દેશમાં બજેટ 2026 ને લઈને ઉત્સાહ ચરમસીમાએ છે અને દરેક વ્યક્તિ 1 ફેબ્રુઆરીએ નાણામંત્રી નિર્મલા સીતારમણના ભાષણની આતુરતાથી રાહ જોઈ રહ્યા છે. લોકોને નાણામંત્રી પાસેથી ઘણી અપેક્ષાઓ છે. તેઓ સતત નવમી વખત બજેટ રજૂ કરવાના છે. રોકાણકારો અને સામાન્ય લોકોના મનમાં એક પ્રશ્ન વધુને વધુ ઉદભવી રહ્યો છે શું બજેટ રજૂ થાય તે દિવસે શેરબજાર ખુલ્લું રહેશે?
રવિવારે ખૂલશે કે નહી માર્કેટ ?
1 ફેબ્રુઆરી રવિવાર હોવાથી ઘણા લોકો અનિશ્ચિત છે કે બજાર હંમેશની જેમ ખુલ્લું રહેશે કે બંધ.તેથી બજેટના દિવસે શેરબજાર ખુલ્લું રહેશે કે નહીં તે જાણવું મહત્વપૂર્ણ બની જાય છે.
1 ફેબ્રુઆરીએ શેરબજાર ખુલશે
બજેટના દિવસે રવિવાર 1 ફેબ્રુઆરી, 2026 શેરબજાર રાબેતા મુજબ ખુલ્લું રહેશે. BSE અને NSE બંને આ દિવસે ખાસ ટ્રેડિંગ સત્રો યોજશે. NSE એ સ્પષ્ટતા કરી છે કે આ દિવસે ખરીદી અને વેચાણ હંમેશની જેમ ઉપલબ્ધ રહેશે, અને રોકાણકારો કોઈપણ વિક્ષેપ વિના વેપાર કરી શકશે.
શેરબજાર પર બજેટની અસર
દર વર્ષે રજૂ થતું બજેટ ફક્ત સરકારી આંકડાઓનો સારાંશ નથી પરંતુ ભવિષ્યમાં દેશની આર્થિક દિશા પણ નક્કી કરે છે. તે સ્પષ્ટપણે દર્શાવે છે કે સરકાર કર પ્રણાલીને કેવી રીતે આગળ વધારવા માંગે છે. તે એ પણ દર્શાવે છે કે કયા ક્ષેત્રોને પ્રાથમિકતા મળશે અને કયા ક્ષેત્રોને વધુ રોકાણ મળશે. આ ભવિષ્યની નીતિઓ અને યોજનાઓનો આધાર છે.
બજેટ જાહેરાતોની અસર શેરબજાર પર દેખાય છે. જે ક્ષેત્રોમાં વધુ ભંડોળ અથવા સમર્થન મળે છે તેવા ક્ષેત્રોમાં કંપનીઓના શેરમાં વધારો થવાનું વલણ હોય છે, જ્યારે જે ક્ષેત્રોમાં સરકારનું ઓછું ધ્યાન મળે છે તેવા ક્ષેત્રોમાં શેર દબાણ અનુભવે છે. રોકાણકારો બજેટના આધારે તેમની વ્યૂહરચનાઓ પણ ગોઠવે છે.
Gold Silver Price Today: એક જ દિવસમાં ચાંદી એક લાખ રૂપિયા સસ્તી, સોનામાં પણ ભાવ ઘટ્યા, જાણો લેટેસ્ટ રેટ
