Nita Ambaniએ મહિલા દિવસ પર તેમના ફિટનેસ સિક્રેટ કર્યા શેર

દેશ અને દુનિયાભરમાં આજે આંતરરાષ્ટ્રીય મહિલા દિવસની ઉજવણી કરવામાં આવી રહી છે. દરેક વ્યક્તિ પોતાની રીતે મહિલા દિવસની ઉજવણી કરી રહી છે. આ દરમિયાન રિલાયન્સ ફાઉન્ડેશનના ચેરપર્સન નીતા અંબાણીએ આ મહિલા દિવસ પર પોતાની ફિટનેસનું રહસ્ય બધા સાથે શેર કર્યું છે.

ઉંમર એ માત્ર એક નંબર છે

નીતા અંબાણી દ્વારા શેર કરાયેલા વીડિયોનું નામ 'The Strong her movement!' આપવામાં આવ્યું છે. આ વીડિયોમાં નીતા અંબાણી તેમની ફિટનેસ જર્ની શેર કરે છે અને તમામ ઉંમરની મહિલાઓને તેમના સ્વાસ્થ્ય અને સુખાકારીને પ્રાથમિકતા આપવા માટે જાણકારી આપે છે. તેમના સમર્પિત વર્કઆઉટ રૂટિન દ્વારા તે આપણને જણાવે છે કે ઉંમર ફક્ત એક નંબર છે.

નીતા અંબાણીના વીડિયોની ખાસિયતો

નીતા અંબાણી 61 વર્ષના છે અને આ ઉંમરે મોટાભાગની ભારતીય મહિલાઓને સ્વાસ્થ્ય સંબંધિત ઘણી સમસ્યાઓનો સામનો કરવો પડે છે. આ સમસ્યાઓને દૂર કરવા માટે નીતા અંબાણીએ તેમના અદ્ભુત વર્કઆઉટ રૂટિન દ્વારા સાબિત કરી બતાવ્યું છે કે વધતી ઉંમર સાથે ફિટનેસ મહત્વપૂર્ણ છે. વીડિયોમાં તેણીએ જણાવ્યું છે કે તે ફિટ રહેવા માટે અઠવાડિયામાં 5થી 6 દિવસ કસરત કરે છે. આ સાથે જ તે ઘણી વખત સ્વિમિંગ અને એક્વા એક્સરસાઈઝ પણ કરે છે. ઘણા દિવસો સુધી તે ડાન્સ પણ કરે છે. આ જ કારણ છે કે તે 61 વર્ષની ઉંમરે પણ ફીટ દેખાય છે.

આંતરરાષ્ટ્રીય મહિલા દિવસ શા માટે ઉજવવામાં આવે છે?

મહિલાઓના અધિકારો, સિદ્ધિઓ અને સશક્તિકરણને પ્રોત્સાહન આપવા માટે દર વર્ષે 8 માર્ચે આંતરરાષ્ટ્રીય મહિલા દિવસ ઉજવવામાં આવે છે. આ દિવસ લિંગ સમાનતા અને મહિલાઓના યોગદાનને માન આપવા માટે સમર્પિત છે.