શુક્રવારે 7 ટકાના ઉછાળા પછી ક્રૂડ 0.79 ટકા ઘટી 75 ડોલરથી નીચે
ઇક્વિટી બજારમાં તેજી, ડોલરમાં નરમાશ અને ક્રૂડના ભાવમાં ઘટાડાતરફી ચાલને પગલે સોમવારે યુએસ ડોલર સામે ભારતીય રૂપિયો 6 પૈસા વધીને 86.03ની સપાટીએ બંધ રહ્યો હતો. દેશનો જથ્થાબંધ ફુગાવાનો દર પણ 14 મહિનાની નીચી સપાટીએ આવતા રૂપિયાને બળ મળ્યું હતું. દરમિયાન ઇઝરાયેલે શુક્રવારે વહેલી સવારે ઇરાન પર હુમલો કર્યો તે પછી ક્રૂડના ભાવમાં પ્રારંભે 11 ટકા ઉછાળો જોવા મળ્યો અને 13 જુનના રોજ બ્રેન્ટ ક્રૂડ 7 ટકા જેટલું વધીને બંધ રહ્યું તે પછી આજે ક્રૂડમાં ઘટાડા તરફી ચાલ જોવા મળી હતી અને ગ્લોબલ બેન્ચમાર્ક ગણાતું બ્રેન્ટ ક્રૂડ 0.79 ટકા ઘટીને પ્રતિ બેરલ 73.64 ડોલરની સપાટીએ ટ્રેડ થતું જોવા મળ્યું હતું.
