કેનેડાના વડા પ્રધાન માર્ક કાર્ની વૈશ્વિક વેપારને ફરીથી દિશા આપવાના મિશન પર છે.
આક્રમક નીતિઓ અને ભારે ટેરિફ
અમેરિકાના રાષ્ટ્રપતિ ડોનાલ્ડ ટ્રમ્પની આક્રમક નીતિઓ અને ભારે ટેરિફ વચ્ચે, કાર્ની માને છે કે, અમેરિકા હવે પહેલા જેવું રહ્યું નથી. તેમનું કહેવું છે કે અમેરિકા અટલ રીતે બદલાઈ ગયું છે. અને કેનેડા માટે ફક્ત વોશિંગ્ટન પર આધાર રાખવો હવે સલામત નથી. આ ભાવનામાં જ કાર્નીએ નવા વિશ્વ વ્યવસ્થાની વાત કરી હતી. માર્ક કાર્ની 13 જાન્યુઆરીએ ચીન પહોંચ્યા હતા. આઠ વર્ષમાં કેનેડિયન વડા પ્રધાનની ચીનની આ પહેલી મુલાકાત હતી.
કેનેડાની સૌથી મોટી ચિંતા કઇ?
બેઇજિંગમાં, કાર્નીએ ચીનના રાષ્ટ્રપતિ શી જિનપિંગ સાથે મુલાકાત કરી અને કૃષિ, ઊર્જા અને રોકાણ જેવા ક્ષેત્રોમાં સહયોગ વધારવાનો સંકેત આપ્યો. તેમની મુલાકાત દરમિયાન, તેમણે સ્પષ્ટપણે જણાવ્યું હતું કે, વિશ્વ એક નવા યુગમાં પ્રવેશી રહ્યું છે અને કેનેડા તેમાં સક્રિય ભૂમિકા ભજવવા માંગે છે. કેનેડાની સૌથી મોટી ચિંતા યુએસ પર તેની નિર્ભરતા છે. 2024 માં, યુએસએ કેનેડાની નિકાસનો લગભગ 75% હિસ્સો ખરીદ્યો. આનો અર્થ એ થયો કે કેનેડાનું અર્થતંત્ર મોટાભાગે યુએસ બજાર પર નિર્ભર છે. ચીન કેનેડાનું બીજું સૌથી મોટું બજાર છે.
યુએસ મનરો સિદ્ધાંતનો વિરોધ
તેમની નવી રાષ્ટ્રીય સુરક્ષા વ્યૂહરચના 2025 માં, ટ્રમ્પે સ્પષ્ટ કર્યું છે કે અમેરિકા પશ્ચિમી ગોળાર્ધમાં પોતાનો પ્રભાવ જાળવી રાખશે. વેનેઝુએલા પર હુમલો કર્યા પછી, તેમણે ગ્રીનલેન્ડ, ક્યુબા અને કોલંબિયાને પણ ધમકી આપી છે. આ અભિગમને મનરો સિદ્ધાંત જેવો જ જોવામાં આવે છે, જેમાં અમેરિકાએ તેના પડોશીઓ પર પ્રભુત્વ મેળવવાનો પ્રયાસ કર્યો હતો. કેનેડા આ અભિગમનો વિરોધ કરે છે.
આ પણ વાંચોઃ India On Iran Protest: ભારતીય ગરિકોને તાત્કાલિક ઈરાન છોડવા અને વિરોધ પ્રદર્શનોવાળા વિસ્તારોથી દૂર રહેવા અપીલ
