માઈનિંગ ક્ષેત્રની અગ્રણી કંપની વેદાંતા લિમિટેડે જાન્યુઆરી-માર્ચ 2026 ત્રિમાસિકના મજબૂત નાણાકીય પરિણામો જાહેર કર્યા છે. કંપનીનું ઓપરેશન્સમાંથી કન્સોલિડેટેડ રેવન્યુ વર્ષ દરમિયાન 47.4 ટકાનો ઉછાળો લઈને 24,609 કરોડ રૂપિયા સુધી પહોંચ્યું છે, જે ગયા વર્ષના સમાન સમયગાળા દરમિયાન 16,686 કરોડ રૂપિયા હતું.
ત્રિમાસિકમાં કુલ ખર્ચ 19,119 કરોડ રૂપિયા રહ્યો
આ સાથે જ કંપનીનો શુદ્ધ નફો પણ નોંધપાત્ર રીતે વધ્યો છે. માર્ચ 2026 ત્રિમાસિક દરમિયાન નફામાં 92 ટકાનો વધારો નોંધાયો છે અને તે 6,698 કરોડ રૂપિયા રહ્યો છે, જ્યારે ગયા વર્ષે આ જ ત્રિમાસિકમાં નફો 3,483 કરોડ રૂપિયા હતો. જોકે, ખર્ચમાં પણ વધારો થયો છે. તાજેતરના ત્રિમાસિકમાં કુલ ખર્ચ 19,119 કરોડ રૂપિયા રહ્યો, જે ગયા વર્ષે 13,702 કરોડ રૂપિયા હતો.
કંપનીનો શેર 779 રૂપિયા પર પહોંચ્યો
પૂર્ણ નાણાકીય વર્ષ 2026 માટે કંપનીનું કુલ કન્સોલિડેટેડ રેવન્યુ 78,437 કરોડ રૂપિયા નોંધાયું છે, જ્યારે શુદ્ધ નફો 17,391 કરોડ રૂપિયા રહ્યો છે. આ સમયગાળા દરમિયાન કુલ ખર્ચ 62,880 કરોડ રૂપિયા રહ્યો છે. અનિલ અગ્રવાલની માલિકીની આ કંપનીની પેરેન્ટ કંપની વેદાંતા રિસોર્સ છે, જેનું મુખ્ય મથક લંડનમાં આવેલું છે.
શેરબજારમાં પણ કંપનીના શેરમાં તેજી જોવા મળી હતી. 29 એપ્રિલે વેદાંતા લિમિટેડનો શેર BSE પર 5.4 ટકા સુધી ઉછળી 779.45 રૂપિયા સુધી પહોંચ્યો હતો અને અંતે 773.25 રૂપિયા પર બંધ થયો હતો. છેલ્લા 6 મહિનામાં શેરમાં 50 ટકા, એક વર્ષમાં 86 ટકા અને એક મહિનામાં 19 ટકાનો ઉછાળો નોંધાયો છે.
આ પણ વાંચો : Bank Holidays in May: બેંકના કામકાજ પતાવી લેજો! મે મહિનામાં 13 દિવસ બેંકો રહેશે બંધ, જુઓ સંપૂર્ણ લિસ્ટ
ડિસ્કલેમર: શેરબજારમાં કે મ્યુચ્યુઅલ ફંડમાં રોકાણ કરતા પહેલા તમારા ફાઈનાન્શિયલ એડવાઈઝરની સલાહ અવશ્ય લો.
