આજે શેરબજાર ફરી તેજી તરફ પાછું ફર્યું છે. તે 173 પોઈન્ટ વધીને 82,150 ને પાર કરી ગયું છે. નિફ્ટી પણ 50 પોઈન્ટ વધીને 25,305 પર પહોંચ્યો છે. અગાઉ, સેન્સેક્સ અને નિફ્ટી લાલ રંગમાં ખુલ્યા હતા. ગઈકાલની જેમ આજે પણ બજાર સવારના સમયે લીલા નિશાન સાથે ખુલ્યું.
બજારે બદલી ચાલ, ઘટાડા બાદ તેજીનો ઉછાળો
વૈશ્વિક બજારોમાંથી નબળા સંકેતોને કારણે આજે સ્થાનિક શેરબજારની શરૂઆત નબળી રહી. પરંતુ ગણતરીના સમયમાં બજાર તેજી તરફ વધ્યું. આજે શરૂઆતમાં બીએસઈનો ૩૦ શેરનો બેન્ચમાર્ક ઇન્ડેક્સ, સેન્સેક્સ, ૧૧૭ પોઈન્ટ ઘટીને ૮૧,૭૬૨ પર ખુલ્યો હતો. દરમિયાન, એનએસઈનો સંવેદનશીલ ઇન્ડેક્સ, નિફ્ટી ૫૦, ગુરુવારે ૪૧ પોઈન્ટ ઘટીને ૨૫,૨૧૩ પર ખુલ્યો હતો. જો કે થોડી જ મિનિટોમાં બજારે વગે પકડયો અને રોનક પાછી ફરતા સેન્સેક્સ અને નિફ્ટીમાં ઉછાળો જોવા મળ્યો. બજાર સતત બીજા દિવસે તેજી જોતા રોકાણકારો ઉત્સાહિત થયા.