શેરબજારમાં મંદીનો દોર યથાવત. સપ્તાહના પ્રથમ દિવસે શેરબજાર ઘટાડા સાથે ખૂલ્યું. નબળા વૈશ્વિક સંકેતો વચ્ચે, 26 ઓક્ટોબરે ભારતીય સૂચકાંકો નીચા સ્તરે ખુલ્યા અને નિફ્ટી 22500 ની નીચે આવી ગયો. વૈશ્વિક સ્તરે રાજકીય તણાવ અને પશ્ચિમ એશિયામાં તણાવની ભારતના શેરબજાર પર અસર દેખાઈ. દિવાળી તહેવારને ગણતરીના દિવસો બાકી છે ત્યારે બજાર લાલ નિશાન સાથે ખૂલતા રોકાણકારો ચિંતિત થયા.
સેન્સેક્સ અને નિફ્ટી ઘટાડા સાથે ખૂલ્યા
આજે સોમવારના રોજ સવારે 09:02 વાગ્યે (IST), સેન્સેક્સ 109.13 પોઈન્ટ અથવા 0.15 ટકા વધીને 73,232.96 પર બંધ રહ્યો હતો, જ્યારે નિફ્ટી 105.10 પોઈન્ટ અથવા 0.47 ટકા ઘટીને 22,494.90 પર બંધ રહ્યો હતો. લગભગ 877 શેરોમાં સુધારો થયો, 1,794 ઘટ્યા અને 202 શેરોમાં કોઈ ફેરફાર થયો નહીં.
શેરબજારમાં મંદીનો દોર યથાવત
સ્થાનિક શેરબજારમાં ઘટાડો સમાપ્ત થવાના કોઈ સંકેત દેખાતા નથી. સેન્સેક્સ 312 પોઈન્ટ ઘટીને 72811 પર અને નિફ્ટી 100 પોઈન્ટથી વધુ ઘટીને 22470 પર બંધ થયો. અગાઉ, BSEનો 30 શેરનો સંવેદનશીલ સૂચકાંક સેન્સેક્સ 73000 ની નીચે ખુલ્યો હતો. તે તેના પાછલા બંધ કરતા 133 પોઈન્ટ ઘટીને 72990 પર ખુલ્યો હતો. જ્યારે, NSEનો 50 શેરનો બેન્ચમાર્ક સૂચકાંક નિફ્ટીએ સોમવારના ટ્રેડિંગની શરૂઆત 75 પોઈન્ટ ઘટીને 22524 પર કરી હતી. ગત સપ્તાહમાં પણ છેલ્લા 4 દિવસ બજારમાં તીવ્ર ઘટાડો થયો હતો. 4 દિવસમાં રોકાણકારોએ 21 લાખ કરોડ ગુમાવ્યા. ત્યારે આજે સપ્તાહના પ્રથમ દિવસે ફરી બજાર ઘટાડા સાથે ખૂલ્યું. શેરબજાર પર મંદીનું ગ્રહણ.
એશિયન બજારોમાં પણ સાવધાની
સોમવારે એશિયન બજારોમાં મિશ્ર વલણ જોવા મળ્યું. બજાર ખુલતાની સાથે જ દક્ષિણ કોરિયાનો કોસ્પી ઇન્ડેક્સ 0.92 ટકા ઘટીને 5,499 પર પહોંચી ગયો. રોકાણકારો મુખ્ય સેમિકન્ડક્ટર કંપનીઓના પરિણામો અને યુએસ ફેડના નિર્ણયની રાહ જોઈ રહ્યા છે. ગયા અઠવાડિયે કોસ્પી 2.08 ટકા ઘટ્યો હતો. જાપાનમાં પણ બજાર નબળાઈ સાથે શરૂ થયું હતું, પરંતુ બાદમાં નિક્કી 225 સુધર્યું અને લગભગ 0.2 ટકાના વધારા સાથે ટ્રેડિંગ શરૂ કર્યું. તેને કિયોક્સિયા અને સોફ્ટબેંકના શેરમાં વધારાથી ટેકો મળ્યો.
આ પણ વાંચો : Stock Market Today: શેરબજારમાં ભારે તોફાન, 4 દિવસમાં રોકાણકારોના ₹21 લાખ કરોડ સ્વાહા.. આ 5 કારણો જવાબદાર
