સોમવારે શેરબજાર તેજી સાથે ખૂલ્યું છે. સવારે 9.32 કલાકની વાત કરીએ તો, સેન્સેક્સ અને નિફ્ટી બંને લીલા નિશાનમાં ખૂલ્યા. સેન્સેકસ 184.74 પોઇન્ટના વધારા સાથે 80,611 અંકે ખૂલ્યો છે. જ્યારે નિફ્ટી 51.55 પોઇન્ટના વધારા સાથે 24,706.25 અંકે ખૂલ્યો.
વૈશ્વિક બજારોમાં શું છે સ્થિતિ?
વૈશ્વિક બજારોમાં, વિદેશી રોકાણકારો યુકેના મની સપ્લાય ડેટા, યુરો એરિયા આર્થિક ભાવના અને જાપાનના JGB ખરીદી કાર્યક્રમના ડેટાની રાહ જોઈ રહ્યા છે. રિઝર્વ બેંક ઓફ ઓસ્ટ્રેલિયા પણ આજે તેની બે દિવસીય નીતિ બેઠક શરૂ કરી રહી છે. સ્થાનિક મોરચે, રોકાણકારો ઔદ્યોગિક ઉત્પાદન અને ઉત્પાદન ડેટાની રાહ જોઈ રહ્યા છે.
