શેરબજારમાં જબરદસ્ત ઘટાડો આવ્યો છે. બજેટની રજૂઆત વચ્ચે આજે ભારતીય શેરબજાર ડાઉન જોવા મળ્યું. સેન્સેક્સ 1,843.43 પોઇન્ટ તૂટીને 80,722.94 અંકે બંધ થયો. જ્યારે નિફ્ટી 651 પોઇન્ટના ઘટાડા સાથે 24,767.05 અંકે બંધ થયો.
અચાનક શેરબજારમાં ઘટાડો કેમ?
શેરબજારમાં અચાનક ઘટાડો સ્પેશિયલ ટેક્સ (STT) માં વધારાને કારણે હોવાનું માનવામાં આવે છે. બજેટ દરમિયાન, નાણામંત્રી નિર્મલા સીતારમણે સિક્યોરિટી ટ્રાન્ઝેક્શન ટેક્સ (STT) માં વધારો કર્યો હતો, જેનાથી ફ્યુચર્સ અને ઓપ્શન્સમાં ટ્રેડિંગ કરતા રોકાણકારોને મોટો ફટકો પડ્યો હતો. ફ્યુચર્સ માટે STT 0.025% થી વધારીને 0.05% કરવામાં આવ્યો હતો. ઓપ્શન ટ્રેડિંગ માટે STT 0.1% થી વધારીને 0.15% કરવામાં આવ્યો હતો. ગયા વર્ષે પણ આ જ ટેક્સ વધારો કરવામાં આવ્યો હતો.