બજારમાં મંદીનો માહોલ વધુ ઘેરો બન્યો છે. સેન્સેક્સ 402 પોઈન્ટ ઘટીને 72369 ના સ્તરે પહોંચ્યો છે. 30-શેર ધરાવતા આ બીએસઈ (BSE) ઈન્ડેક્સમાં 26 શેરો ઘટાડા સાથે કારોબાર કરી રહ્યા છે. નિફ્ટી 115 પોઈન્ટ ઘટીને 22615 પર આવી ગયો છે. માત્ર પાંચ મિનિટમાં જ બીએસઈ પર સૂચિબદ્ધ કંપનીઓનું માર્કેટ કેપિટલાઇઝેશન ₹3 લાખ કરોડ ઘટીને ₹૪૭૪ લાખ કરોડથી ₹471 લાખ કરોડ થઈ ગયું છે.
શેરમાર્કેટ લાલ નિશાને ખૂલ્યુ
સવારે 9.31 કલાકે સેન્સેક્સ 516.16 પોઇન્ટના વધારા સાથે 72,255.56 અંકે બંધ થયો. જ્યારે નિફ્ટી 156.35 પોઇન્ટના વધારા સાથે 22,623.90 અંકે બંધ થયો.
કાચા તેલના ભાવ મુખ્ય ચિંતાનો વિષય
કાચા તેલના વધતા ભાવ બજાર પર સૌથી વધુ દબાણ લાવી રહ્યા છે. ઈરાનના એક પ્રસ્તાવ પર અમેરિકાના રાષ્ટ્રપતિ ડોનાલ્ડ ટ્રમ્પની પ્રતિક્રિયા બાદ સોમવારે તેલના ભાવમાં ઉછાળો આવ્યો હતો. આનાથી હોરમૂઝની સામુદ્રધુની (Strait of Hormuz) થઈને થતા તેલના પુરવઠા અંગેની ચિંતાઓ વધી ગઈ છે.
સોમવારે થયો હતો મોટો ઘટાડો
સોમવારે ભારતીય બજારમાં ભારે વેચવાલી જોવા મળી હતી. સેન્સેક્સ 1124 પોઈન્ટ અથવા 1.52 ટકા ઘટીને 72771.72 પર બંધ થયો હતો. નિફ્ટી 360.25 પોઈન્ટ અથવા 1.56 ટકા ઘટીને 22780.25 પર સ્થિર થયો હતો. બંને સૂચકાંકો લગભગ છ મહિનાના તેમના સૌથી નીચલા સ્તરે પણ પહોંચ્યા હતા.
વિદેશથી નકારાત્મક સંકેતો
સેન્સેક્સ અને નિફ્ટીમાં જોવા મળેલા આ ઘટાડાના સંકેતો વિદેશી બજારોમાં પહેલેથી જ દેખાઈ રહ્યા હતા. અગાઉના ટ્રેડિંગ સેશનમાં યુએસ શેરબજારમાં ભારે વેચવાલી જોવા મળી હતી, જેમાં ડાઉ જોન્સ 347 પોઈન્ટ અને નાસ્ડેક 248 પોઈન્ટ તૂટ્યા હતા. ત્યારબાદ, મંગળવારે એશિયન શેરબજારોમાં પણ મોટો ઘટાડો નોંધાયો હતો; જાપાનનો નિક્કી લગભગ 800 પોઈન્ટ નીચે ટ્રેડ થઈ રહ્યો હતો, જ્યારે હેંગ સેંગ ઈન્ડેક્સમાં લગભગ 200 પોઈન્ટનો ઘટાડો થયો હતો. સેન્સેક્સ અને નિફ્ટી માટે મહત્વપૂર્ણ સૂચક ગણાતા 'ગિફ્ટ નિફ્ટી' (GIFT Nifty) દ્વારા પણ બજારમાં ઘટાડાનો સંકેત આપવામાં આવી રહ્યો હતો.
શરૂઆતમાં જ મુખ્ય શેરોમાં મોટો ઘટાડો
બજારમાં આવેલા આ ઘટાડા વચ્ચે, સૌથી વધુ અસરગ્રસ્ત શેરોમાં બજાજ ફાઇનાન્સ (2.10% ઘટાડો), HDFC બેંક (1.70% ઘટાડો), કોટક બેંક (1.50% ઘટાડો), રિલાયન્સ (1.30% ઘટાડો) અને ઇન્ફોસિસ (1.40% ઘટાડો)નો સમાવેશ થાય છે. મિડકેપ સેગમેન્ટમાં, પોલિસીબજારના શેરમાં 4%નો ઘટાડો થયો હતો, જ્યારે IDFC ફર્સ્ટ બેંકના શેરમાં 2.15%નો ઘટાડો નોંધાયો હતો.
