ઘઉંના વધતા ભાવને અંકુશમાં લેવાની તૈયારી, જાણો શું છે આયોજન

• ઘઉંના ભાવમાં તાજેતરના વધારાને ધ્યાનમાં રાખીને લેવાયો નિર્ણય
  
• જથ્થાબંધ વિક્રેતાઓ અને મોટા રિટેલ ચેઇન વિક્રેતાઓ માટે સ્ટોક મર્યાદા ઘટાડી 
• ઘઉંના ભાવમાં વધારા વચ્ચે 3,000 ટનથી ઘટાડીને 2,000 ટન કર્યા

ઘઉંના વધતા ભાવને અંકુશમાં લેવાની તૈયારી સરકારે વેચાણકર્તાઓ માટે સ્ટોક લિમિટ ઘટાડી છે. મળતી માહિતી મુજબ ઘઉંના વેપારીઓ, જથ્થાબંધ વિક્રેતાઓ અને મોટા રિટેલ ચેઇન વિક્રેતાઓ પરની સ્ટોક લિમિટ 3,000 ટનથી ઘટાડીને 2,000 ટન કરી છે.

ઘઉંના ભાવમાં વધારા વચ્ચે 3,000 ટનથી ઘટાડીને 2,000 ટન કર્યા

સરકારે ગુરુવારે ઘઉંના વેપારીઓ, જથ્થાબંધ વિક્રેતાઓ અને મોટા રિટેલ ચેઇન વિક્રેતાઓ પરની સ્ટોક મર્યાદા ઘઉંના ભાવમાં વધારા વચ્ચે 3,000 ટનથી ઘટાડીને 2,000 ટન કરી છે. આ પગલું તાત્કાલિક અસરથી અમલમાં આવશે. નિર્ણયની જાહેરાત કરતા ખાદ્ય સચિવ સંજીવ ચોપરાએ જણાવ્યું હતું કે, "ભાવમાં તાજેતરના વધારાને ધ્યાનમાં રાખીને, અમે સ્ટોક મર્યાદાની સમીક્ષા કરી છે અને આજથી વેપારીઓ, જથ્થાબંધ વિક્રેતાઓ અને મોટા રિટેલ ચેઇન વિક્રેતાઓ માટે સ્ટોક મર્યાદા ઘટાડી દીધી છે.

જથ્થાબંધ વિક્રેતાઓ અને મોટા રિટેલ ચેઇન વિક્રેતાઓ માટે સ્ટોક મર્યાદા ઘટાડી 

ત્રણ મહિના પહેલા, 12 જૂને, સરકારે આ ઘઉંના વેપારીઓ પર માર્ચ 2024 સુધી 3,000 ટનની સ્ટોક મર્યાદા લાદી હતી. સ્ટોક મર્યાદા ઘટાડીને 2,000 ટન કરવામાં આવી છે કારણ કે સરકારે નોંધ્યું છે કે NCDEX પર ઘઉંના ભાવ છેલ્લા એક મહિનામાં ચાર ટકા વધીને રૂ. 2,550 પ્રતિ ક્વિન્ટલ થયા છે," ચોપરાએ જણાવ્યું હતું. દેશમાં ઘઉંની પૂરતી ઉપલબ્ધતા હોવા છતાં, મને લાગે છે કે કેટલાક તત્વો એવા છે જેઓ કેટલીક કૃત્રિમ અછત ઊભી કરવાનો પ્રયાસ કરી રહ્યા છે.