અદાણી એન્ટરપ્રાઇઝિસની વાર્ષિક સામાન્ય સભાને સંબોધતા મંગળવારે અદાણી ગ્રુપના ચેરમેન ગૌતમ અદાણીએ જણાવ્યું હતું કે અદાણી જુથ તેના વિવિધ કારોબાર માટે આગામી પાંચ વર્ષમાં 15 થી 20 અબજ ડોલરનું રોકાણ કરશે. વધુમાં તેમણે એમ પણ જણાવ્યું હતું કે અદાણી ગ્રુપમાંથી કોઈ પર FCPAનું ઉલ્લંઘન કરવાનો કે ન્યાયમાં અવરોધ ઊભો કરી કાવતરું ઘડવાનો આરોપ મૂકવામાં આવ્યો નથી. સત્ય ઘણીવાર નકારાત્મકતા કરતાં નરમ બોલે છે પરંતુ તેનું વજન વધુ હોય છે

તેમણે જણાવ્યું હતું કે અદાણી ગ્રુપે આવકમાં રૂ.2.71 લાખ કરોડ અને સમાયોજિત EBITDAમાં રૂ.89,806 કરોડ નોંધાવ્યા છે. આગામી પાંચ વર્ષમાં વાર્ષિક મૂડીખર્ચ $15-20 બિલિયનને સ્પર્શવાનો અંદાજ હોવા છતાં, 2.6x નો સ્વસ્થ ચોખ્ખો EBITDA ગુણોત્તર જાળવી રાખવામાં આવ્યો હતો.

ગૌતમ અદાણીએ વ્યવસાયો ઉપરાંત આરોગ્ય, શિક્ષણ અને કૌશલ્ય વિકાસ માટે પ્રતિબદ્ધ રૂ.60,000 કરોડના પરોપકારી પ્રયાસોની રૂપરેખા આપી હતી. તેમણે જાહેરાત કરી કે અમદાવાદ અને મુંબઈમાં અદાણીની આગામી 1,000 બેડની હોસ્પિટલોને માયો ક્લિનિક દ્વારા સસ્તી વિશ્વ કક્ષાની સંભાળ પૂરી પાડવા માટે ટેકો આપવામાં આવશે.મહાકુંભ મેળાની વાત કરતા તેમણે જણાવ્યું કે તેમાં અદાણી જૂથે મુખ્ય ભૂમિકા ભજવી હતી. 5,000થી વધુ કર્મચારીઓએ મહાપ્રસાદ સેવામાં સ્વયંસેવા આપી હતી અને લાખો યાત્રાળુઓને મફ્ત ભોજનનું વિતરણ કર્યું હતું.