેન્સેક્સના શેરોમાં, એશિયન પેઇન્ટ્સ, ટાટા સ્ટીલ, ટ્રેન્ટ લિમિટેડ, ICICI બેંક અને SBI મુખ્ય વધ્યા હતા. જ્યારે બજાજ ફાઇનાન્સ, ઇન્ફોસિસ, ભારત ઇલેક્ટ્રોનિક્સ, L&T અને ભારતી એરટેલ નીચા સ્તરે ટ્રેડ કરી રહ્યા હતા.
ભારત-અમેરિકન ડીલ પર ધ્યાન કેન્દ્રિત
ભારત-અમેરિકન સંબંધોમાં તણાવ ઓછો થવાના કોઈ સંકેત દેખાતા નથી. ભારત અંગે યુએસ પ્રમુખ ડોનાલ્ડ ટ્રમ્પ અને તેમના વહીવટીતંત્રના સભ્યોના તાજેતરના નિવેદનોથી બહુ આશા જાગી નથી.
જ્યારે ભારતનો પ્રતિભાવ સંયમિત રહ્યો છે, ત્યારે ગયા અઠવાડિયે ટ્રમ્પે એક બિલને સમર્થન આપ્યું હતું જે તેમને રશિયન મૂળના યુરેનિયમ અને પેટ્રોલિયમ ઉત્પાદનો ખરીદતા દેશો પર ઓછામાં ઓછા 500 ટકા ટેરિફ લાદવા માટે અધિકૃત કરશે.
Donald Trump: ભારત આવી શકે છે ડોનાલ્ડ ટ્રમ્પ, ભારતમાં અમેરિકાના નવા રાજદૂતે આપ્યું મહત્વનું નિવેદન
