Petrol Diesel Price: પેટ્રોલ-ડીઝલની કિંમતને લઈને રાહત, આજના લેટેસ્ટ ભાવ થયા જાહેર

આંતરરાષ્ટ્રીય બજારમાં ક્રૂડ ઓઈલના ભાવમાં સતત વધઘટ થઈ રહી છે. તેના આધારે દેશભરમાં પેટ્રોલ અને ડીઝલના ભાવ નક્કી કરવામાં આવે છે. જોકે, લાંબા સમયથી રાષ્ટ્રીય સ્તરે તેલની કિંમતોમાં કોઈ ફેરફાર થયો નથી. આજે એટલે કે 25 સપ્ટેમ્બર, 2024 ના રોજ પેટ્રોલ ડીઝલના નવા ભાવ જાહેર કરવામાં આવ્યા છે. ત્યારે આજે પેટ્રોલ ડીઝલના ભાવમાં કેટલો વધારો કે ઘટાડો થયો તે વિશે જાણીએ.

આજે પેટ્રોલ ડીઝલનો કેટલો ભાવ ?

નવીનતમ અપડેટ અનુસાર,પેટ્રોલ અને ડીઝલના ભાવમાં કોઈ ફેરફાર થયો નથી. જોકે, રાજ્ય સ્તરે ભાવમાં થોડો ફેરફાર જોવા મળી રહ્યો છે. આજે આંતરરાષ્ટ્રીય બજારમાં કાચા તેલની કિંમત 75 ડોલરની ઉપર છે. બ્રેન્ટ ક્રૂડ પ્રતિ બેરલ $75.29 પર ટ્રેડ થઈ રહ્યું છે, જ્યારે WTI ક્રૂડ પ્રતિ બેરલ $71.67 પર ટ્રેડ થઈ રહ્યું છે. જ્યારે ભારતની વાત કરીએ તો સરકારી ઓઈલ કંપનીઓએ આજે ​​(બુધવાર), 25 સપ્ટેમ્બર, 2024ના રોજ પણ તમામ મહાનગરોમાં પેટ્રોલ અને ડીઝલના ભાવ સ્થિર રાખ્યા છે.

અમદાવાદમાં શું છે પેટ્રોલના ભાવની સ્થિતિ ?

અમદાવાદમાં છેલ્લા 5 દિવસમાં પેટ્રોલના ભાવમાં કોઈ ફેરફાર થયો નથી. જો કે 24 સપ્ટેમ્બર 2024ના રોજ અમદાવાદમાં પેટ્રોલની કિંમતમાં 0.72 રૂપિયાનો ઘટાડો થયો હતો. ગઇકાલે પેટ્રોલનો ભાવ 94.28 હતો. જે આજે 94.44 રૂપિયા નોંધાયો છે. જ્યારે આજે અમદાવાદમાં ડીઝલનો ભાવ 90.11 છે. જે ગઈકાલે 89.95 રૂપિયા હતો.

દેશના આ મહાનગરોમાં જાણો ઇંધણના ભાવ

• દિલ્હીમાં પેટ્રોલ 94.72 રૂપિયા અને ડીઝલ 87.62 રૂપિયા પ્રતિ લીટર છે
• મુંબઈમાં પેટ્રોલ રૂ. 104.21 અને ડીઝલ રૂ. 92.15 પ્રતિ લીટર
• ચેન્નાઈમાં પેટ્રોલ રૂ. 100.75 અને ડીઝલ રૂ. 92.34 પ્રતિ લીટર
• કોલકાતામાં પેટ્રોલ રૂ. 103.94 અને ડીઝલ રૂ. 90.76 પ્રતિ લીટર