જાપાનથી લઈને દક્ષિણ કોરિયા સુધીના એશિયન શેરબજારોમાં અરાજકતા છવાઈ ગઈ હતી, જ્યારે ભારતીય બજાર માટે મુખ્ય સૂચક ગણાતા ગિફ્ટ નિફ્ટીમાં પણ 200 પોઈન્ટના નોંધપાત્ર ઘટાડા સાથે વેપાર થયો હતો.  ત્યારે ભારતીય શેરબજારમાં પણ ઘટાડા સાથે શરૂઆત થઇ. સેન્સેક્સ અને નિફ્ટી બંને લાલ નિશાનમાં જ ખૂલ્યા.

મંગળવારે શેરબજાર લાલ નિશાનમાં ખૂલ્યું

સવારે 9.30 કલાકની વાત કરીએ તો, સેન્સેક્સ 281.87 પોઇન્ટના ઘટાડા સાથે 73,985 અંકે ખૂલ્યો જ્યારે નિફ્ટી −108.35 પોઇન્ટના ઘટાડા સાથે 23,274 અંકે ખૂલ્યો. ઈરાન-યુએસ તણાવ અને પશ્ચિમ એશિયામાં અનિશ્ચિતતા વચ્ચે નિફ્ટીમાં તીવ્ર ઘટાડો થયો હતો, જ્યારે મોટાભાગના એશિયન બજારો પણ દબાણ હેઠળ રહ્યા હતા.

ઈરાન-અમેરિકા તણાવથી ચિંતા

ઈરાને કહ્યું છે કે તે અમેરિકા સાથે ચાલી રહેલી વાટાઘાટો બંધ કરશે અને હોર્મુઝ સ્ટ્રેટને સંપૂર્ણપણે બંધ કરી શકે છે. તેહરાનનું કહેવું છે કે ઈઝરાયલ અને લેબનોન વચ્ચે ચાલી રહેલા સંઘર્ષ અને કથિત યુદ્ધવિરામ ઉલ્લંઘનને કારણે હાલમાં કોઈપણ વાટાઘાટો અશક્ય છે. ઈરાને એ પણ સ્પષ્ટ કર્યું કે જ્યાં સુધી ઈઝરાયલી દળો લેબનોનમાંથી પાછા ન હટે ત્યાં સુધી વાટાઘાટો આગળ વધશે નહીં.

આ દરમિયાન, યુએસ પ્રમુખ ડોનાલ્ડ ટ્રમ્પે એક મુલાકાતમાં જણાવ્યું હતું કે તેમને તેહરાન સાથે વાટાઘાટો ચાલુ રહે કે નહીં તેની પરવા નથી. તેમણે સંકેત આપ્યો કે તેમને આખો મુદ્દો કંટાળાજનક લાગ્યો છે.