નવુ વર્ષ નજીક આવતા રોકાણકારો સતર્ક થઇ રહ્યા છે. નવા અવસરની રાહ જોઇ રહ્યા છે. તેવામાં આજે શેરબજારની શરૂઆત ફ્લેટ થઇ હતી. ત્યારે બપોરે 3.30 કલાકે શેરબજાર ઘટાડા સાથે બંધ થયું છે. બપોરે 3.30 કલાકની વાત કરીએ તો, સેન્સેક્સ 312.53 પોઇન્ટના ઘટાડા સાથે 84,728.92 અંકે બંધ થયો. જ્યારે નિફ્ટી 90.40 પોઇન્ટના ઘટાડા સાથે 25,951.90 અંકે બંધ થયો છે.
એશિયન બજારોની શું છે સ્થિતિ?
સોમવારે એશિયન શેરબજારો છ સપ્તાહની ઊંચી સપાટીએ પહોંચ્યા હતા, જ્યારે ડોલર ત્રણ મહિનાના નીચલા સ્તરે રહ્યો હતો. યુએસ ફેડરલ રિઝર્વ આવતા વર્ષે વ્યાજ દરમાં ઘટાડો કરી શકે તેવી અપેક્ષાએ પણ કિંમતી ધાતુઓના ભાવમાં વધારો કર્યો હતો.
દક્ષિણ કોરિયાનો કોસ્પી ઇન્ડેક્સ 1.5% વધીને લગભગ બે મહિનાની ઊંચી સપાટીએ પહોંચ્યો. આ વર્ષે અત્યાર સુધીમાં તે લગભગ 74% વધ્યો છે, જે 1999 પછીનો સૌથી મોટો વાર્ષિક વધારો દર્શાવે છે. જાપાનનો નિક્કી 0.4% ઘટી ગયો હતો, જ્યારે તાઇવાનનો શેરબજાર 0.3% વધીને રેકોર્ડ ઊંચા સ્તરે પહોંચ્યો હતો. રજાઓને કારણે ટૂંકા ટ્રેડિંગ સપ્તાહમાં, રોકાણકારો મંગળવારે યોજાનારી ફેડરલ રિઝર્વની છેલ્લી બેઠકની મિનિટ્સ પર નજીકથી નજર રાખશે.
IPO અપડેટ
આજે મુખ્ય બોર્ડ પર કોઈ નવા IPO ખુલી રહ્યા નથી. ગુજરાત કિડની IPO મંગળવારે શેરબજારમાં લિસ્ટ થવાની ધારણા છે. આ ઇશ્યૂ 22 થી 24 ડિસેમ્બર સુધી અરજીઓ માટે ખુલ્લો હતો. દરમિયાન, SME સેગમેન્ટનો IPO, E to E ટ્રાન્સપોર્ટેશન ઇન્ફ્રાસ્ટ્રક્ચર લિમિટેડ, આજે બીજા દિવસમાં પ્રવેશ કરશે.
