ટ્રેડિંગ સપ્તાહના બીજા દિવસે ભારતીય શેરબજારમાં સામાન્ય વધારા સાથે શરૂઆત થઇ. બેન્ચમાર્ક સૂચકાંકોમાં સાધારણ ઉછાળો જોવા મળી શકે છે, કારણ કે GIFT Nifty લગભગ 20 પોઈન્ટના વધારા સાથે 22400ના સ્તરની ઉપર ટ્રેડ થઈ રહ્યું છે. જોકે, સપ્ટેમ્બરમાં વધતા છૂટક ફુગાવા, ક્રૂડ ઓઈલના ભાવમાં ઉછાળો અને નબળા વૈશ્વિક સંકેતોને કારણે બજાર પર ફરી એકવાર વેચવાલીનું દબાણ જોવા મળી શકે તેવી ચિંતા છે. આ ઉપરાંત, HCL Tech અને RBL Bank જેવી કંપનીઓના કમાણીના પરિણામોને કારણે ચોક્કસ શેરોમાં હલચલ જોવા મળવાની અપેક્ષા છે.

ક્રૂડ ઓઈલના ભાવમાં ઘટાડો

મંગળવારે શરૂઆતી કારોબારમાં, ક્રૂડ ઓઈલના ભાવમાં તાજેતરના ઉચ્ચ સ્તરોથી ઘટાડાના સંકેતો જોવા મળ્યા હતા. આંતરરાષ્ટ્રીય બજારમાં બ્રેન્ટ ક્રૂડ હાલમાં પ્રતિ બેરલ $105ની આસપાસ ટ્રેડ થઈ રહ્યું છે, જોકે એશિયન બજારોમાં ભારે વેચવાલી જોવા મળી રહી છે.

શેરબજારમાં તેજી 

આજે શેરબજારની શરૂઆત પોઝિટીવ રહી. સેન્સેક્સ અને નિફ્ટી બંને તેજી સાથે ખૂલ્યા. સેન્સેક્સ 409.52 પોઇન્ટના વધારા સાથે 72,334.20 અકે ખૂલ્યો. જ્યારે નિફ્ટી 126.65 પોઇન્ટના વધારા સાથે 22,490.00 અંકે ખૂલ્યો.