ભારતમાં આ વર્ષે ખાંડનું ઉત્પાદન ખુબ જ સારૂં રહ્યું છે. એક અગ્રણી ઉદ્યોગ સંસ્થાએ સોમવારે અહેવાલ આપ્યો હતો કે ભારતીય મિલોએ 1 ઓક્ટોબરથી 15 માર્ચ દરમિયાન 26.18 મિલિયન મેટ્રિક ટન ખાંડનું ઉત્પાદન કર્યું, જે ગયા વર્ષ કરતા 10.4% વધુ છે. કુલ ઉત્પાદનમાં આ વધારો દેશના ટોચના ત્રણ ખાંડ ઉત્પાદક રાજ્યોમાં ઉત્પાદનમાં વધારો થવાને કારણે થયો હતો.
કર્ણાટકમાં ઉત્પાદન 17.1% વધીને 4.58 મિલિયન ટન થયું
નેશનલ ફેડરેશન ઓફ કોઓપરેટિવ સુગર ફેક્ટરીના જણાવ્યા મુજબ પશ્ચિમી રાજ્ય મહારાષ્ટ્રમાં ખાંડનું ઉત્પાદન 7.86 મિલિયન ટનથી વધીને 9.85 મિલિયન ટન થયું છે, જ્યારે પડોશી રાજ્ય કર્ણાટકમાં ઉત્પાદન 17.1% વધીને 4.58 મિલિયન ટન થયું છે. ફેડરેશને એક નિવેદનમાં જણાવ્યું હતું કે ઉત્તરીય રાજ્ય ઉત્તર પ્રદેશમાં ઉત્પાદનમાં થોડો વધારો થયો છે, જે 8.1 મિલિયન ટનથી વધીને 8.15 મિલિયન ટન થયું છે. ફેડરેશને એ પણ નોંધ્યું છે કે અત્યાર સુધીમાં આ સિઝન શરૂ થયેલી 533 ખાંડ મિલોમાંથી 333એ કામગીરી સ્થગિત કરી દીધી છે.