સપ્તાહના પહેલા કારોબારી દિવસે ભારતીય શેરબજારની શરૂઆત શાનદાર રહી. BSEનો 30 શેરવાળો સેન્સેક્સ 357 પોઈન્ટ વધીને 77,160 ના સ્તરે ખુલ્યો, જ્યારે NSEનો નિફ્ટી 50 793 પોઈન્ટ વધીને 24,106 ના સ્તરે ટ્રેડિંગ શરૂ કર્યું.
સોમવારે તેજી સાથે ખૂલ્યુ શેરબજાર
સવારે 9.30 કલાકની વાત કરીએ તો, સેન્સેક્સ 404 પોઇન્ટના વધારા સાથે 77,207 અંકે ખૂલ્યો જ્યારે 118.85નિફ્ટી પોઇન્ટના વધારા સાથે 24,131 અંકે ખૂલ્યો.
સ્વિટ્ઝર્લેન્ડમાં અમેરિકા અને ઈરાન વચ્ચે ચાલી રહેલી શાંતિ મંત્રણા વચ્ચે વૈશ્વિક બજારના સેન્ટિમેન્ટમાં સુધારો થયો છે. જોકે, તેલના ભાવમાં વધારાને કારણે આજે એશિયન બજારો મિશ્ર વલણ સાથે ખુલ્યા. જાપાનના બજારમાં નોંધપાત્ર તેજી જોવા મળી; નિક્કી 225 ઇન્ડેક્સ 1.82% વધ્યો, જે 72,550 ના સ્તરને પાર કરી ગયો. દરમિયાન, દક્ષિણ કોરિયાનો KOSPI ઇન્ડેક્સ પણ 1.58% ના મજબૂત વધારા સાથે ટ્રેડિંગ કરી રહ્યો છે. તેનાથી વિપરીત, હોંગકોંગનો હેંગ સેંગ ઇન્ડેક્સ 1.5%–2% ના ઘટાડા સાથે 23,545 ના સ્તરે ટ્રેડિંગ કરી રહ્યો છે.
ક્રૂડ ઓઇલના ભાવ
આજે, 22 જૂન, આંતરરાષ્ટ્રીય બજારોમાં ક્રૂડ ઓઇલના ભાવ ફરી એકવાર ઉછળ્યા છે. વેસ્ટ ટેક્સાસ ઇન્ટરમીડિયેટ (WTI) ક્રૂડ ઓઇલના ભાવ 2.06% વધીને $78.18 પ્રતિ બેરલ પર ટ્રેડ થઈ રહ્યા છે. દરમિયાન, ઓગસ્ટ ડિલિવરી માટે બ્રેન્ટ ક્રૂડ ફ્યુચર્સ 0.83% ઘટીને $81.24 પર ટ્રેડ થઈ રહ્યા છે, જે $80 ના મુખ્ય મનોવૈજ્ઞાનિક સ્તરથી ઉપર છે. COMEX પર, ક્રૂડ ઓઇલના ભાવ 2.06% વધીને $78.18 પ્રતિ બેરલ પર પહોંચ્યા છે. હોર્મુઝ સ્ટ્રેટના સંભવિત બંધ અંગે ઈરાનની જાહેરાત અને યુએસ રાષ્ટ્રપતિ ડોનાલ્ડ ટ્રમ્પની ચેતવણીઓ વચ્ચે વૈશ્વિક ક્રૂડ ઓઇલના ભાવમાં ફરી તેજી જોવા મળી છે.
અમેરિકા-ઈરાન કરાર
યુદ્ધવિરામ વચ્ચે પણ અમેરિકા અને ઈરાન બંને દ્વારા હુમલા ચાલુ રહ્યા છે. હાલમાં, બંને રાષ્ટ્રો એક કરાર અંગે વાટાઘાટો કરી રહ્યા છે, અને અંતિમ મુસદ્દા પર હસ્તાક્ષર કરવાની તૈયારીઓ ચાલી રહી છે. અમેરિકા અને ઈઝરાયલ પર કરાર (MoU)નું ઉલ્લંઘન કરવાનો આરોપ લગાવતા, ઈરાને ફરી એકવાર હોર્મુઝ સ્ટ્રેટને જહાજોના ટ્રાફિક માટે બંધ કરી દીધું છે. ઈરાનના ઇસ્લામિક રિવોલ્યુશનરી ગાર્ડ કોર્પ્સ (IRGC) ની ધમકીઓને પગલે, શિપિંગ કંપનીઓ હોર્મુઝ સ્ટ્રેટમાંથી પસાર થવાનું ટાળી રહી છે.
આ પણ વાંચો-પાણીપુરીમાં બટાકા ચણા જ કેમ ભરવામાં આવે છે?
