હવે કારનો ક્રેશ ટેસ્ટ ભારતમાં જ થશે,નીતિન ગડકરીએ ભારત NCAP કર્યું લોન્ચ

• BNCAP સંપૂર્ણપણે સ્વૈચ્છિક છે
  
• વાહનોની સુરક્ષા સુવિધાઓમાં સુધારો
• દર વર્ષે લગભગ પાંચ લાખ અકસ્માતો 

કેન્દ્રીય મંત્રી નીતિન ગડકરીએ મંગળવારે દેશનો પ્રથમ ક્રેશ ટેસ્ટ પ્રોગ્રામ - ભારત NCAP લોન્ચ કર્યો. તેનો ઉદ્દેશ્ય 3.5 ટન સુધીના મોટર વાહનો માટે માર્ગ સલામતીના ધોરણોને સુધારવાનો છે. રોડ, ટ્રાન્સપોર્ટ અને હાઈવે મિનિસ્ટર નીતિન ગડકરીએ કહ્યું કે ઓટોમોબાઈલ ઉદ્યોગ અને સમાજ માટે આ એક મહત્વપૂર્ણ દિવસ છે કારણ કે તે વાહનોની સુરક્ષા સુવિધાઓમાં સુધારો કરશે.

નીતિન ગડકરીએ શું કહ્યું?

તેમણે કહ્યું કે ભારત NCAP (ઇન્ડિયા ન્યૂ કાર એસેસમેન્ટ પ્રોગ્રામ) તમામ હિતધારકોના દૃષ્ટિકોણને ધ્યાનમાં રાખીને વ્યવસ્થિત રીતે તૈયાર કરવામાં આવ્યો છે. ગડકરીએ કહ્યું કે દેશ બે પડકારોનો સામનો કરી રહ્યો છે - માર્ગ અકસ્માત અને વાયુ પ્રદૂષણ. ભારતમાં દર વર્ષે લગભગ પાંચ લાખ અકસ્માતો થાય છે અને આ અકસ્માતોને કારણે લગભગ 1.5 લાખ લોકો મૃત્યુ પામે છે.

નીતિન ગડકરીએ કહ્યું, "અમારા માટે માર્ગ સલામતી સૌથી મહત્વપૂર્ણ છે. અમે અમારા એન્જિનિયરોને આધુનિક ટેક્નોલોજી શીખવીએ છીએ. લોકો સસ્તા વાહનો નહીં પણ શ્રેષ્ઠ વાહનો ખરીદવા માંગે છે." તેમણે કહ્યું, "જે કાર ઉત્પાદકો આધુનિક કાર સુરક્ષા સાથે કાર બનાવે છે, તેમનો બજાર હિસ્સો વધશે.

1 ઓક્ટોબર 2023થી લાગુ થશે

કાર ઉત્પાદકો સ્વૈચ્છિક રીતે ઓટોમોટિવ ઇન્ડસ્ટ્રી સ્ટાન્ડર્ડ (AIS) 197 મુજબ પરીક્ષણ કરાયેલ તેમના વાહનો ઓફર કરી શકે છે. અત્યાર સુધીમાં, BNCAP સંપૂર્ણપણે સ્વૈચ્છિક છે અને તેને પરીક્ષણ માટે 30થી વધુ કાર મળી છે. ઈન્ડિયા NCAP વયસ્કો અને બાળકોને આપવામાં આવતી સુરક્ષાના આધારે કારનું મૂલ્યાંકન કરશે અને રેટિંગ આપશે. ક્રેશ ડમી સાથે પરીક્ષણો હાથ ધરવામાં આવશે. આ ટેસ્ટ કારના સેફ્ટી ફીચર્સનું પણ મૂલ્યાંકન કરશે.