ગુરુવારે એશિયન બજારોના મિશ્ર વલણો વચ્ચે ભારતીય શેરબજાર નજીવા વધારા સાથે બંધ થયા. IT અને કન્ઝયૂમર ડયૂરેબલ શેરોમાં વધારાને કારણે બજાર લીલા રંગમાં બંધ થયું. જોકે, યૂક્રેન યુદ્ધ પર રશિયા અને અમેરિકા વચ્ચેની વાટાઘાટો પહેલા રોકાણકારોએ સાવધ વલણ અપનાવ્યું. નિષ્ણાતો કહે છે કે જો રશિયા અને અમેરિકા વચ્ચેની વાટાઘાટો નિષ્ફ્ળ જાય છે, તો ભારતને વધુ ટેરિફનો સામનો કરવો પડી શકે છે.
ગુરુવારે BSE સેન્સેક્સ ઇન્ડેક્સ વધારા સાથે ખૂલ્યો. ટ્રેડિંગ દરમિયાન, તે 80,751 પોઈન્ટની ઊંચી સપાટી અને 80,489 પોઈન્ટની નીચી સપાટીએ પહોંચ્યો. અંતે, તે 57.75 પોઈન્ટ અથવા 0.07 ટકાના નજીવા વધારા સાથે 80,597 પર બંધ થયો.
એ જ રીતે, ગુરુવારે નેશનલ સ્ટોક એક્સ્ચેન્જ (NSE)નો નિફ્ટી-50 24,600ની આસપાસ ખૂલ્યો. ઇન્ટ્રાડે ટ્રેડિંગમાં, ઇન્ડેક્સ 24,673ની ઊંચી સપાટી અને 24,596ની નીચી સપાટીએ પહોંચ્યો. અંતે, તે 11.95 પોઈન્ટ અથવા 0.05 ટકાના નજીવા વધારા સાથે લગભગ ફ્લેટ બંધ થયો. ટોચના લાભાર્થીઓ અને ગુમાવનારાઓ સેન્સેક્સ કંપનીઓમાં, એટરનલ, ઇન્ફેસિસ, એશિયન પેઇન્ટ્સ, HDFC બેંક અને બજાજ ફિનસર્વ મુખ્ય લાભકર્તા હતા. જ્યારે તાતા સ્ટીલ, ટેક મહિન્દ્રા અને અદાણી પોર્ટ્સ સૌથી વધુ નુકસાનકર્તાઓમાં હતા. વ્યાપક બજારોમાં, નિફ્ટી મિડકેપ 100 ઇન્ડેક્સ 0.31 ટકા અને સ્મોલકેપ 100 0.38 ટકા ઘટયો. ક્ષેત્રિય મોરચે મિશ્ર પ્રદર્શન જોવા મળ્યું. નિફ્ટી કન્ઝયૂમર ડયૂરેબલ્સ સૌથી વધુ 0.75 ટકા વધ્યા. નિફ્ટી IT ઇન્ડેક્સ 0.4 ટકા વધીને બંધ થયો. બીજી તરફ, નિફ્ટી મેટલ ઇન્ડેક્સ 1.39 ટકા ઘટયો જ્યારે નિફ્ટી રિયલ્ટી 0.76 ટકા ઘટયો.
વૈશ્વિક બજારોની સ્થિતિ શું છે?
બુધવારે વોલ સ્ટ્રીટ ઇન્ડેક્સ વધારા સાથે બંધ થયા. બેન્ચમાર્ક S&P 500 અને Nasdaq બુધવારે રેકોર્ડ ઊંચાઈની આસપાસ રહ્યા. રોકાણકારોને વિશ્વાસ વધી રહ્યો હતો કે ફેડરલ રિઝર્વ આવતા મહિને તેની નાણાકીય નીતિ સરળતા ચક્ર ફરી શરૂ કરી શકે છે. જ્યારે ડાઉ જોન્સ ઇન્ડસ્ટ્રિયલ એવરેજ પણ મજબૂત રીતે બંધ થયો. ડાઉ જોન્સ 1.4 ટકાના વધારા સાથે બંધ થયો. ઉપરાંત, S&P 500 એક્સ્ચેન્જ 0.32 ટકા વધ્યો અને Nasdaq 0.14 ટકા વધ્યો. એશિયન બજારોમાં મિશ્ર કારોબાર જોવા મળ્યો. જાપાનનો નિક્કી 1.2 ટકા અને દક્ષિણ કોરિયાનો Kospi 0.03 ટકા નીચે હતો. તેનાથી વિપરીત, મેઇનલેન્ડ ચીનનો CSI 300 એક્સ્ચેન્જ 0.59 ટકા, હોંગકોંગનો હેંગ સેંગ 0.39 ટકા અને ઓસ્ટ્રેલિયાનો AXS 2000.66 ટકા વધ્યો.
