મંગળવારે સ્થાનિક શેરબજારો દબાણ હેઠળ ટ્રેડ થઈ રહ્યા છે, વૈશ્વિક બજારોમાં નબળાઈ અને ટેકનોલોજી શેરોમાં વેચવાલીથી દબાણ વધી રહ્યું છે. આઈટી અને મેટલ શેરોમાં ઘટાડાને કારણે બંને મુખ્ય સૂચકાંકો - સેન્સેક્સ અને નિફ્ટી - લાલ નિશાનમાં ટ્રેડ થઈ રહ્યા છે.
લાલ નિશાનમાં બંધ થયુ શેરબજાર
બપોરે 12:00 વાગ્યા સુધીમાં, નિફ્ટી 50 138 પોઈન્ટ અથવા 0.57 ટકા ઘટીને 23,964.90 પર ટ્રેડ થઈ રહ્યો હતો. દરમિયાન, સેન્સેક્સ 433.78 પોઈન્ટ અથવા 0.56 ટકા ઘટીને 76,660.29 ના સ્તરે ટ્રેડ થઈ રહ્યો હતો. ત્યારે બપોરે 3.30 કલાકે સેન્સેક્સ અને નિફ્ટી બંને લાલ નિશાનમાં બંધ થયા. સેન્સેક્સ 893 પોઇન્ટના ઘટાડા સાથે 76,200 અંકે બંધ થયો જ્યારે નિફ્ટી 278 પોઇન્ટના ઘટાડા સાથે 23,824.10 અંકે બંધ થયો.
નિફ્ટીમાં પણ ઘટાડો
નિફ્ટી 50 ઇન્ડેક્સમાં ઇન્ફોસિસ, ટાટા કન્સલ્ટન્સી સર્વિસીસ (TCS) અને હિન્ડાલ્કો ઇન્ડસ્ટ્રીઝ ટોચના ઘટાડાવાળા શેરબજારોમાં સામેલ હતા. વ્યાપક બજારમાં, નિફ્ટી મિડકેપ ઇન્ડેક્સ 0.10 ટકાના ઘટાડા સાથે ટ્રેડ થઈ રહ્યો હતો, જ્યારે નિફ્ટી સ્મોલકેપ ઇન્ડેક્સ 0.19 ટકાનો વધારો નોંધાવી રહ્યો હતો.
મિડકેપ અને સ્મોલકેપ સૂચકાંકો નબળા
બજારનું વ્યાપક ચિત્ર પણ નબળું રહ્યું. નિફ્ટી મિડકેપ ઇન્ડેક્સમાં 0.88 ટકા અને નિફ્ટી સ્મોલકેપ ઇન્ડેક્સમાં 0.58 ટકાનો ઘટાડો નોંધવામાં આવ્યો હતો, જેણે રોકાણકારોની જોખમની ભૂખને અસર કરી હોવાનું જણાય છે.
ફાર્મા અને હેલ્થકેર સેક્ટરમાં મજબૂતી
ક્ષેત્રીય સૂચકાંકોની વાત કરીએ તો નિફ્ટી આઈટી અને નિફ્ટી મેટલમાં સૌથી વધુ ઘટાડો જોવા મળ્યો હતો. તેનાથી વિપરિત, નિફ્ટી ફાર્મા અને નિફ્ટી હેલ્થકેર પ્રમાણમાં સારું પ્રદર્શન કરતા જોવા મળ્યા હતા અને બજારને થોડો સપોર્ટ પૂરો પાડ્યો હતો.
