બુધવારે શેરબજારની શરૂઆત લીલા નિશાનમાં થઇ હતી. સેન્સેક્સ અને નિફ્ટી બંને નજીવા વધારા સાથે ખૂલ્યા.સવારે 9.32 કલાકે સેન્સેક્સ +55.09 પોઇન્ટના વધારા સાથે 81,393.05 અંકે ખૂલ્યો જ્યારે નિફ્ટી 22.80 પોઇન્ટના વધારા સાથે 24843 અંકે ખૂલ્યો.

વૈશ્વિક બજારોમાંથી શું સંકેતો મળી રહ્યા છે?


  • યુએસ વાણિજ્ય સચિવ હોવર્ડ લુટનિકે કહ્યું કે રાષ્ટ્રપતિ ટ્રમ્પ દ્વારા ટેરિફ લાદવાની સમયમર્યાદામાં વધુ વિલંબ થશે નહીં, ત્યારબાદ એશિયન બજારો મિશ્ર ખુલ્યા.
  • ભારે ટેરિફ પર કામચલાઉ પ્રતિબંધ લંબાવવા અંગે કોઈ કરાર થયા વિના અમેરિકા અને ચીને વેપાર વાટાઘાટો સમાપ્ત કરી.
  • જાપાનનો નિક્કી 225 ઇન્ડેક્સ 0.14 ટકા ઘટ્યો હતો જ્યારે હોંગકોંગનો હેંગ સેંગ ઇન્ડેક્સ 1 ટકા ઘટ્યો હતો.
  • જોકે, દક્ષિણ કોરિયાનો કોસ્પી ઇન્ડેક્સ 0.3 ટકા વધ્યો હતો.
  • મંગળવારે વોલ સ્ટ્રીટના બેન્ચમાર્ક સૂચકાંકો નીચા સ્તરે બંધ થયા હતા.
  • રોકાણકારો ઊંચા કોર્પોરેટ મૂલ્યાંકન અંગે ચિંતિત હતા. S&P 500 ઇન્ડેક્સ 0.3 ટકા ઘટ્યો હતો જ્યારે નાસ્ડેક 0.38 ટકા ઘટ્યો હતો.

ભારત પર ટેરિફને લઇને શું બોલ્યા ટ્રમ્પ ?

અમેરિકી રાષ્ટ્રપતિ ડોનાલ્ડ ટ્રમ્પે મંગળવારે કહ્યું હતું કે ભારતથી અમેરિકામાં થતી નિકાસ પર 25% સુધીનો ટેરિફ લાદી શકાય છે. જોકે, તેમણે એ પણ સ્પષ્ટ કર્યું કે આ અંગે હજુ સુધી કોઈ અંતિમ નિર્ણય લેવામાં આવ્યો નથી. ટ્રમ્પનું આ નિવેદન એવા સમયે આવ્યું છે જ્યારે ભારત અને અમેરિકા વચ્ચે લાંબા સમયથી ચાલી રહેલા વેપાર વિવાદોને ઉકેલવાના પ્રયાસો ચાલી રહ્યા છે.વધુ અપડેટ માટે જુઓ..

https://sandesh.com/stockmarket