શેરબજારમાં સોમવારે ઘટાડાનો દોર જોવા મળ્યો છે. ત્યારે વાત કરીએ, 3.30 કલાકની તો, સેન્સેક્સ અને નિફ્ટી બંને લાલ નિશાનમાં બંધ થયા. સેન્સેક્સ 249.75 પોઇન્ટના ઘટાડા સાથે 82,250.72 અંક પર  બંધ થયો. જ્યારે નિફ્ટી 62.70 પોઇન્ટના ઘટાડા સાથે 25,087 અંક પર બંધ થયો. IT શેરોમાં ઘટાડા અને અમેરિકા-ભારત વેપાર સોદા અંગે અનિશ્ચિતતાઓને કારણે નિફ્ટી50 અને સેન્સેક્સ સતત ચોથા ટ્રેડિંગ સત્રમાં ઘટ્યા.


લાલ નિશાને માર્કેટ બંધ 

સતત ચોથા દિવસે બજાર દબાણ હેઠળ રહ્યું અને સેન્સેક્સ-નિફ્ટી ઘટાડા સાથે બંધ થયા. જોકે, નિફ્ટી 25,000 ના સ્તરને બચાવવામાં સફળ રહ્યો. મિડકેપ, સ્મોલકેપ શેરોમાં ખરીદી જોવા મળી જ્યારે રિયલ્ટી અને ફાર્મા શેરોમાં ખરીદી જોવા મળી. બીજી તરફ, PSU બેંક અને એનર્જી ઇન્ડેક્સ વધારા સાથે બંધ થયા. IT શેરોમાં દબાણ, ઇન્ડેક્સ 1% થી વધુ ઘટ્યો છે.

ડોનાલ્ડ ટ્રમ્પની ટેરિફ જાહેરાતની અસર

વૈશ્વિક મોરચે સૌથી મોટી ચિંતા ભૂતપૂર્વ યુએસ રાષ્ટ્રપતિ ડોનાલ્ડ ટ્રમ્પના નવા નિર્ણય અંગે છે. તેમણે યુરોપિયન યુનિયન અને મેક્સિકોથી આવતા ઉત્પાદનો પર 30% આયાત ડ્યુટીની જાહેરાત કરી છે જે 1 ઓગસ્ટથી અમલમાં આવશે. ટ્રમ્પે તેમના પ્લેટફોર્મ ટ્રુથ સોશિયલ પર આ જાહેરાત કરી હતી, જેનાથી રોકાણકારોમાં વૈશ્વિક વેપાર યુદ્ધનો ભય વધુ ઘેરો બન્યો છે. જો કે EU અને મેક્સિકોએ યુએસ સાથે વાતચીત ચાલુ રાખવા અને ઉકેલ શોધવાનો પોતાનો ઇરાદો વ્યક્ત કર્યો છે.


વૈશ્વિક બજારોમાં શું છે સંકેત? 

  • એશિયા-પેસિફિક ક્ષેત્રમાં સપ્તાહની શરૂઆત મિશ્ર શરૂઆત સાથે થઈ.
  • જાપાનના નિક્કી અને ટોપિક્સમાં થોડો ઘટાડો જોવા મળ્યો.
  • જ્યારે કોરિયાના કોસ્પી લીલા નિશાનમાં રહ્યા. ઓસ્ટ્રેલિયાના ASX 200 માં પણ થોડી નબળાઈ જોવા મળી.
  • યુએસ ફ્યુચર્સ ઇન્ડેક્સ (ડાઉ જોન્સ, નાસ્ડેક, S&P 500) એશિયન ટ્રેડિંગ કલાકો દરમિયાન નબળા ટ્રેડિંગ કરતા જોવા મળ્યા. આ સૂચવે છે કે વૈશ્વિક રોકાણકારો હાલમાં સાવચેત છે.


વધુ અપડેટ માટે જુઓ..

https://sandesh.com/stockmarket


  • Follow us on: